MATIU 5:3 - Yataa 'a Dɔbɛnɛ Nama

³ “Mɔɛ miin‑na a ɔ sɔn chia ee nɔ, mɔɔ ni Yataa basan‑da an ma, an duaen mu. Yataa an mbe ma‑a an 'na mansa a.

MATIU 5:3 ပူးပေါင်းရင်းမြစ်များ

MATIU 11:25

A tima chɛ a, Chisɔsi‑a a fɔ, a ɔ, “Fa, n‑na i wai bɔ, i wɛn mu mansa a banda bu ɔ ni dunya ɔ. A mu min na, i‑a koe chɛ n dɔ nun fan chɛ nu ma, ɛ miin ta yiima ɔ, mbɛ an dɔ sɔen mu. Chɛɛ i‑a an dɔ yian fan chɛ n na, miin‑na an fandi a yii i tena.

MATIU 11:6

Wo a fɔ, wo ɔ, mɔ ɔ mɔ, i wɛn gboo ɔ ma fa ni dan koe a n na, e dua ma sɔn‑da wan.”

MATIU 13:16

Mbɛ Chisɔsi ɔ a fɛ denɛ n ma, a ɔ, “Chɛɛ wo tana wo duaen mu, a mu min na, wo e koe ɔ yen, mbɛ a yɛ to, wo e a a min.

MATIU 19:14

Chɛɛ Chisɔsi ɔ, “Wo ma an ma bai. Wo a ma den mɛsɛ n ni na n tena. Koe min na mu, mɔɛ miin maen mu yɔ den mɛsɛ chɛ nu, Yataa an mbe ma‑a an 'na mansa a.”

MATIU 24:46

Ni a kun ti yɛ‑a, a ni a tan, ɛ koe chɛ n ma‑a, yɔ a‑a a fɔ buɛ min dɔ a ye, ɛ ma wan ko chɛndɛ a a ko a.

MATIU 25:34

Mbɛ n fan mansa chɛ, n mbe a fɔ‑a wan mɔɛ chɛ n ye, n boo nyima ɔ, n dɔ, an ni na. N dɔ, Fa Yataa‑a an dua. N dɔ, an ni na, an ni Yataa 'a mansaya tɔnɔnɛ ma sɔn, min dɔ bɛn‑da suun an ko a, a ka dunya a dan tima ma.

MATIU 3:2

A ɔ, “Wo wo kan kɔ sɔ wo 'a ko yama n na, wo ni wo ya a mun Yataa ma. A mu min na, Yataa 'a mansaya ɔ yian tima, ɛ gbɛ mmɔ ma chenɛ da a wan.”

MATIU 8:11

Ka wɛ n mbe tea fɔ wo ye. Mɔ sɛsɛ dɔ mende nu, an mbe na‑a wan a ka dunya chɛ gbɛɛ ɔ. An mbe si‑a wan kaina dɔndɔɛ, an bɛ Ebeami a, a basan Aisaki an fea Chekɔpi a, an ni daunɛ chɛ Yataa 'a mansaya kɔɔ.

MAKI 10:14

Chɛɛ Chisɔsi bu ɔ nii ma dia ni, chɛ ɔ yen koe a. Mbɛ a ɔ an ma, “Wo a ma den mɛsɛ n ni na n tena. Wo ma an ma bai. Koe min na mu, mɔɛ miin maen mu yɔ den mɛsɛ chɛ nu, Yataa an mbe ma‑a an 'na mansa a.

DUKU 11:28

Chɛɛ Chisɔsi ɔ, “I‑a tea an fɔ ka, chɛɛ miin mbe Yataa 'a bai a min‑da, mbɛ an‑na a ma, yɔ bai chɛ‑a min fɔ an ye a ma koe a, dua chenama wa gbu ɛ ma‑a an fan ma.”

DUKU 18:14

Mbɛ Chisɔsi ɔ te gbɛ, “N ni a ma din wo tena, mbɛ pawa kain mɔɛ chɛ e na to yɛ‑a a 'a chenɛ a, Yataa na‑a a ya wan mɔɛ a, min tanden ni a tena. Chɛɛ Yataa ma Fayisii chɛ ya ni mɔɛ a, min tanden ni a tena. Koe min na mu, ni mɔ ɔ mɔ‑a a wandi a sɛ, Yataa ɛ a mɔɛ chɛ a yii‑a wan. Chɛɛ ni mɔ ɔ mɔ‑a a wandi a yii, Yataa ɛ a mɔɛ chɛ a sɛ‑a wan.”

