MATIU 5:18 - Yataa 'a Dɔbɛnɛ Nama

¹⁸ Koe min na mu, n ni a ma din wo tena, mbɛ tima min na dunya chɛ gbɛɛ ɛ wɛ nɔ, sawa chɛ ɛnden bɛɛ ee ka a a, aan bai miin fɔ‑a a ɔ, an ni bɔ a a.

MATIU 5:18 ပူးပေါင်းရင်းမြစ်များ

MATIU 10:15

N ni a ma din wo tena, mɔ yama chɛ nu suun Sɔdɔn duu ɔ, an fea Komoa a, an mbe ee tɔɔya‑a, Yataa ɛ dunya gbɛmbo‑a tee min na, yɔ chɛ nu an duu chɛ ɔ, an mbe tɔɔya‑a buɛ min dɔ.”

MATIU 10:23

Ni an‑na ko yawaenɛ sa wo ma duu min dɔ, wo ben bui a, a ta duu dɔ mende ɔ. Ka n ni chɛ ma din wo tena. Wo ee Chu duu chɛ n na bɛn‑da, mbɛ tima che‑a n na koe a. N fan, Mɔ Gbu 'a Denɛ, n mbe na‑a tima min na.

MATIU 10:42

N ni a ma din wo tena, mbɛ ni mɔ ɔ mɔ‑a yii chima kɔpu dɔndɔɛ wɛɛ be n fɛ denɛ den tachɛen bɛɛ ma, koe min na mu, ɛ n 'na fɛ dencha a, Yataa ɛ tɔnɔnɛ be‑a wan mɔɛ chɛ ma.”

MATIU 11:11

N ni a ma din wo tena, mbɛ Chɔn, min mbe yii chɛ mɔɛ n kunɛ ɔ, Yataa chia a, mɔ ɔ mɔ ee wɛ nɔ dunya ɔ, min benden mu a ma. Chɛɛ mɔɛ den toa wɛɛ mɔɛ n tɛ ɔ, miin don‑da Yataa 'a mansaya kɔɔ, a benden mu a wan Chɔn sin ma.

MATIU 13:17

N ni a ma din wo tena, mbɛ Yataa 'a gbonka chɛ mɔɛ sɛsɛ, a basan mɔɛ chɛ n na, miin tanden ni Yataa tena, an toen ni an ni koe chɛ n dɔ yen, wo‑a miin dɔ yen ka, chɛɛ an ma an dɔ yen ni. An toen ni to an ni an na min, wo‑a miin na min ka, chɛɛ an ma an na min ni.

MATIU 16:28

N ni a ma din wo tena, mbɛ mɔɛ dɔ nu nɛ sɔ ɔ sanche, an mbe ma‑a wan fɔɛ ɔ aan an ni chɛ ɔ yen. An mbe a ɔ yen‑da wan n fan, Mɔ Gbu 'a Denɛ, n mbe na‑a tima min na n 'na mansaya ɔ.”

MATIU 17:20

Mbɛ a ɔ an ma, “Danaya a tenden mbe ee wo ɔ Yataa ko a. Chɛ an‑na a ma, wo ma che ni nyina chɛ gbain‑da kaien chɛ fɛ. N ni a ma din wo tena, mbɛ ni danaya ɛnden bɛɛ yɔ chin fen kuu dɔɔma ɛndenɛ wɛɛ, a ma‑a wo ɔ Yataa ko a, ko ɔ ko ee ma‑a nɔ, wo ee che‑a min ma‑a. Wo e kun‑da wan wo ni a fɔ kɔnkɔɛ chɛ ye, wo ɔ, a ni a wandi kuɛn, wo ɔ, a ni ta kaina dɔ mende, mbɛ a kuɛn‑da.”

