MATIU 5:17 - Yataa 'a Dɔbɛnɛ Nama

¹⁷ Chisɔsi ɔ, “A ma ma wo yii ma, mbɛ n na‑a a fɔ koe an na mɔɛ n ye, mbɛ an ma an too ma sɔ to sawa chɛ n ma, Yataa‑a miin be suun Mosisi ma, a basan bai chɛ na, min be‑a Yataa 'a gbonka chɛ mɔɛ n ma. N ma na ni chɛ an na. Chɛɛ n na‑a, min mbe a ma, sawa chɛ nu, a basan gbonka chɛ mɔɛ chɛ n 'na bai n na, an ni bɔ a a.

MATIU 5:17 ပူးပေါင်းရင်းမြစ်များ

MATIU 3:15

Chɛɛ Chisɔsi ɔ, “I ma n kɔɔsa bia. A ma yɔ n‑na a fɔ buɛ min dɔ i ye a ma koe a. Ni mɔ‑a a ma buɛ chɛ ɔ, mɔ ɛ ma‑a ka Yataa faa ma koe an ma‑a.” Mbɛ Chɔn dɔn‑da.

MATIU 7:12

“Chɛ an‑na a fɔ, wo toen mu mɔɛ n ni koe min nyɔn sima a tachɛ wo tena, min na di wo ye, wo a nyɔn sima an na tachɛ an bɛɛ tena. Yataa‑a sawa miin be Mosisi ma, a basan gboo chɛ n na, Yataa 'a gbonka chɛ mɔɛ n‑na miin nyɛn, an‑na a fɔ ka wan.”

DUKU 16:17

A ɔ gbɛ dunya chɛ gbɛɛ ni ban. Sawa chɛ ɛnden bɛɛ nan gbu sin, a ka koe a a gba ɔ, a ɔ gbɛ kaka, a ni ben dunya ban koe ma.

CHƆN 8:5

Mmɔ 'a sawa n dɔ, Mosisi na‑a a fɔ wan, mbɛ musu bonda chɛ, mmɔ ɛ a bon fan senɛ a, a ni fa. Mmɔ ɛ fen ma gbɛ a a, sanche?”

CHISƆSI 'A SƆ MƆƐ NU 18:13

Mbɛ an dɔ, “Kamin chɛ toen mu, a ni a ma mmɔ 'a mɔɛ n yiima ni mun, Yataa fai gbee dɔ mende ma, mmɔ 'a sawa ma dɔn ni min ma.”

CHISƆSI 'A SƆ MƆƐ NU 21:28

An‑na yee tɛ wan, an dɔ te, “Nn bɔ Isɔɛɛ mɔɛ nu, wo na, wo ni basan nn ma. Kamin chɛ, an mbe ben tena bai yama sa‑a, a si mmɔ 'a mɔɛ n ma. An mbe a fɔ tena to mɔ ɔ mɔ ye, mbɛ an ma ma sawa chɛ n kɔɔ, Yataa‑a sawa miin be Mosisi ma. Ɛ bai yama n dechee an sa, a si mmɔ 'a Yataa 'a kata chɛ wɛɛ ma. A yɛ to, a‑a Yataa 'a kata chɛ tana yɔn, don koe a nɛ mɔɛ n na, miin ma Chu mɔ n na.”

CHISƆSI 'A SƆ MƆƐ NU 6:13

Mbɛ an na‑a mɔɛ n na, fania siiya chɛ koe a, a si Sitibin ma. Mbɛ an mɔɛ chɛ n‑na a fɔ, an dɔ te, “Tima ɔ tima kamin chɛ ɛ bai yama n fan fɔ, a si Yataa 'a kata chɛ ma, min mbe tenchen a ko a. Ɛ a fɔ to, a si sawa chɛ n ma, Yataa‑a miin be Mosisi ma.

GBOO DOMI KO A 10:4

Chasi‑a a ma wan, sawa chɛ, a 'a gbasaya ee to mɔ gbu kun ma. Chɛ an‑na a fɔ, Yataa ɛ mɔ ɔ mɔ ma wan mɔ tandenɛ a a tena, i wɛn mbe i kai fa‑a a a.

GBOO DOMI KO A 3:31

Chɛ ma a ɔ yian ni chia kan kɔ kan na, mbɛ ni mmɔ‑a mmɔ kai fa Chisɔsi a, mmɔ ɛ mmɔ boo bɔ wan gbɛ sawa chɛ kɔɔ. Chɛɛ mmɔ‑a min ma, mmɔ‑a sawa gbu an kɔ gbɛa ka gbɛ chɛndɛ chɛ.

GBOO DOMI KO A 8:4

Yataa na‑a chɛ ma, min mbe a ma, sawa na‑a a fɔ buɛ min dɔ mmɔ tan koe a a tena, mmɔ ɛ a ma‑a wan ka chɛndɛ chɛ. Mmɔ gbɛɛ, mmɔ wɛn mbe tachɛ Yataa Nyina gbee a, mmɔ ɛ a ma‑a ka wan. Chɛɛ mmɔ ee na‑a tachɛ‑a gbee a, mɔgbuya ɔ min ma nyin.