MATIU 5:22 - Yataa 'a Dɔbɛnɛ Nama

²² Chɛɛ n mbe sanche gbɛ a fɔ tena wo ye, mbɛ ni mɔ ɔ mɔ faa tɛ‑a a ɔ benden ba a a, a suun ma nyɔɛ ma, an mɔɛ chɛ ɛ gbɛmbo‑a wan. Mɔ ɔ mɔ min mbe bai yama sa‑a a suun ma nyɔɛ ma, an mɔɛ chɛ ta gbɛmbo kɔ ɛ gbɛ‑a wan, Chu kuti wa ɔ. A sin, mɔ ɔ mɔ min mbe a fɔ‑a a suun ma nyɔɛ ma, a ɔ, ‘Yataa sɔn bai mu a a,’ a mɔɛ chɛ nɛnɛ ɛ ta‑a ta an dɔ, ni a fa‑a.

MATIU 5:22 ပူးပေါင်းရင်းမြစ်များ

MATIU 10:17

Wo wo kun ma fɛn, a mu min na, an mbe wo bia‑a wan, an ni ta wo a gbakoo n chen kɔɔ. An mbe yɛ‑a wan to, an ni wo gbasi an 'na samun chɛ chenɛ n na.

MATIU 10:28

Wo ma chian mɔ gbu ma wo fa ko a. Ɛ wo fa‑a wan, chɛɛ a ee ko ɔ ko ma‑a wo nyina a, min mbe wo ɔ. Wo chian Yataa dɔndɔ gbe an ma. An mbe mɔ gbu fa, mbɛ a‑a a nyina wɛɛ, a‑a a a ta ta ɔ, ɛ minda kaina.

MATIU 12:24

Chɛɛ Chu mɔɛ chɛ nu, miin mu Fayisii a, an‑na koe chɛ a min fan. Mbɛ an‑na a fɔ wan, an dɔ, “Nyina yama n 'na mansa chɛ, min tɔ mu Bɛɛsɛbu, an mbe ka gbasaya chɛ be tena a ma, nyina yama n gbain koe a mɔɛ n fɛ.”

MATIU 17:5

Pita to‑a koɔ tena wan Chisɔsi tena, mbɛ dingbii gbɛenɛ fo fo yii‑a an kun na, mbɛ Yataa koɔ‑a an dingbii chɛ ɔ, a ɔ, “N 'na denɛ an nɛ, a ko a di n ye kaka. N faa chimaen mu a ko a. Wo a da a kuiɛ a min.”

MATIU 18:21

Mbɛ Pita gbɛn‑da Chisɔsi ma, a ɔ, “Mansa, nn fɛn mbe ka i fɛ, ni dɔndɔ‑a ko yama ma n na gba sɛsɛ ko a, gba yuu ko a mu, n mbe n boo bɔ‑a a ɔ? N ni n boo bɔ a ɔ, gba wɔnfea an ko a?”

MATIU 18:35

Mbɛ Chisɔsi ɔ te gbɛ, “Ni wo ma chinchin ni wo bɔɛ n ma, wo ni wo boo bɔ an 'na ko yama n dɔ, Fa Yataa wɛɛ, ɛ a ma‑a ka wan wo wɛɛ a, yɔ mansa chɛ‑a a ma buɛ min dɔ kamin chɛ a.”

MATIU 23:15

“Wo wan sawa kan mɔɛ chɛ nu, wo wan Fayisii nu, koe min mbe wo tan‑da, a yau gba wo ko a. Nɛnɛn fea ti mu wo a. Su ni tee a, wo e sɔ ɔ wo chenɛ a, mɔ yanɛ a kan kɔ kan. Ni wo‑a mɔ dɔndɔ ma sɔn, wo fɛ den chɛ a, wo e chia a ka wan a ko a gbadan, min mbe a ma, wo bɛ ni ta ta ɔ. Ni wo sin ta‑a, gbɛmbo ee ma‑a a ma, koe min na mu, wo ban‑da a ma‑a wo kan mɔ a, ko yama ma ɔ.