MATIU 18:18

“Mbɛ n ni a ma din wo tena, mbɛ ni wo ma dɔn ni ko ɔ ko ma dunya chɛ ɔ, Yataa wɛɛ ee dɔn‑da a koe chɛ ma. Chɛɛ ni wo dɔn‑da ko ɔ ko ma dunya chɛ ɔ, Yataa wɛɛ ɛ dɔn‑da wan an koe chɛ ma.

MATIU 18:3

Mbɛ Chisɔsi ɔ, “N ni a ma din wo tena, ni wo ma wo sɔnɛ mun ni, wo ni ma yɔ den mɛsɛ nu, wo ee don‑da Yataa 'a mansaya kɔɔ.

MATIU 19:23

Kamin tɔngbɔɛ chɛ ta‑a kɛn, mbɛ Chisɔsi‑a a fɔ a fɛ denɛ n ye, a ɔ, “N ni a ma din wo tena, mbɛ a ɔ gbɛ nyan tɔɛ n ko a, an ni don Yataa 'a mansaya kɔɔ.

MATIU 19:28

Mbɛ Chisɔsi ɔ, “Wo dan a a, mbɛ a tɔnɔnɛ ɛ koa‑a wan. Tima min na Yataa 'a dunya nama chɛ ɔ na tena, n fan, Mɔ Gbu 'a Denɛ, n mbe si‑a n 'na mansa sea a. Wo wɛɛ wo mɔ tan kun ma fea chɛ nu, wo e si‑a wan mansa sea tan kun ma fea n na. Mbɛ wo ma‑a mansa n na dambi tan kun ma fea chɛ n ko a Chu mɔɛ n tɛ ɔ.

MATIU 21:21

Mbɛ Chisɔsi ɔ, “N ni a ma din wo tena, wo e koe chɛ ma wan, n‑na min ma ka fiki kɔn chɛ a, ni danaya ma‑a wo ɔ Yataa ko a, mbɛ a sin sika ee wo ɔ. A sin mbe ee danka‑a chɛ dechee an ma. Chɛɛ wo e a fɔ‑a wan kɔnkɔɛ chɛ ma, wo ɔ, a ni kuɛn, a ni ta, a ni si yii wa ɔ, mbɛ a ma‑a, yɔ wo‑a a fɔ buɛ min dɔ.

MATIU 21:31

Den fea chɛ n tɛ ɔ, nyɔn‑na a fa faa ma koe ma?” Mbɛ an dɔ, “Denɛ chenama chɛ.” Mbɛ Chisɔsi ɔ, “N ni a ma din wo tena, mbɛ mɔ yama chɛ nu, miin mu pawa bia mɔɛ chɛ n na, an bɛ duu dia chɛ n na, an fan mbe ka don‑da Yataa 'a mansaya kɔɔ wo ya ɔ. Chɛɛ wo tana, wo ee don‑da nɔ sanche.

MATIU 23:36

N ni a ma din wo tena, mbɛ an na‑a mɔɛ chɛ miin gbɛɛ fa suun, a tɔɔya chɛ ɛ ma‑a wo mɔ bonda chɛ n sima an ma.”

MATIU 24:2

Mbɛ Chisɔsi‑a a fɔ an ye, a ɔ, “Mm, an gbɛɛ ma kawaen fan mu. Chɛɛ n ni a ma din wo tena, mbɛ kata chɛ gbɛɛ, wo e ka min yen‑da, tima ɛ che‑a wan, a ni te gbo. A sɔ senɛ dɔndɔ wɛɛ ee to‑a sɔ ɔ, a gbɛɛ a ɛ kan‑da wan duu gboo a.”

MATIU 24:47

N ni a ma din wo tena, mbɛ kun ti chɛ ɛ gbasaya be‑a wan a ma, ma koe a a 'a chenɛ gbɛɛ kun ma.

