MATIU 5:10 - Yataa 'a Dɔbɛnɛ Nama

¹⁰ “Mɔɛ miin mbe ko yawaenɛ ɔ yen‑da, Yataa faa ma koe ma koe a, an duaen mu. Yataa an mbe ma‑a an 'na mansa a.

MATIU 5:10 ပူးပေါင်းရင်းမြစ်များ

MATIU 10:23

Ni an‑na ko yawaenɛ sa wo ma duu min dɔ, wo ben bui a, a ta duu dɔ mende ɔ. Ka n ni chɛ ma din wo tena. Wo ee Chu duu chɛ n na bɛn‑da, mbɛ tima che‑a n na koe a. N fan, Mɔ Gbu 'a Denɛ, n mbe na‑a tima min na.

MATIU 19:14

Chɛɛ Chisɔsi ɔ, “Wo ma an ma bai. Wo a ma den mɛsɛ n ni na n tena. Koe min na mu, mɔɛ miin maen mu yɔ den mɛsɛ chɛ nu, Yataa an mbe ma‑a an 'na mansa a.”

MATIU 25:34

Mbɛ n fan mansa chɛ, n mbe a fɔ‑a wan mɔɛ chɛ n ye, n boo nyima ɔ, n dɔ, an ni na. N dɔ, Fa Yataa‑a an dua. N dɔ, an ni na, an ni Yataa 'a mansaya tɔnɔnɛ ma sɔn, min dɔ bɛn‑da suun an ko a, a ka dunya a dan tima ma.

MATIU 5:3

“Mɔɛ miin‑na a ɔ sɔn chia ee nɔ, mɔɔ ni Yataa basan‑da an ma, an duaen mu. Yataa an mbe ma‑a an 'na mansa a.

MAKI 10:14

Chɛɛ Chisɔsi bu ɔ nii ma dia ni, chɛ ɔ yen koe a. Mbɛ a ɔ an ma, “Wo a ma den mɛsɛ n ni na n tena. Wo ma an ma bai. Koe min na mu, mɔɛ miin maen mu yɔ den mɛsɛ chɛ nu, Yataa an mbe ma‑a an 'na mansa a.

MAKI 10:30

Yataa ɛ a kɔ‑a wan. Fen chɛ n gbɛɛ sanche, chenɛ n ni ma, suun ma nyɔɛ nu, de nu an bɛ denɛ n na, a basan sɛnɛ n na, Yataa ɛ a kɔ‑a wan an na dunya chɛ ɔ, si tena chɛmɛ dɔndɔ ko a. Chɛɛ a tima dɔndɔ gbe chɛ kɔɔ, ko ma gbaaenɛ ɛ si‑a wan an na. A sin, Yataa ɛ kuɔ fɔ fɔɛ be‑a wan an ma dunya nama ɔ, min mbe na tena.

DUKU 21:12

Chɛɛ koe chɛ n gbɛɛ mbe e na to ma‑a, an mbe wo bia‑a wan, mbɛ an‑na ko ma gbaaenɛ sa wo ma. An mbe ta‑a wan wo a, wo gbɛmbo koe a, mmɔ 'a samun chɛ chenɛ n na, mbɛ an‑na wo sa pimbi chenɛ a. An mbe na‑a wan wo a, mansa n chen kɔɔ, an bɛ kun ti n na. An mbe chɛ gbɛɛ si‑a wan wo a, a si n bakoe ma.

DUKU 22:29

A sin, Fa‑a gbasaya be buɛ min dɔ n ma ma koe a mansa a, n bɛɛ n mbe an gbasaya chɛ be‑a wo wɛɛ ma.

DUKU 6:20

Mbɛ Chisɔsi‑a a ya a mun a fɛ denɛ n ma, a ɔ, “Wo duaen mu, wo wɛn yɔnden mu. A mu min na, Yataa ma‑a wo 'a mansa a.

DUKU 6:22

“Ni mɔ gbu n too‑a wo a a si n ma, n fan, Mɔ Gbu 'a Denɛ, dua mu a a wo ma. Ni an‑na an kan kɔ sɔ wo a, mbɛ an‑na wo main, mbɛ an yɛ‑a, an‑na bai yama sa wo ma.

CHƆN 15:20

N da a bai chɛ ni to wo yii ma, n na‑a min fɔ wo ye, mbɛ bɔi den mbe ee nɔ, min benden mu a kan mɔ ma. Ni an‑na a ma wan n tɔɔ‑a, wo wɛɛ, an mbe a ma‑a ka wan wo ni tɔɔ. Chɛɛ ni an dɔ nu, an na‑a an too ma sɔ wan n da a kuiɛ ma, mbɛ an mbe an too ma sɔ‑a wan wo ta wɛɛ ma.

