MATIU 5:19 - Yataa 'a Dɔbɛnɛ Nama

¹⁹ Mɔɛ min mbe sawa chɛ pɛɛ ɛnden bɛɛ yɔn‑da, ɛ ta‑a mɔɛ n kan‑da a yɔn koe ma, a ee nyan‑da a ko a. Yataa ɛ a mɔɛ chɛ ma‑a wan mɔ pɛɛ ɛndenɛ a, mɔ gbu n tɛ, miin mbe na‑a don‑da a 'a mansaya kɔɔ. Chɛɛ mɔɛ min mbe bea‑a sawa chɛ fɛ, a ni mɔ dɔ mende n kan a a, ɛ nyan‑da wan a ko a. Yataa ɛ a mɔɛ chɛ ma‑a mɔ chenama an na, mɔ gbu n tɛ, miin mbe na‑a don‑da a 'a mansaya kɔɔ.

MATIU 5:19 ပူးပေါင်းရင်းမြစ်များ

MATIU 11:11

N ni a ma din wo tena, mbɛ Chɔn, min mbe yii chɛ mɔɛ n kunɛ ɔ, Yataa chia a, mɔ ɔ mɔ ee wɛ nɔ dunya ɔ, min benden mu a ma. Chɛɛ mɔɛ den toa wɛɛ mɔɛ n tɛ ɔ, miin don‑da Yataa 'a mansaya kɔɔ, a benden mu a wan Chɔn sin ma.

MATIU 19:28

Mbɛ Chisɔsi ɔ, “Wo dan a a, mbɛ a tɔnɔnɛ ɛ koa‑a wan. Tima min na Yataa 'a dunya nama chɛ ɔ na tena, n fan, Mɔ Gbu 'a Denɛ, n mbe si‑a n 'na mansa sea a. Wo wɛɛ wo mɔ tan kun ma fea chɛ nu, wo e si‑a wan mansa sea tan kun ma fea n na. Mbɛ wo ma‑a mansa n na dambi tan kun ma fea chɛ n ko a Chu mɔɛ n tɛ ɔ.

MATIU 20:26

Chɛɛ a ee ka wo tɛ ɔ. Ni wo dɔndɔ wɛɛ min toen mu a ni ma mɔ chenama a wo tɛ, an mɔɛ chɛ ni a wandi ma bɔi denɛ a, wo tɔɛ n gbɛɛ ko a.

MATIU 28:20

A sin, wo ni mɔɛ n kan sawa chɛ n gbɛɛ bia koe a, n na‑a miin be wo ma. Wo sin ni dan to a a, mbɛ n mbe ma‑a wan wo fɛ tima ɔ tima, aan dunya chɛ ni ban bɛɛ.”

DUKU 1:15

Koe min na mu, ɛ ma‑a wan mɔ chenama a Mansa Yataa tena. A ma gbɛ kan kɔ kan min. A de e na to a suun‑da, Yataa Nyina ɛ ma‑a wan den chɛ fɛ gban.

DUKU 11:42

“Wo wan Fayisii nu, koe min mbe wo tan‑da, a yau gba wo ko a. Ko chɛndɛ yen ko, wo e min ma. Boo fen kan kɔ kan, wo e min sɔn, wo e a du wan si tena tanɛ a, mbɛ wo‑a si tena dɔndɔ be Yataa ma. Boo fenɛ tatayaenɛ wɛɛ, wo e Yataa kɔ wan a ɔ. Chɛɛ wo ma wo gbɔsɔ ni tea koe ma koe a wo bɔɛ n na, a yɛ to, wo ma wo gbɔsɔ ni to koe a Yataa a. Koe chɛ n gbɛɛ, wo an ma. A sin to, wo a a tun wo boo fenɛ n be koe a Yataa ma.