MATIU 25:12

Chɛɛ kamin chɛ ɔ, ‘N mbe ee dɔn. N ma a ɔ sɔn ni nyɔn mu wo a.’ ”

MATIU 25:40

Mbɛ n fan mansa chɛ, n mbe a fɔ‑a wan, n dɔ, n ni a ma din an ye, mbɛ ni an na‑a koe chɛ n gbɛɛ chɛ wan n fɛ mɔɛ den tachɛen bɛɛ ye, baa ee miin ma an tɛ ɔ, n dɔ, an nii ma a chɛ ni ka an fan ye, an na‑a a chɛ ka n fan ye.

MATIU 25:45

Mbɛ n fan mansa chɛ, n mbe a fɔ‑a wan, n dɔ, n ni a ma din an ye, mbɛ ni an ban‑da wan koe chɛ n chɛ koe a, n fɛ mɔɛ den tachɛen bɛɛ ye, mbɛ an ban‑da ka a chɛ koe a n fan ye.

MATIU 5:26

N ni a ma din i tena, mbɛ e ee bɔ‑a pimbi chen chɛ a aan, kɔpɔɛ chɛ dankama gbɔdɛ, an mbe i a bɔnɔ‑a min na, i ni a be.”

MATIU 6:16

Chisɔsi ɔ, “Ni wo‑a sunɛ bia, wo ma wo ya kɔɔɛ ma digbi digbi, yɔ mɔɛ chɛ n mbe a ma buɛ min dɔ, miin‑na an fandi ya mɔ chɛndɛ a, min mu ka mɔ chɛndɛ ma an na. Ni an ma‑a sunɛ bia‑a, an mbe a ɔ yian fan an ya kɔɔɛ ma mɔɛ n na, mbɛ an mbe ka ko gbɛɛ ma wa an dɔ bia tena. N ni a ma din wo tena, mbɛ an ban‑da an 'na tɔnɔnɛ gbɛɛ ma sɔn‑da.

MATIU 6:2

“Chɛ an‑na a fɔ, ni wo ma‑a wai nyima chɛ‑a yɔn tɔɛ n na, wo ma a ma yɔ mɔɛ chɛ nu, miin‑na an fandi ya mɔ chɛndɛ a, min mu ka mɔ chɛndɛ ma an na. Ni an ma‑a wai nyima chɛ‑a yɔn tɔɛ n na, Chu n 'na samun chɛ chenɛ n na, an mbe a ma wan, mɔ ɔ mɔ ni a ɔ yen, an mbe koe min chɛ tena. Ni an ma‑a wai nyima chɛ‑a an na dani n bɛɛ ma, an mbe a ma ka wan, min mbe a ma, mɔɛ n gbɛɛ ni an tando. N ni a ma din wo tena, mbɛ an ban‑da an 'na tɔnɔnɛ gbɛɛ ma sɔn‑da.

MATIU 8:10

Chisɔsi tɛnɛ‑a wan a a, bai chɛ a min koe a. Mbɛ a‑a a fɔ fanka wa chɛ ma, min ni a sɔ tena a fɛ, a ɔ, “N ni a ma din wo tena, mbɛ kɛn gba, n ma mɔ bonda chɛ yen nin bɛ Isɔɛɛ mɔɛ n gbɛɛ tɛ ɔ, min danden mu ka n na.

MAKI 10:15

N ni a ma din wo tena, mbɛ ni mɔ ɔ mɔ ma dɔn ni, a ni don Yataa 'a mansaya kɔɔ yɔ den mɛsɛ chɛ nu, an mɔɛ chɛ ee che ma‑a Yataa ta a.”

MAKI 10:29

Mbɛ Chisɔsi ɔ, “Ka n mbe chɛ ma din wo tena. Chenɛ ni ma, ni suun ma nyɔɛ nu, de nu an bɛ fa n na, denɛ nu, a basan sɛnɛ n na, an nyin fan. Chɛɛ mɔɛ min mbe chɛ dɔndɔ wɛɛ to‑a n ko a, a ni a to sakana bai chɛndɛ chɛ ko a,

MAKI 11:23

N ni a ma din wo tena, mɔ ɔ mɔ min mbe a fɔ‑a kɔnkɔɛ chɛ ma, a ɔ, a ni kuɛn, a ni ta, a ni si yii wa ɔ, ni sika ee a ɔ Yataa a, ɛ ma wan. Ni a danden fan mu a a dechee a faa ɔ, mbɛ ɛ koe min dɔ tisa tena, ɛ kun fan a ni ma, Yataa ɛ a ma wan a ye.