MATIU 23:33

Wo yauaen ba chɛ nu yɔ ka. Wo ee kun wo ni wo kunɛ bɔ Yataa 'a mɔnɛ kɔɔ min mbe wo ko a. Yataa ɛ wo a ta‑a wan ta ɔ.

MATIU 25:41

“Mbɛ n fan mansa chɛ, mɔɛ chɛ nu n manɛ ɔ, n mbe a fɔ‑a wan an ye, n dɔ, an ni ka n ya a. N dɔ, Yataa‑a an danka. N dɔ, an ni ta pan kuɔ fɔ ta man chɛ ɔ, Yataa‑a min dɔ bɛn Sitana ko a, nyina yama n kun ti, an bɛ a 'a nyina yama n na.

MATIU 26:59

Mbɛ Chu n tɛ mɔɛ nu Yataa a, an 'na mansa nu, an bɛ Chu kuti wa ɔ mɔɛ n gbɛɛ a, an bun‑da fania siiya yan‑da, a si Chisɔsi ma. An toen ni chia an na, a fa koe a.

MATIU 3:17

Mbɛ a yen ko, kuiɛ a min‑da a ka banda bu ɔ, a ɔ, “N 'na denɛ an nɛ, a ko a di n ye kaka. N faa chimaen mu a ko a chɛndɛ chɛ.”

MATIU 5:34

Chɛɛ n mbe gbɛ sanche a fɔ tena wo ye, wo ma wo gboo ɛnden bɛɛ a. Wo ma wo gboo banda bu ɔ ɔ, a mu min na, Yataa 'a mansaya sea an nɛ.

MATIU 5:44

Chɛɛ n mbe gbɛ sanche a fɔ tena wo ye, wo ko don ma nyɔɛ n ko a ni dia wo ye, a sin, wo ni samunɛ chɛ chɛ n ko a, miin mbe ko ma gbaaenɛ sa‑a wo ma.

MAKI 14:55

Mbɛ Chu n tɛ mɔɛ nu Yataa a, an 'na mansa nu, an bɛ Chu kuti wa ɔ mɔɛ n gbɛɛ a, an bun‑da siiya yan‑da, a si Chisɔsi ma. An toen ni, an ni chia yan, a fa koe ma. Chɛɛ an nii ma chia sɔn ni, a fa koe a.

MAKI 15:1

A sau sau chɛ ma, Chu n tɛ mɔɛ nu Yataa a, an 'na mansa nu, ni Chu gbakoo nu, a basan Chu n 'na sawa kan mɔɛ n na, an bɛ Chu kuti wa ɔ mɔɛ n gbɛɛ a, an bɛn‑da kun puinɛ ɔ. Mbɛ an‑na Chisɔsi chii fɔin, an ta‑a a a, mbɛ an‑na a konan Kɔfana Padeti ma.

DUKU 12:5

Chɛɛ wo e chian min ma, n mbe a yian‑da wan wo a. Wo chian Yataa dɔndɔ gbe an ma. An mbe mɔ gbu fa, mbɛ a‑a a a ta ta ɔ, ɛ minda kaina. Wo dan chɛ a, mbɛ wo ni chian Yataa ma.

DUKU 22:66

Banda ɔ ka‑a kɛn, mbɛ Chu gbakoo n bɛn‑da kaina dɔndɔ. Chu n tɛ mɔɛ nu Yataa a, an 'na mansa n bɛɛ ni wan an bɛn chɛ ɔ, a basan Chu n 'na sawa kan mɔɛ n na. Mbɛ an gbɛɛ‑a a ma, an na‑a Chisɔsi a an chen kɔɔ.

CHƆN 11:47

Chɛ ko a, Fayisii chɛ nu, an bɛ Chu n tɛ mɔɛ n na Yataa a, an 'na mansa n na, an‑na Chu kuti wa si kaina dɔndɔ. Mbɛ an dɔ, “Mmɔ ɛ fen ma tena gbɛ? Mmɔ a ɔ yen gbɛ sanche, kamin chɛ ɛ kamaya koe min gbɛɛ a tachɛ tena.

CHƆN 15:25

Chɛ ma‑a, min mbe a ma, min nyɛnden ni an 'na sawa n dɔ, a ni bɔ a a. A nyɛnden ni ka wan, ‘An too‑a wan n na dechee, n nii ma ko ɔ ko yɔn ni an ma.’

