MATIU 5:20 - Yataa 'a Dɔbɛnɛ Nama

²⁰ N mbe a fɔ tena wo ye, mbɛ wo ee don‑da Yataa 'a mansaya kɔɔ, mɔɔ ni wo‑a wo sɔɛ don Yataa faa ma koe ma koe a, a ben Chu n 'na sawa kan mɔɛ chɛ n ma, an bɛ Fayisii n na.”

MATIU 5:20 ပူးပေါင်းရင်းမြစ်များ

MATIU 16:12

Mbɛ an‑na a ɔ gbɛ wan gbɛ, mbɛ a ni an na si tena a si kanɛ an ma, Fayisii chɛ n ni min chɛ mɔɛ n na, an bɛ Sadusii n na. Chɛɛ a nii koɔ tena a si yisinɛ an ma, an mbe min chɛ biidi ɔ.

MATIU 18:5

A sin, ni mɔ ɔ mɔ‑a a boo si den den chɛ nyɔn sima kɔɔ n tɔɛ ɔ, a‑a a boo si ka n fan kɔɔ.”

MATIU 3:10

Ni kɔnɛ ma gbɔ chɛndɛ be ni, mɔɛ ɛ a tɛ wan a suu ma, mbɛ a‑a a minda. Wo gbɛɛ wo maen fan mu yɔ kɔnɛ nu. Yataa 'a yende a saen fan mu wo dɔ n tɛ koe a wo suu ma, wo wɛn mbe ee ko chɛndɛ ma‑a.

MATIU 7:21

Chisɔsi ɔ, “Mɔɛ gbɛɛ ma, miin mbe n chee‑a, ‘Mansa, Mansa,’ miin mbe don‑da Yataa 'a mansaya kɔɔ. Chɛɛ fɔ dechee mɔɛ chɛ, min mbe a sɔɛ don‑da Fa Yataa, min mbe banda bu ɔ, a faa ma koe n ma koe a.

MAKI 10:15

N ni a ma din wo tena, mbɛ ni mɔ ɔ mɔ ma dɔn ni, a ni don Yataa 'a mansaya kɔɔ yɔ den mɛsɛ chɛ nu, an mɔɛ chɛ ee che ma‑a Yataa ta a.”

MAKI 10:25

A ɔ gbɛ kaka nyan tɔɛ ko a, a ni don Yataa 'a mansaya kɔɔ, a ni ben ninchi don koe ma miichi woe a.”

DUKU 11:44

Koe min mbe wo tan‑da, a yau gba wo ko a. A mu min na, wo ma buɛ ee a ɔ yian mɔɛ n na, mbɛ wo sɔnɛ n yau wan. An mbe ee a ɔ sɔn ni wo sɔnɛ n yau wan, chɛɛ ni an gbɛn‑da dechee wo ma, mbɛ wo‑a wo sɔn yama chɛ n chɛ an dɔ, mbɛ an ma‑a yɔ wo e buɛ min dɔ.”

DUKU 12:1

A tima chɛ a, mɔ wu sɛsɛ a kan‑da wan Chisɔsi tena. Mɔɛ n da a ni koo, an ni ka wan tɛn tɛn‑da an nyɔn ma. Mbɛ Chisɔsi‑a a kuu sɔ a fɔ‑a a fɛ denɛ n pɛn ye, a ɔ, “Mmɔ 'a Chu mɔɛ chɛ nu, miin mu Fayisii n na, yisinɛ ɛ wan an boo ɔ. Wo wo kun ma fɛn an yisinɛ chɛ boo ɔ. Yisin chɛ mu an 'na nɛnɛn feaya an na.

DUKU 18:17

N ni a ma din wo tena, mbɛ ni mɔ ɔ mɔ ma dɔn ni, a ni don Yataa 'a mansaya kɔɔ yɔ den mɛsɛ chɛ nu, an mɔɛ chɛ ee ma‑a Yataa ta mɔɛ a.”

GBOO FEAN BƆƐ KƆYINDI KO A 3:9

Koe min na mu, sawa chɛ, min mbe a ma kaa ɛ tɛ mmɔ ma, mmɔ ni tɔɔ, ɛ na wan manɛ a. Ni chɛ ɛ ma wan, mbɛ Yataa Nyina ta manɛ tana, ɛ koa‑a wan kaka. Koe min na mu, a wan mbe mɔɛ n ya mɔ tandenɛ n na Yataa chen kɔɔ.

GBOO FEAN BƆƐ KƆYINDI KO A 5:17

Chɛ ko a, ni mɔ ma‑a gbɛ mɔ dɔndɔɛ a mmɔ bɛ Chasi a, mmɔ ma‑a mɔ nama a. Mmɔ ka‑a mmɔ tachɛ buɛ kɔma kun ma, mmɔ dɛ‑a a nama ɔ.

Gboo Fiipai Ko A 3:9

mbɛ nn fea ma‑a mɔ dɔndɔɛ a. N ni nn fan Chu n 'na sawa miin bia, an fan ma a ma ni, n ma‑a mɔ tandenɛ a Yataa chen kɔɔ. Chɛɛ min ma‑a, n‑na n kai fa wan Chasi a. Chɛ an‑na a ma dechee, Yataa‑a n ya mɔ tandenɛ a, a chen kɔɔ.

GBOO IBU MƆƐ N KO A 12:14

Wo butuin chɛ, ma koe a faachima ɔ mɔ ɔ mɔ a. A sin to, wo ni ma tenchen Yataa ko a. Koe min na mu, mɔ ɔ mɔ ee Mansa Yataa yen‑da, ni a ee ka.

KO Ɔ NUNDENƐ 21:27

Chɛɛ ko yama kan kɔ kan mbe ee don‑da an duu chɛ ɔ, n mbe ee baa mɔɛ ma, min mbe mauma koe n ma, chɛ ma, fania fɔ mɔɛ nu. Chɛɛ mɔɛ miin mbe don‑da dechee, an nɛ yɔ mɔɛ chɛ nu, miin tɔɛ nyɛnden mu sa tɔngbɔɛ chɛ 'a gboo ɔ. Gboo chɛ, mɔɛ miin mbe kuɔ fɔ fɔɛ ma sɔn‑da, an tɔɛ ɛ ka min dɔ.