MAKI 12:43

Mbɛ Chisɔsi‑a a fɛ denɛ n chee, mbɛ a‑a a fɔ an ye, a ɔ, “Tea a, n ni a ma din wo tena, mbɛ fuinya musu yɔnden chɛ, a‑a kɔpɔɛ min na bea ka, a benden mu chɛ ma, mɔɛ tɔɛ chɛ n gbɛɛ, an‑na miin na bea ka.

MAKI 13:30

N ni a ma din wo tena, mbɛ koe chɛ n gbɛɛ mbe ma‑a pɛn, wo nyɔn sima chɛ n mbe e na ban dunya ɔ.

MAKI 14:18

An sin ni kɛn si ɔ tebu ma, daun chɛ‑a, mbɛ Chisɔsi ɔ, “N mbe chɛ ma din‑da wan wo tena, mbɛ wo dɔndɔ, ɛ na tena wan n ma tachɛ‑a. Wo dɔndɔ, mmɔ bɛ, mmɔ ɛ daun chɛ‑a min na.”

MAKI 14:25

A ɔ, “Ka wɛ, n mbe chɛ ma din wo tena. N mbe ee gbɛ chɛ min‑da to, mɔɔ dechee tima chɛ a, tima min na Yataa ɛ a 'a mansaya ɔ yian‑da. A tima an na mu, n mbe gbɛ nama min‑da, mmɔ bɛ.”

MAKI 14:30

Mbɛ Chisɔsi ɔ, “Pita, n ni a ma din i tena, mbɛ tɛ kɔnɛ e na konchee gba fea sayi chɛ ma, e kɔɔsa bia chɛ‑a wan gba sawa, a si n sɔn koe ma i boo ɔ.”

MAKI 14:9

A‑a min chɛ ka, n ni a ma din wo tena, a ee danka‑a nɛ. Chɛɛ kan kɔ kan dunya chɛ ɔ, sakana bai chɛndɛ chɛ ɛ fɔ‑a kaina, musu chɛ 'a ko chɛndɛ chɛ wɛɛ, ɛ fɔ‑a wan nɔ, mɔɛ n gbɛɛ ni a a min.”

MAKI 3:28

A ɔ, “N ni chɛ ma din wo tena, mbɛ Yataa ɛ mɔɛ n to‑a wan nɔ, an 'na ko yama n ko a, a basan main chɛ n na, an mbe miin chɛ n na.

MAKI 6:11

Ni wo ta‑a duu kan kɔ kan dɔ, min dɔ mɔɛ n ma an boo si ni wo kɔɔ, an gbu ma an too ma sɔ ni wo da a kuiɛ ma, wo bɔ nɔ. Ni wo ma‑a bɔ‑a, wo wo chenɛ a gbɔngbɔn fifii chɛ a, min mbe ma‑a dasi a an tena, mbɛ an mbe ka a ma an na Yataa faa ni tɛ an ma.”

MAKI 8:12

Chɛɛ Chisɔsi kuun‑da a ɔ yansama a, mbɛ a ɔ, “Bi tee chɛ a mɔɛ nu, an toen mu kamaya koe n fan dɔ yen koe a, dan koe a mɔɛ a. N ni a ma din wo tena, chɛ ee ma tena. N mbe ee kamaya ko kan kɔ kan ma tena, an mɔ bonda chɛ n ye.”