CHƆN 7:20

Mbɛ mɔ fanka chɛ ɔ, “Nyina yama an mbe i fɛ. Mɔɛ minan mu, min mbe i fɛ i fa koe a?”

CHƆN 8:48

Mbɛ Chu mɔɛ chɛ n dɔ Chisɔsi ma, an dɔ, “I‑a a ɔ yen gbɛ, mbɛ nn‑na min fɔ, nn teaen fan mu. Nn‑na a fɔ wan, mbɛ Samayia mɔɛ mu i a, a sin, nyina yama an mbe i fɛ.”

CHISƆSI 'A SƆ MƆƐ NU 17:18

Kan chɛ mɔɛ dɔ nu to, miin ni kanɛ chɛ a si Ɛpikuyian koe ma, ni dɔ nu, miin ni kanɛ chɛ a si Sitoiki koe ma, an bɛɛ‑a Pɔɔ kɔɔsa bia wan. An dɔ, “Gboo kaa ma chɛ ɛ ka fen fɔ tena?” Mbɛ dɔ n sin‑na a fɔ, an dɔ, “Mɔɛ ɛ a yen, yɔ ɛ ka bai sa tena, a si sonda yataa n fan ma.” An‑na chɛ fɔ koe min na, Pɔɔ ni Yataa bai sa tena, a si Chisɔsi an ma, ni a kɔɔ sɔ koe a, a ka saya ɔ.

CHISƆSI 'A SƆ MƆƐ NU 22:30

Chɛɛ an ban‑da ɔ ka dɔndɔɛ ma, soya n kun ti chɛ, a toen ni kɛn a ni a ɔ sɔn, koe min gbu na‑a a ma, Chu mɔɛ n‑na kunɛ si Pɔɔ kun ma, a‑a a fuin. Mbɛ Chu n tɛ mɔɛ nu Yataa a, an 'na mansa nu, a‑a a fɔ an ye, an bɛ Chu kuti wa ɔ mɔɛ n na, a ɔ, an ni na, an ni bɛn. An bɛn‑da kɛn, a yii‑a wan Pɔɔ a, a‑a a sɔ an chen kɔɔ.

CHISƆSI 'A SƆ MƆƐ NU 23:1

Mbɛ Pɔɔ‑a kuti wa chɛ ma fɛn, mbɛ a‑a a fɔ, a ɔ, “N suun ma nyɔɛ nu, a ka n suun tima ma, aan a sɔ tee chɛ ma, n ma sika ni n fandi ɔ. A sin, n mbe tachɛ tena tea chia an na, Yataa chen kɔɔ.”

CHISƆSI 'A SƆ MƆƐ NU 24:20

Ni chɛ ma, an fandi gbu, an fɛn na‑a ka n na, an ni a ɔ yian, ni n‑na koe min ma, min ma nyin. Tima min na n ni sɔ ɔ, an 'na kuti wa chɛ chen kɔɔ, n‑na ko yama min ma,

CHISƆSI 'A SƆ MƆƐ NU 4:15

Mbɛ Chu kuti wa chɛ, an‑na a fɔ, an dɔ, Pita ni an kafai, an fea Chɔn na. Mbɛ an‑na an nyɔn dɔ tisa, an dɔ te,

CHISƆSI 'A SƆ MƆƐ NU 5:21

Chisɔsi 'a sɔ mɔɛ chɛ n bɛɛ ma maeka chɛ da a kuiɛ yɔn ni. Mbɛ sau sau ma, an don‑da wan Yataa 'a kata chɛ ɔ, mbɛ an‑na a kuu sɔ mɔɛ n kan‑da. Mbɛ Chu n tɛ mɔ wa Yataa a, an bɛ a bɔɛ n na, an‑na Chu kuti wa si kaina dɔndɔ, min mbe a ma, an ni bɛn ba bia. Mbɛ an bɛn‑da kɛn, an‑na mɔɛ a ta wan pimbi chen chɛ a, min mbe a ma, an ni na Chisɔsi 'a sɔ mɔɛ chɛ n na an chen kɔɔ.

