MATIU 5:30 - Yataa 'a Dɔbɛnɛ Nama30 Ni i boo nyima ɔ boo, an bɛɛ ɛ i a dɛ tena ko yama ɔ, a tɛ a a, i ni a a dɛ. Ɛ nyan fan i ni fo i sɔna dɔndɔ a, a ni ben i ta koe ma i sɔna gbɛɛ a kandenɛ a ta ɔ.” အခန်းကိုကြည့်ပါ။ |
Chɛɛ min mbe a ma, mɔɛ chɛ n faa ma na tɛ mɔ ma, i 'a duinɛ ya, i ni ta Kadidi yii wa chɛ da a, duin na dɛ tena. E nyɛ saa saa min bɔ‑a, a da a ka, e kɔpɔɛ yen‑da wan a da ɔ. A kɔpɔɛ chɛ ɛ kun fan, a ni mɔ fea ma pawa chɛ Yataa 'a kata chɛ ko a. A ya, i ni ta a a, i ni mɔ fea ma pawa chɛ a a.” Mbɛ Pita ta‑a, a‑a a ma yɔ Chisɔsi‑a a fɔ buɛ min dɔ a ye, a ma koe a.
“A sin, ni i boo‑a i a dɛ ko yama ɔ, a tɛ a a, i ni a a dɛ. Ni i chenɛ wɛɛ‑a i a dɛ ko yama ɔ, a wɛɛ tɛ a a, i ni a a dɛ. Koe min na mu, tamban tɔɛ wɛɛ ɛ kuɔ fɔ fɔɛ ma sɔn‑da wan, ni a ma dɛ ni ko yama ɔ. Chɛɛ a ma nyin, i boo fea a kandenɛ ni ma, a basan i chen fea a, mbɛ i ta‑a ta ɔ, min mbe ee dufɛn kuɔ fɔ ko a.
Chɛɛ n mbe sanche gbɛ a fɔ tena wo ye, mbɛ ni mɔ ɔ mɔ faa tɛ‑a a ɔ benden ba a a, a suun ma nyɔɛ ma, an mɔɛ chɛ ɛ gbɛmbo‑a wan. Mɔ ɔ mɔ min mbe bai yama sa‑a a suun ma nyɔɛ ma, an mɔɛ chɛ ta gbɛmbo kɔ ɛ gbɛ‑a wan, Chu kuti wa ɔ. A sin, mɔ ɔ mɔ min mbe a fɔ‑a a suun ma nyɔɛ ma, a ɔ, ‘Yataa sɔn bai mu a a,’ a mɔɛ chɛ nɛnɛ ɛ ta‑a ta an dɔ, ni a fa‑a.
Chɛɛ n suun ma nyɔɛ nu Chasi ɔ, n tana, n‑na n boo bɔ kanɛ chɛ koe a, mbɛ ni mɔɛ a ma kamincha ni, a ee ya mɔ tandenɛ a Yataa tena. Chɛ an fɛ mu, an mbe tun ko yawaenɛ sa‑a n ma. Ni chɛ sin ko a mu, Chu mɔɛ n faa nii tɛ‑a n ma, ni n ni mɔɛ n kan, a si an na kamincha koe an ma. Chɛɛ n mbe mɔɛ n kan, a si Chisɔsi 'a saya an ma, kɔn gbengbandenɛ ma.