MAKI 9:1

Mbɛ Chisɔsi ɔ te to an ma, “N ni a ma din wo tena, mbɛ mɔɛ dɔ nu nɛ sɔ ɔ sanche, an mbe ma‑a wan fɔɛ ɔ aan an ni chɛ ɔ yen. An mbe a ɔ yen‑da wan Yataa 'a mansaya ɔ ni yian, gbasaya wandi a.”

MAKI 9:41

Ka n mbe chɛ ma din wo tena. Mbɛ ni mɔ ɔ mɔ‑a yii be wo ma, n tɔɛ ɔ, a ɔ koe min na mu, n fan kunka mansa, n fɛ mɔɛ mu wo a, a gbu an mbe a tɔnɔnɛ ma sɔn‑da.”

DUKU 11:51

Wo e tɔɔya‑a wan Ebɛɛ 'a saya ko a suun, aan a ta Sakaaya 'a saya ma. An na‑a Sakaaya chɛ fa Yataa 'a kata chɛ an dɔ, Yataa 'a chen chɛ n tɛ yasi minda gbengbe chɛ tena a. N mbe a ma din tena wo tena, tea ɔ, mbɛ wo nyɔn sima chɛ n fan mbe tɔɔya ɔ bia‑a, Yataa 'a gbonka chɛ mɔɛ chɛ n wii chɛ ko a.

DUKU 12:37

Ɛ ma‑a wan bɔi den chɛ n ma buɔdia a, miin mbe ee chinɔ‑a, aan an kun ti ni yɛ. N ni a ma din wo tena, mbɛ kun ti chɛ ɛ a ma bɛn‑da wan, mbɛ a‑a a 'a bɔi den chɛ n chee, mbɛ a wandi gbu‑a daun fenɛ ya, a‑a a be an ma a daun koe a.

DUKU 13:35

A yen ko gbɛ, Yataa 'a chen chɛ a senɛ to‑a, a sin pombonɛ mu gbɛ. N ni a ma din wo tena, mbɛ a ka sanche ma, wo ee n yen‑da to, aan a ta tima chɛ ma, wo e a fɔ‑a tima min na, wo ɔ, Mansa Yataa ni mɔɛ chɛ dua, min mbe na‑a a tɔɛ ɔ.”

DUKU 16:17

A ɔ gbɛ dunya chɛ gbɛɛ ni ban. Sawa chɛ ɛnden bɛɛ nan gbu sin, a ka koe a a gba ɔ, a ɔ gbɛ kaka, a ni ben dunya ban koe ma.

DUKU 18:17

N ni a ma din wo tena, mbɛ ni mɔ ɔ mɔ ma dɔn ni, a ni don Yataa 'a mansaya kɔɔ yɔ den mɛsɛ chɛ nu, an mɔɛ chɛ ee ma‑a Yataa ta mɔɛ a.”

DUKU 18:29

Mbɛ Chisɔsi ɔ, “Chenɛ, musu, suun ma nyɔɛ nu, mɔ woo mɔɛ nu, a basan denɛ n na, an nyin fan. Chɛɛ n ni a ma din wo tena, mbɛ mɔɛ min mbe an dɔndɔ wɛɛ to‑a, Yataa 'a mansaya a ta koe a ya ɔ ma,

DUKU 23:43

Mbɛ Chisɔsi ɔ, “N ni a ma din i tena, mbɛ bi tee chɛ a, mɔ fea ɛ ma‑a wan banda bu ɔ.”

DUKU 4:24

N ni a ma din wo tena, mbɛ an mbe ee dan Yataa 'a gbonka chɛ mɔɛ kan kɔ kan na, a wandi gbu ta suun duu ɔ.

CHƆN 1:51

Mbɛ a‑a a fɔ an ye, a ɔ, “Ka wɛ n ni chɛ ma din wo tena. Wo e a ɔ yen‑da wan, banda bu ɔ da a ni ka, mbɛ Yataa 'a maeka n yii‑a. An mbe sɛ‑a wan, an mbe yii, n na tindanɛ, n fan, Mɔ Gbu 'a Denɛ.”