CHISƆSI 'A SƆ MƆƐ NU 5:27

An na‑a wan Chisɔsi 'a sɔ mɔɛ chɛ n na. An na‑a kɛn an na, an ta‑a wan an na, Chu kuti wa chɛ bɛnden ni ka chenɛ min na. An toen ni, Chu n 'na tɛ mɔ wa Yataa tena, a ni an dɔ tisa.

CHISƆSI 'A SƆ MƆƐ NU 6:12

Bai chɛ‑a a ma wan, mɔɛ n gbɛɛ a kan‑da, an bɛ basan Chu gbakoo n na, ni Chu n 'na sawa kan mɔɛ nu. Mbɛ an gbɛɛ faa tɛ‑a Sitibin ma, min‑na a ma, an‑na a bia, mbɛ an na‑a a a Chu kuti wa ɔ.

CHISƆSI 'A SƆ MƆƐ NU 6:15

Mɔɛ miin gbɛɛ ni ka si ɔ an Chu kuti wa ɔ, an ya to‑a ka wan Sitibin na, mbɛ an‑na a ya kɔɔɛ yen, yɔ maeka ta ɛ buɛ min dɔ.

CHISƆSI 'A SƆ MƆƐ NU 7:37

Mosisi an‑na a fɔ Isɔɛɛ mɔɛ n ye, a ɔ, ‘Yataa ɛ a 'a gbonka chɛ mɔɛ a na‑a wan wo tena, yɔ a‑a n na na buɛ min dɔ wo tena. A sin mbe ma‑a wo 'a mɔɛ gbu an na.’

GBOO DOMI KO A 12:10

Wo to wo nyɔn na chɛndɛ chɛ wo faa gbɛɛ a, yɔ mɔɛ ɛ to buɛ min dɔ a suun ma nyɔɛ n na. A sin, wo ma bɛndenɛ ni ma basɔmaya be koe a wo nyɔn ma, tima ɔ tima ko a.

GBOO SAA KƆYINDI KO A 6:10

N mbe ee a fɔ, chɛ n bɛɛ, miin mbe kanka chɛ, ni miin fen ko yaen mu kaka. A yɛ to, gbɛ min mɔ wa an bɛɛ, ni miin mbe tɔ ɔ tɛ yama chɛ, an bɛ kafa tɔɛ n na. An dɔndɔ wɛɛ ee don‑da Yataa 'a mansaya kɔɔ.

GBOO SAA KƆYINDI KO A 6:6

Chɛɛ wo suun ma nyɔn dechee dechee nu Chasi ɔ, wo wan mbe ta wo nyɔn na, kuti ɔ. Wo e ta mɔɛ chɛ n chen kɔɔ, miin ma an kai fa ni Chisɔsi a, wo 'a bai sa koe a.

Gboo Saa Tɛsadonika Ko A 4:6

Mbɛ an chia chɛ a, mɔ ɔ mɔ ma ko yama ma a bɔ Chisianɛ a, a ma gbasaya din a ma. Nn‑na chɛ fɔ wan wo ye a kɔma a gbau gbau, mbɛ Mansa Yataa ɛ mɔɛ n tɔɔ‑a wan, miin mbe ko bonda chɛ sima ma‑a.

TAITƆSI 3:2

An ma bai yama sa mɔ ɔ mɔ ma, an ni an boo bɔ koɛ ɔ, an ni ma mɔ ma chimaenɛ n na, miin mbe basɔmaya be mɔ ɔ mɔ ma.

GBOO IBU MƆƐ N KO A 12:25

Wo a ma wo ma gbɔsɔɛ a, wo too ma sɔ koe a Yataa ma, ni a ma‑a koɔ‑a. Mɔɛ miin na‑a ban an too ma sɔ koe a, tima min na a ni dasi be tena an ma dunya ɔ, an na‑a tɔɔya ɔ bia wan. Ni a ma‑a koɔ‑a, a ka banda bu ɔ, mbɛ mmɔ‑a mmɔ kan kɔ sɔ, mmɔ wɛɛ ɛ tɔɔya ɔ yen‑da wan.

