MATIU 5:44 - Yataa 'a Dɔbɛnɛ Nama

⁴⁴ Chɛɛ n mbe gbɛ sanche a fɔ tena wo ye, wo ko don ma nyɔɛ n ko a ni dia wo ye, a sin, wo ni samunɛ chɛ chɛ n ko a, miin mbe ko ma gbaaenɛ sa‑a wo ma.

MATIU 5:44 ပူးပေါင်းရင်းမြစ်များ

DUKU 23:34

Mbɛ Chisɔsi ɔ, “Fa Yataa, i boo bɔ mɔɛ chɛ n 'na ko yama n dɔ. A mu min na, an ma a ɔ sɔn, an mbe ka koe min nyɔn sima ma tena.” Chisɔsi gbangbandenɛ gbakɔ, soya chɛ n‑na chɛ fenɛ chɛ wan a 'a koa n ko a, min mbe a ma, an ni a ɔ sɔn, ni mɔ dɔndɔɛ ɛ min ma sɔn.

CHƆN 13:34

A sin sanche, n yen ko sawa nama be‑a wo ma, n ma min be nin bɛ a kɔma a, mbɛ wo ni to wo nyɔn na. N to‑a buɛ min dɔ wo a, wo wɛɛ, wo to wo nyɔn na ka.

CHISƆSI 'A SƆ MƆƐ NU 16:28

Chɛɛ Pɔɔ‑a yee tɛ wan a ma gbankon, a ɔ, “I ma i wandi fa gbama a, nn gbɛɛ yen ko nɛ.”

CHISƆSI 'A SƆ MƆƐ NU 7:60

Mbɛ a‑a a kumbai gbangban duu ma, mbɛ a‑a samunɛ chɛ, a kuiɛ ma sɛenɛ a. A ɔ, “Mansa, i boo bɔ mɔɛ chɛ n 'na ko yama chɛ n dɔ, an mbe ka min ma‑a n na.” A ban‑da kɛn samun chɛ chɛ‑a, mbɛ a fa‑a.

GBOO DOMI KO A 12:14

Ni mɔɛ n‑na ko ma gbaaenɛ sa wo ma, wo Yataa ɔ tisa, a ni an dua. Wo a ma ka wan gbu. Wo a ɔ tisa, a ni an dua, chɛɛ wo ma a ɔ tisa, a ni an danka.

Gboo Saa Tɛsadonika Ko A 5:15

Wo a ɔ yen, mbɛ wo dɔndɔ wɛɛ ma ko yama a yɛ ko yama ko a. Chɛɛ wo a ma wo ma gbɔsɔɛ a, tima ɔ tima ko a, wo ni ko chɛndɛ ma wo nyɔn na, wo ni a ma mɔ dɔ gbɛɛ n bɛɛ a.

1 PITA 2:23

Bai yama n sa‑a wan a ma, chɛɛ a nii ma a ta ɔ nyɔn ni ɛnden bɛɛ a. A na‑a ko yawaenɛ n bɛɛ ɔ bia wan, chɛɛ a nii ma a wandi ma chian ni. A ni a ta gbɛɛ kai fa dechee Yataa an ma, min mbe tea kaa tɛ.

1 PITA 3:9

Wo ma ko yama a yɛ ko yama ko a. A yɛ to, wo ma mainɛ a yɛ mainɛ ko a. Chɛɛ dua an ni ma wo da ɔ. Koe min na mu, Yataa‑a wo chee tima min na, a na‑a wo too ɔ dia wan, mbɛ dua an ni ma wo ta a.