An to‑a bɔ an na Chuusaɛn duu chɛ ɔ, mbɛ an bɛn‑da kamin dɔndɔ a. Kamin chɛ tɔ ni Saimɔn. A sin, a ni ka tena Sayini duu ɔ wan, ɛ na‑a Chuusaɛn. An‑na a din fan a ma, a ni ta kɔn gbengbanden chɛ a Chisɔsi ko a.
An to‑a ta an na Chisɔsi a, mbɛ an bɛn‑da kamin dɔndɔ a. A tɔ ni Saimɔn, a sin na‑a ka Sayini duu ɔ wan, ɛ na‑a Chuusaɛn duu ɔ. A 'a denɛ n fan nii nɛ Adɛsanda a, ni Dufɔsi. Soya chɛ n‑na a yen kɛn dechee, an‑na a din fan a ma, ta koe a kɔn gbengbanden chɛ a, Chisɔsi ko a.
Mbɛ soya n‑na Chisɔsi bia, mbɛ an ta‑a a a. An to‑a ta tena wan a a, mbɛ an bɛn‑da kamin dɔndɔ a, min tɔ ni Saimɔn. A ni ka tena Sayini duu ɔ wan, ɛ na‑a Chuusaɛn. Soya chɛ n‑na a din fan kamin chɛ ma, a ni ta kɔn gbengbanden chɛ a Chisɔsi gbaa chia a.
Chisɔsi Chasi 'a koadia, an mbe tachɛ tena mmɔ a. Mmɔ ban‑da ka gbɛ buɛ min dɔ a ɔ sɔn‑da, mbɛ a dɔndɔ gbe an fa‑a mɔ gbu gbɛɛ ko a. Chɛ ɛ a ɔ yian fan, mbɛ mɔɛ gbɛɛ fa‑a wan, a 'a saya chɛ ɔ.