GBOO IBU MƆƐ N KO A 5:9

A sin, a na‑a ma wan mɔɛ a, min da faenɛ ɛ gban, Yataa tena. Chɛ‑a a ma wan, a ma‑a mɔɛ a, min mbe na kuɔ fɔ fɔɛ a mɔɛ n ko a, miin mbe kooya be‑a a ma.

CHIMISI 2:20

Wo wooen fan mu. Wo toen mu, wo ni a ɔ gbɛ, mbɛ ni wo kai faenɛ ma‑a tenchen Yataa a, wo ee ko chɛndɛ wɛɛ ma, mbɛ yiimatɛ ma.

CHIMISI 3:6

Nɛnɛnɛ nan gbu sin mu ta an na. Ko yama dechee an faenɛ ɛ a a, min mbe che wo gboo gbɛɛ a yɛ‑a kuu kɔ. Ɛ che wan a ma‑a, mmɔ 'a fɔɛ gbɛɛ ni mun, a ni chɛ ta ɔ, kasaa koe a. Koe min na mu, a 'a gbasaya kaen mu Sitana an tena.

1 PITA 2:23

Bai yama n sa‑a wan a ma, chɛɛ a nii ma a ta ɔ nyɔn ni ɛnden bɛɛ a. A na‑a ko yawaenɛ n bɛɛ ɔ bia wan, chɛɛ a nii ma a wandi ma chian ni. A ni a ta gbɛɛ kai fa dechee Yataa an ma, min mbe tea kaa tɛ.

1 PITA 3:9

Wo ma ko yama a yɛ ko yama ko a. A yɛ to, wo ma mainɛ a yɛ mainɛ ko a. Chɛɛ dua an ni ma wo da ɔ. Koe min na mu, Yataa‑a wo chee tima min na, a na‑a wo too ɔ dia wan, mbɛ dua an ni ma wo ta a.

1 CHƆN 2:9

Mɔ ɔ mɔ min‑na a wandi ya, mbɛ ɛ Yataa 'a manɛ kɔɔ wan, chɛɛ a tooenɛ a suun ma nyɔɛ a, ɛ ka pimbi an dɔ tun tun.

1 CHƆN 3:10

Yataa 'a denɛ nu, ni Sitana 'a denɛ nu, mmɔ ɛ na tena an tɛ bɔɛ sɔn‑da ka wan. Mɔɛ min mbe ee tan‑da, Yataa 'a den ma a mɔɛ chɛ a, n mbe ee baa mɔɛ chɛ ma, min ma to ni a suun ma nyɔɛ a.

1 CHƆN 5:16

Ko kan kɔ kan, min mbe ee Yataa 'a chia ma, ko yama mu. Chɛɛ ko yama ɛ wan nɔ, min mbe ee mmɔ ka‑a kuɔ fɔ fɔɛ chɛ ma sɔn‑da. A ya wɛ, mbɛ i suun ma nyɔɛ dɔndɔ, a‑a ko yama ma. Chɛɛ an ko yama chɛ ee che a ma‑a, a ni fo kuɔ fɔ fɔɛ a. Samunɛ chɛ a mɔɛ chɛ ko a, min mbe a ma, a ni kuɔ fɔ fɔɛ ma sɔn. Chɛɛ ni ko yama mu, min mbe che a ma‑a, a ee kuɔ fɔ fɔɛ ma sɔn, n ma i kaa ni samunɛ chɛ‑a, a mɔɛ chɛ ko a.

CHUDA 1:9

Chɛɛ maeka n 'na mansa dɔndɔ wɛɛ, min tɔ mu Maikɛɛ, a nii ma Sitana main ni. A na‑a a fɔ wan dechee a ma, a ɔ, Mansa Yataa ni a tɔɔya. Chɛ ma‑a Mosisi su kun ma wan. An fea chɛ dɔndɔ toen ni a ni su chɛ ya, min na ban‑da kɔɔsa ma an tɛ ɔ.

KO Ɔ NUNDENƐ 20:14

Mbɛ saya fea faa a, an na dɛ‑a ta man ba ɔ. Ta wa chɛ ɔ ta, an mu saya fean bɔɛ a, a dankama.