CHƆN 10:1

Mbɛ Chisɔsi‑a a fɔ, a ɔ, “Ka n mbe chɛ ma din wo tena. Mɔɛ min mbe ee don‑da sa kuii ɔ, a da 'a chia a, chɛɛ ɛ sɛ‑a chia dɔ mende a, a mɔɛ chɛ mu kanka kona wa an na.

CHƆN 10:7

Chɛ‑a a ma wan, mbɛ Chisɔsi ɔ, “Ka n mbe chɛ ma din wo tena. N mbe wan dechee yɔ sa kuii chɛ da, sa chɛ n mbe don min na, an mbe bɔ.

CHƆN 12:24

Ka n mbe chɛ ma din wo tena, mbɛ chin fen kuu, a mu chin fen kuu dɔndɔɛ an na, aan a ni chin, mbɛ a tui‑a. Ni a tui‑a wan, min mbe bɔ gbɛ, mbɛ a‑a gbɔɛ be kaka.

CHƆN 13:16

Ka n mbe chɛ ma din wo gbɛɛ tena, yɔnɛ ma ben ni a ti ma, a sin, sɔ mɔ kan kɔ kan ma ben ni mɔɛ ma, min‑na a sɔ.

CHƆN 13:38

Chisɔsi ɔ, “Tea ko a, i ma bɛndenɛ mu, i ni fa n ko a, ae? Ka n mbe chɛ ma din i tena, e na tena min ma‑a. Tɛ kɔnɛ e na konchee banda ɔ ka da ma, e a fɔ‑a wan, gba sawa ko a, mbɛ i ma n sɔn ɛnden bɛɛ a.”

CHƆN 14:12

N ni chɛ ma din wo tena, mbɛ mɔɛ miin mbe an kai fa‑a n na, an mɔɛ chɛ nu, an mbe wai bonda chɛ n chɛ‑a wan, n mbe miin chɛ. A sin gbu, an mɔɛ chɛ nu, an chɛ chɛ wai n mbe koa‑a wan. Koe min na mu, n mbe yɛ tena Fa tena, nn ni ma kaina dɔndɔɛ ɛ.

CHƆN 16:20

Ka n mbe chɛ ma din wo tena, mbɛ wo e di chɛ‑a wan gbafi gbafi, wo ya yii ni bɔn, a si koe chɛ n ma, miin mbe na tena n tan‑da. Chɛɛ mɔɛ chɛ n tana dunya ɔ, Yataa wakoe ee miin faa ɔ, an mbe ma‑a buɔdia an dɔ. Wo e ma‑a wan faamɔnɛ ɔ, chɛɛ wo 'a faamɔnɛ chɛ ɛ mun‑da buɔdia an na wo ma.

CHƆN 16:23

“Ni an tee chɛ che‑a, wo ee n dɔ tisa‑a to a si ko ɔ ko ma. Ka n mbe chɛ ma din wo tena, mbɛ ni wo‑a Fa ɔ tisa fen kɔ fen ko a, n tɔɛ ɔ, ɛ a be‑a wan wo ma.

CHƆN 21:18

A ɔ te to, “Ka n mbe chɛ ma din i tena, mbɛ i ni tima min na i tɔngbɔ tɔɛ a, i ni i ma bɛn fan, mbɛ i ta‑a i faa ma kaina nu, mbɛ i‑a i faa ma koe n ma. Chɛɛ tima min na e chenancha‑a, e i boo ɔ sawan‑da wan, mbɛ an‑na i chii fɔin. Mbɛ an ta‑a i a kaina, i ma to ni i ni ta kaina min.”

CHƆN 3:11

N ni chɛ ma din i tena, mbɛ nn‑na koe miin dɔ sɔn, nn mbe koɔ a si an fan ma. A yɛ to, nn‑na koe miin dɔ yen, nn mbe siiya bɔ a si an fan ma. Chɛɛ chɛ gbɛɛ ɔ, wo dɔndɔ wɛɛ ma ma bɛn ni dan koe a nn 'na siiya a.

