MATIU 5:4 - Yataa 'a Dɔbɛnɛ Nama

⁴ “Mɔɛ miin mbe di chɛ‑a, an duaen mu. Yataa ɛ di ka‑a wan an ya a.

MATIU 5:4 ပူးပေါင်းရင်းမြစ်များ

DUKU 16:25

“Chɛɛ Ebeami ɔ, ‘N 'na den, i yii na chii, mbɛ tima min na i ni fɔɛ ɔ, Yataa na‑a fen chɛndɛ kan kɔ kan be wan i ma, i toen ni min na. Chɛɛ Dasayɔsi tana, a na‑a ko yawaenɛ dechee an dɔ yen. Chɛɛ sanche gbɛ, ɛ gbɛ buɔdia wa an dɔ nɛ, i sin mbe tɔɔya ɔ.

DUKU 6:21

Wo duaen mu, kɔnkɔɛ ɛ wo wɛn na sanche. Yataa ɛ wo bu fa‑a wan. Wo duaen mu, wo wɛn mbe di chɛ‑a sanche. Wo e yɛn‑da wan.

DUKU 6:25

Koe chɛ n mbe yaua‑a gba, miin mbe wo tan‑da, wo wɛn bu faen mu gban sanche. Kɔnkɔɛ ɛ wo bia‑a wan. Koe chɛ n mbe yaua‑a gba, miin mbe wo tan‑da, wo wɛn mbe yɛn tena sanche. Wo e chinchin di chɛ‑a wan.

DUKU 7:38

Musu chɛ don‑da kɛn Fayisii chɛ 'a chenɛ a, a‑a a ma bun fan Chisɔsi gbaa chia a, a chenɛ ɔ fuinden ni kaina, mbɛ a bun‑da di chɛ‑a fiko fiko. A ya yii min ni ka bɔ tena, a‑a Chisɔsi chenɛ n ma chima wan. A‑a a kundi an ya, a‑a Chisɔsi chenɛ n ma fian a a. A yɛ‑a wan to, a‑a a da tu Chisɔsi chenɛ n na, a ɔ yian koe a, mbɛ basɔmaya ɛ wan a boo ɔ Chisɔsi ko a. A‑a tu kunyɛ a diama chɛ ya, mbɛ a‑a Chisɔsi chenɛ ma mun a gbɛɛ a.

DUKU 7:50

Chɛɛ Chisɔsi‑a a fɔ wan musu chɛ ye, a ɔ, “Ta i faa chimaenɛ a don, i 'a danaya‑a i baun.”

CHIMISI 1:12

Yataa ɛ mɔɛ chɛ n dua‑a wan, miin mbe an faa bia, ni ko yawaenɛ‑a an tan. Koe min na mu, ni an‑na an koe chɛ ɔ bia, Yataa ɛ boo ɔ gbasi woo min be‑a an ma, ɛ ma‑a kuɔ fɔ fɔɛ an na. Fɔɛ chɛ, a na‑a tooɔdia be koe an na mɔɛ n ma, miin toen mu a a.

KO Ɔ NUNDENƐ 21:4

Ɛ di gbɛɛ ka‑a wan an ya a. Saya ee ma‑a to nɔ, n mbe ee baa sanka di chɛ koe ma, chɛ ma, di gbama gbama, tɔɔya wɛɛ ee ma‑a nɔ. Koe min na mu, koe kɔma n gbɛɛ, miin ni ma tee, an gbɛɛ ban‑da tuin‑da.”