CHISƆSI 'A SƆ MƆƐ NU 5:40

Mbɛ an‑na Chisɔsi 'a sɔ mɔɛ chɛ n chee, mbɛ an‑na a ma, an‑na an boan pien. Mbɛ an‑na an na si gbau gbau, an dɔ, an ma bai ɔ bai sa to mɔɛ n tena, a si Chisɔsi ma. An‑na an na si kɛn, mbɛ an‑na an boo ka.

CHISƆSI 'A SƆ MƆƐ NU 8:1

Sɔɔ‑a toa si, Sitibin fa koe kɔɔ. Sitibin fa‑a kɛn, mɔɛ n‑na a kuu sɔ wan ko ma gbaaenɛ sa‑a chɛ n ma Chuusaɛn, miin na‑a an kai fa Chisɔsi a. A ka Chisɔsi 'a sɔ mɔɛ chɛ n ma, mɔɛ tɔɛ chɛ n gbɛɛ miin na‑a an kai fa Chisɔsi a, an dɔ fasan‑da wan a ɔ ben‑da gbɛɛ Chudia chɛnyɛ ɔ, a basan Samayia a.

GBOO FEAN BƆƐ KƆYINDI KO A 4:17

Nn mbe ko gbɛama miin dɔ bia tena ka sanche, ɛndenɛ mu, a sin, an dɔ ee mɛ tena. Chɛ an mbe na‑a kuɔ fɔ tɔnɔnɛ wa an na, min benden mu kaka ko gbɛama chɛ n ma.

Gboo Fiipai Ko A 1:28

A sin, chian mbe ee wo ɔ, a si ko ɔ ko ma, wo chɛɛ ma nyɔɛ n mbe min ma. Chɛ ɛ wan yɔ gbau an nɛ, an tena, mbɛ an mbe na tena wan kasaa a. Chɛɛ wo tana, a mu bauncha an na wo ko a. A sin, ɛ ka tena Yataa an na.

2 TIMOTI 2:12

Ni mmɔ‑a mɔnɛ ɔ bia, mmɔ wɛɛ ɛ ma‑a wan mansa a a mmɔ bɛ. Ni mmɔ ban‑da a ɔ, a wɛɛ ɛ ban‑da wan mmɔ ɔ.

2 TIMOTI 3:11

I‑a a ɔ sɔn fan, an‑na ko yawaenɛ min si n na, ni tɔɔya gbɛɛ n‑na miin dɔ bia. I‑a a ɔ sɔn fan, fen ko si‑a n na kɛn n ni Andiɔki duu ɔ, ni Ikoniɔn duu ɔ, a basan Diisa duu ɔ a, n tɔɔ‑a buɛ min dɔ duu chɛ n dɔ. Chɛɛ Mansa Chisɔsi‑a n kun bɔ wan an gbɛɛ ɔ.

CHIMISI 1:12

Yataa ɛ mɔɛ chɛ n dua‑a wan, miin mbe an faa bia, ni ko yawaenɛ‑a an tan. Koe min na mu, ni an‑na an koe chɛ ɔ bia, Yataa ɛ boo ɔ gbasi woo min be‑a an ma, ɛ ma‑a kuɔ fɔ fɔɛ an na. Fɔɛ chɛ, a na‑a tooɔdia be koe an na mɔɛ n ma, miin toen mu a a.

CHIMISI 5:11

Dua ɛ ma wan mɔɛ chɛ n ma, miin mbe faabia chɛ ko yawaenɛ ɔ. Kai Chobi mu an mɔɛ chɛ n dɔndɔ a. Wo‑a a a min fan, a na‑a a faa bia buɛ min dɔ. A sin, wo‑a a ɔ yen fan to, Mansa Yataa 'a dɔbɛnɛ na‑a bɔ buɛ min dɔ a gbee a. A mu min na, chinchimaya faa an mbe Yataa ɔ, a sin mbe chinchin.

1 CHƆN 3:12

Mmɔ ma ma yɔ mɔna chɛ, Ken, Sitana 'a mɔɛ, min‑na a dɔ kaima fa. A‑a chɛ ma koe min na, a na‑a a ɔ yen fan, mbɛ a ta chɛ chɛ wai nii ma nyin, chɛɛ a dɔɛ tanden fan ni Yataa tena.

KO Ɔ NUNDENƐ 2:10

Wo ma chian tɔɔya kan kɔ kan ma, wo e na tena min chɛ‑a. A yen ko, Sitana ɛ na tena a ma‑a wo dɔ n ni sa pimbi chenɛ a, wo ɔ siman koe a. A sin, wo e tɔɔya ɔ yen‑da wan tee tan ko a. Wo sɔ chidi wo 'a danaya ɔ n na, an ni a fɔ a ni ma saya wɛɛ a wo ko a, wo ma mun. N mbe kuɔ fɔ fɔɛ an be‑a wo ma, wo 'a boo ɔ gbasi woo a.”