DUKU 9:48

Mbɛ a‑a a fɔ an ye, a ɔ, “Ni mɔ ɔ mɔ‑a a boo si den den chɛ nyɔn sima kɔɔ n tɔɛ ɔ, a‑a a boo si ka n fan kɔɔ. A sin, ni mɔ ɔ mɔ‑a a boo si n kɔɔ, a‑a a boo si ka Yataa an kɔɔ, min‑na n na na. A mu min na, mɔ ɔ mɔ min mu mɔ dɔma a wo gbɛɛ wo tɛ ɔ, an mu mɔ chenama a.”

CHISƆSI 'A SƆ MƆƐ NU 1:1

Kai Tɛyɔfidɔsi, N‑na a nyɛn fan n 'na gboo saa saa ɔ, Chisɔsi‑a miin gbɛɛ ma, ni a na‑a kanɛ min gbɛɛ chɛ. A ka a 'a wai kuu sɔɛ tee saa ma,

GBOO DOMI KO A 3:8

Ni tea mu chɛ a, mbɛ mɔɛ dɔ n mbe a fɔ‑a wan gbɛ, an dɔ, “Mmɔ ko yama ma, min mbe a ma, ko chɛndɛ ni bɔ a ɔ.” Mɔɛ dɔ n‑na kun chɛ an si n kun ma, mbɛ n fan, n‑na chɛ an fɔ chinɛn, mbɛ an‑na n main a ko a. Chɛɛ mɔɛ miin mbe chɛ fɔ tena, an fandi an mbe tɔɔya ɔ fai tena Yataa ma.

GBOO DOMI KO A 6:1

Mmɔ ɛ fen fɔ‑a gbɛ? Mmɔ ee kun to a fɔ‑a, mbɛ mmɔ ni a a tun ko yama ma koe a, min mbe a ma, Yataa ni a 'a ko chɛndɛ ma munda mmɔ tena.

GBOO DOMI KO A 6:15

Mmɔ ɛ fen ma gbɛ? Sawa an mbe ee wai tena to mmɔ a, chɛɛ Yataa 'a ko chɛndɛ an mbe gbɛ wai tena mmɔ a. Mmɔ ee che to a a tun‑da ko yama ma koe a.

1 TIMOTI 6:11

Chɛɛ min sien mu i ma, i wɛn‑na i wandi be Yataa ma, i ya ka chɛ gbɛɛ a. I tana, tan Yataa tena, ma Yataa fɔɛ ɔ, danaya ni ma i ɔ Chisɔsi ko a, a basan koadia a, faabia, ni machimaya.

TAITƆSI 3:8

Tea bai an nɛ, n mbe ka min fɔ tena. N toen mu i ni koe chɛ n ma i ma gbɔsɔɛ a, min mbe a ma, mɔɛ miin kai faen mu Yataa a, an ni tachɛ gbee chɛ a. Chɛ ɛ a ma‑a wan, an ni ko chɛndɛ ma bia an boo fea a, min nyin. A sin, tɔnɔnɛ ɛ wan a ɔ, mɔ ɔ mɔ ko a.

1 PITA 5:4

A sin, ni Chasi‑a a kunɛ a bɔ, a wɛn mu mɔɛ n kun ma fɛn mɔɛ n 'na mansa a, wo e banfua chɛ ma sɔn‑da wan, baa koo min ma. Banfua an nɛ, min mandenɛ ɛ ma‑a taun kuɔ fɔ ko a.

1 CHƆN 3:4

Mɔ ɔ mɔ min mbe ko yama ma, Yataa 'a sawa yɔn mɔɛ mu. Koe min na mu, ko yama ma, a mu Yataa 'a sawa yɔnɛ an na.

KO Ɔ NUNDENƐ 2:20

Chɛɛ n bu ɔ ma di chɛ a, a si wo ma. Wo ee ko ɔ ko ma tena, a si musu chɛ ma, Chɛsibɛɛ musu chɛ, min‑na a wandi ya Yataa 'a gbonka chɛ mɔɛ a. Chɛɛ ɛ kanɛ min chɛ tena, ɛ n 'na mɔɛ n sɔ tena chia yama an ma, an mbe ko yama tɛ‑a, a basan daun fen daunɛ a, min mbe bɔ yasi a fenɛ n tena, an mbe miin ya yataa a.