CHƆN 3:3

Mbɛ Chisɔsi ɔ, “N ni a ma din i tena, mɔ ɔ mɔ ee don Yataa 'a mansaya kɔɔ, mɔɔ ni a mɔɛ chɛ suun‑da to a nama a.

CHƆN 3:5

Mbɛ Chisɔsi ɔ, “N ni a ma din to i tena, mbɛ mɔ ɔ mɔ ee che don‑da Yataa 'a mansaya kɔɔ, mɔɔ ni a suun‑da to yii a, an fea Yataa Nyina a.

CHƆN 5:19

Mbɛ Chisɔsi ɔ an ma, a ɔ, “N ni chɛ ma din wo tena, mbɛ n fan, n fɛn mu ka Yataa 'a denɛ a, n mbe ee che ko ɔ ko ma‑a, n kun ma gbasaya a. N mbe koe chɛ n fan ma dechee, n mbe Fa yen miin ma‑a. N Fa, ɛ koe miin ma, n bɛɛ, n fɛn mu a 'a denɛ a, n mbe an fan ma.

CHƆN 6:26

Chisɔsi ɔ, “N mbe chɛ ma din tena wo tena, koe min na mu, wo e n yan tena. Wo‑a biidi miin daun, wo bu fa‑a gban, an fɛ mu. Chɛɛ an ma a fɔ ni, mbɛ wo‑a kamaya koe chɛ n dɔ gbɛ wan, n‑na miin ma.

CHƆN 6:32

Chisɔsi ɔ, “N mbe chɛ ma din tena wo tena, mbɛ Mosisi an nii ma daun fen chɛ be ni wo ma, min ka‑a banda bu ɔ. Chɛɛ Fa Yataa, an mbe daun fenɛ chɛndɛ chɛndɛ be wo ma, a ka banda bu ɔ.

CHƆN 6:47

N mbe chɛ ma din tena wo tena, mbɛ mɔɛ min mbe a kai fa‑a n na, an mbe kuɔ fɔ fɔɛ ma sɔn‑da.

CHƆN 6:53

Mbɛ Chisɔsi ɔ, “Ka n mbe a ma din to wo tena, mbɛ mɔɔ ni wo‑a n gboo daun, n fan Mɔ Gbu 'a Denɛ, wo ni n wii min, wo e na to ma‑a fɔɛ ɔ.

CHƆN 8:34

Chisɔsi ɔ, “Ka n mbe chɛ ma din wo tena, mbɛ mɔ ɔ mɔ min mbe ko yama ma, yɔnɛ mu a mɔɛ chɛ a, a 'a ko yama n boo ɔ.

CHƆN 8:51

N mbe chɛ ma din tena wo tena, mbɛ mɔ ɔ mɔ min mbe ma‑a a da a kuiɛ ma, a mɔɛ chɛ ee fa‑a.”

CHƆN 8:58

Mbɛ Chisɔsi ɔ, “N mbe chɛ ma din tena wo tena sanche, mbɛ Ebeami e na to ma‑a fɔɛ ɔ, n ni wan gbɛ fɔɛ ɔ.”

1 PITA 1:25

Chɛɛ Mansa Yataa da a bai, ɛ ma‑a wan kuɔ fɔ ko a.” Bai chɛ mu sakana bai chɛndɛ chɛ an na, min dɔ yian‑da wo a.

KO Ɔ NUNDENƐ 20:11

Mbɛ n‑na mansa sea wa dɛgbɛ yen banda bu ɔ, a gbɛenɛ fion, Yataa ɛ si ɔ a ma. A bɔ‑a kɛn dechee a a, duu gboo fea banda a, an tuin‑da, mɔ ɔ mɔ ma an yen ni to.