DUKU 22:29

A sin, Fa‑a gbasaya be buɛ min dɔ n ma ma koe a mansa a, n bɛɛ n mbe an gbasaya chɛ be‑a wo wɛɛ ma.

DUKU 22:30

Chɛ‑a a ma wan, tima min na Yataa ɛ n 'na mansaya ɔ yian‑da, mmɔ bɛ ɛ daunɛ chɛ‑a wan to, mmɔ ni mmɔ min, daun chɛ bɛn ba chɛ ɔ. A tima chɛ a, wo wɛɛ wo e ma‑a wan mansa n na, mmɔ 'a Isɔɛɛ dambi tan kun ma fea chɛ n kun ma.”

DUKU 4:18

“Mansa Yataa Nyina ɛ n fɛ, koe min na mu, Mansa Yataa‑a a boo sɔ n ma, sakana bai chɛndɛ chɛ ɔ yian koe a yɔn tɔɛ n na. A‑a n sɔ a fɔ koe a mɔɛ n ye, miin mbe bia ɔ, mbɛ an mbe bɔ‑a wan a ɔ, mbɛ ya te tɔɛ chɛ n bɛɛ, an mbe kaina yen‑da wan to. A‑a n na na, chɛ n bɔ koe a mɔɛ chɛ n 'na gbasaya kɔɔ, miin mbe an yɔn bia chɛ tena.

CHƆN 20:29

Mbɛ Chisɔsi ɔ a ma, a ɔ, “I‑a n yenɛ min chɛ, an‑na a ma dechee, i‑a i kai fa n na. Dua ni ma mɔɛ chɛ n ma, miin ma n yen ni, chɛɛ an‑na an kai fa‑a n na.”

CHIMISI 1:10

Yataa 'a mɔ kan kɔ kan, min mu nyan tɔɛ a, a wɛɛ bu ɔ ni dia. Koe min na mu, a 'a nyanɛ ma Yataa ya a fen fen na. Nyan tɔɛ chɛ ɛ ma‑a wan, yɔ kɔn fu. Ɛ bi yen fan, mbɛ sinan a fa‑a.

CHIMISI 1:12

Yataa ɛ mɔɛ chɛ n dua‑a wan, miin mbe an faa bia, ni ko yawaenɛ‑a an tan. Koe min na mu, ni an‑na an koe chɛ ɔ bia, Yataa ɛ boo ɔ gbasi woo min be‑a an ma, ɛ ma‑a kuɔ fɔ fɔɛ an na. Fɔɛ chɛ, a na‑a tooɔdia be koe an na mɔɛ n ma, miin toen mu a a.

CHIMISI 2:5

N suun ma nyɔɛ nu Chasi ɔ, wo ko a di n ye. Ka n mbe chɛ fɔ wo ye. Dunya chɛ na‑a miin ya yɔn tɔɛ n na, Yataa‑a a boo sɔ an mɔɛ chɛ n fan ma, an nyan‑da a ta chia a. An‑na an kai fa mmɔ 'a mansa Chisɔsi a. A sin, an mbe ma‑a wan a 'a mansaya kɔɔ banda bu ɔ. Mansaya chɛ, a na‑a mɔɛ chɛ n too ɔ dia min na, mɔɛ miin toen mu a a.

KO Ɔ NUNDENƐ 19:9

Mbɛ maeka chɛ ɔ te n ma, a ɔ, “Chɛ nyɛn gboo ɔ. Mɔɛ chɛ n duaen mu, miin cheeen mu sa tɔngbɔɛ 'a musu si tena, daun chɛ koe a.” Mbɛ maeka chɛ‑a a fɔ to n ye, a ɔ, “Bai chɛ nu, min fɔ‑a ka, Yataa da a bai chɛndɛ chɛndɛ n fan nɛ.”

KO Ɔ NUNDENƐ 22:14

Mɔɛ chɛ n duaen mu, miin mbe an 'na koa ko‑a, min mbe a ma, an ni don duu wa chɛ ɔ, fɛnsi chɛ da chɛ n na, mbɛ an‑na kɔn chɛ gbɔɛ daun, kɔn chɛ min mbe fɔɛ be ka.

KO Ɔ NUNDENƐ 3:17

Koe min na mu, wo e a fɔ wan, wo ɔ, wo nyanden mu, wo ɔ, fen fen mbe wan wo boo ɔ, wo ɔ, fen fen ma gbɔsɔɛ ee wo ma. Chɛɛ wo ma a ɔ sɔn, mbɛ wo ma chinchinden mu, wo yɔnden mu, a ma boo kan kɔ kan mbe ee wo ye, wo fiondenɛ mu, wo ma senɛ ɛ.