MATIU 5:1 - Yataa 'a Dɔbɛnɛ Nama

¹ Chɛ gbakɔ, mbɛ Chisɔsi‑a a ɔ yen, mbɛ fanka fanka chɛ a sɔn‑da a ma, a sɛ‑a kɔnkɔɛ a. A si‑a kɛn nɔ, mbɛ a fɛ denɛ n gbɛn‑da a ma.

MATIU 5:1 ပူးပေါင်းရင်းမြစ်များ

MATIU 13:2

Mbɛ mɔ fanka wa a kan‑da wan a 'a tindanɛ, min‑na a ma, a ta‑a, mbɛ a si‑a dɛndɛ dɔndɔ ɔ. Mɔɛ chɛ n sin to‑a sɔ ɔ tindi ma.

MATIU 15:29

Mbɛ Chisɔsi ni ma, an bɛ a fɛ denɛ n na, an bɔ‑a wan nɔ, mbɛ an ta‑a Kadidi yii wa chɛ a sanɛ. An sɛ‑a wan nɔ kɔnkɔ dɔndɔ ɔ, mbɛ a si‑a nɔ.

MATIU 4:25

Fanka fanka bea‑a wan a fɛ, a ka Kadidi chɛnyɛ ɔ, a ka Duu Tan dɔ chɛnyɛ ɔ, a ka Chuusaɛn duu ɔ, a basan Chudia chɛnyɛ tɔɛ gbɛɛ a. Mbɛ dɔ n ka‑a tanda chɛ ɔ, Chɔdan yii gbaa chia.

MATIU 5:2

Mbɛ a‑a a kuu sɔ an kan‑da, a ɔ,

MAKI 3:13

Mbɛ Chisɔsi sɛ‑a kɔnkɔɛ ɔ. A to‑a nɔ wan, a‑a mɔ kaima chɛ n chee, a toen ni miin na, bea koe a a fɛ. Mbɛ an gbɛɛ na‑a a tena.

MAKI 3:20

Mbɛ Chisɔsi yɛ‑a chenɛ a, a yiaenɛ ni kaina min. Nɔ wɛɛ to, fanka fanka wa koa‑a wan an ma. Chɛ‑a a ma wan, an bɛ a fɛ denɛ n na, tima nii nɔ daun chɛ koe a.

MAKI 4:1

Mbɛ tima dɔndɔ a, Chisɔsi‑a a kuu sɔ to mɔɛ n kan‑da, Kadidi yii wa fɛ. Mɔɛ miin na sɔn‑da a ma, an kɔ ni koo. Chɛ‑a a ma wan, a sɛ‑a dɛndɛ ɔ, mbɛ a si‑a nɔ. Dɛndɛ chɛ ni si ɔ yii an na, mɔ fanka chɛ n gbɛɛ sin to‑a tindi ma.

DUKU 6:12

Tima dɔndɔ a, Chisɔsi sɛ‑a wan kɔnkɔ dɔndɔ kun tɛ samun chɛ koe a. A chi‑a nɔ wan kudu ɛ samun chɛ‑a Yataa tena.

DUKU 6:17

Mbɛ Chisɔsi‑a kɔnkɔɛ chɛ yii, an bɛ a 'a sɔ mɔɛ tan kun ma fea chɛ n na. Mbɛ a sɔ‑a nɛngbunɛ ɔ. A fɛ denɛ sɛsɛ dɔ mende n ni wan nɔ, a basan mɔ fanka fanka a. Mɔɛ chɛ n tɛ ɔ, dɔ n ka‑a wan Chuusaɛn duu ɔ ni Chudia chɛnyɛ tɔɛ n gbɛɛ ɔ. A yɛ to, dɔ n ka‑a wan Taya ni Sidon duu ɔ, miin ni kɔ yii a sanɛ.

DUKU 6:20

Mbɛ Chisɔsi‑a a ya a mun a fɛ denɛ n ma, a ɔ, “Wo duaen mu, wo wɛn yɔnden mu. A mu min na, Yataa ma‑a wo 'a mansa a.

DUKU 9:28

Chisɔsi bandenɛ a bai chɛ n fɔ‑a, tee sɛi gbakɔ, mbɛ a sɛ‑a kɔnkɔɛ ɔ samun chɛ koe a. An bɛ an na‑a sɛ Pita a, Chɔn, ni Chimisi.

CHƆN 6:15

Chɛɛ Chisɔsi na‑a a ɔ sɔn kɛn, mbɛ an toen ni, an ni a bia gbasaya a, an ni a din a ma, ma koe a mansa a, a bɔ‑a wan an tɛ ɔ. Mbɛ a dɔndɔ gbe, a‑a a ma sɛ to kɔnkɔɛ ɔ.