MATIU 4:24 - Yataa 'a Dɔbɛnɛ Nama

²⁴ A ma tɔɛ ta‑a wan Siyia chɛnyɛ gbɛɛ ɔ, min‑na a ma, mɔɛ na‑a a tena mɔɛ n na, gbandi sɛsɛ ni miin ma. An na‑a chɛ n na kɔsɔɛ ni miin gboo ɔ, gbɔgbɔi ni miin na be‑a, nyina yama ni miin fɛ, a basan namaa an na. Gbandi mɔ kan kɔ kan dechee, an na‑a wan an na a tena, a sin‑na an gbɛɛ a baun fan.

MATIU 4:24 ပူးပေါင်းရင်းမြစ်များ

MATIU 12:22

Chɛ gbakɔ, mbɛ mɔɛ dɔ n na‑a wan kamin dɔndɔ a Chisɔsi tena, nyina yama ni min fɛ. Nyina yama chɛ, an‑na a ma wan kamin chɛ ya te‑a, a sin nii che koɔ‑a. Mbɛ Chisɔsi‑a a baun, a‑a a ma a koɔ‑a, mbɛ a ya wɛɛ a ka‑a, a‑a kaina yen.

MATIU 14:1

A tima chɛ a, mbɛ Ɛdɔdi, min ni mansa a Kadidi chɛnyɛ ɔ, a‑a Chisɔsi ma tɔɛ chɛndɛ a min kaka.

MATIU 15:22

Mbɛ a tima chɛ a, musu dɔndɔ ni wan an tanda chɛ ɔ, min ni Kenaan mɔɛ a. A na‑a wan Chisɔsi tena. A bun‑da yee tɛ‑a, a ɔ, “I wɛn bɔ‑a Mansa Defidi 'a dambi ɔ, chinchin n ma. Mansa, n 'na den musuma gbandien mu a yama boo a, nyina yama ɛ a tɔɔ tena.”

MATIU 17:15

a ɔ, “Mansa, gbɔgbɔi an mbe n 'na den kaienɛ ma. Ɛ a tɔɔya tena, a ma chianden mu. Tima sɛsɛ ko a, ɛ a a bea wan ta ɔ. Dɔ n na, ɛ a a dɛ wan yii wɛɛ ɔ. Chɛ an fɛ mu, chinchin n 'na den chɛ ma.

MATIU 17:18

Mbɛ an na‑a den chɛ a a tena. Nyina yama min ni ka den chɛ fɛ, Chisɔsi ɔ te, a ni ka a fɛ. Nyina yama chɛ ka‑a wan a fɛ, a baun‑da a ya kɔɔɛ a.

MATIU 4:23

Chisɔsi ben ben‑da wan Kadidi chɛnyɛ gbɛɛ ɔ, ɛ ta‑a mɔɛ n kan‑da Chu mɔɛ n 'na samun chɛ chenɛ n na. A ni sakana bai chɛndɛ chɛ ɔ yian fan to mɔɛ n na, a si Yataa 'a mansaya ma, mbɛ a‑a mɔɛ n baun an 'na gbandi kan kɔ kan dɔ, miin ni an ma.

MATIU 8:28

Mbɛ an‑na yii chɛ tɛ Kadaa tanda ɔ, yii wa chɛ kaka dɔndɔɛ ma. Mbɛ kamin fea n na‑a Chisɔsi tan, miin na‑a bɔ fanɛ a bɛnkuɛ ɔ. Nyina yama an ni an fɛ, min ma chianden ni. Chɛ na‑a a ma wan, mɔɛ nii ben an tee na chia a.

MATIU 8:33

Mbɛ mɔɛ chɛ nu, miin ni ka kɔɛnya chɛ n kun ma fɛn tena, an ben‑da bui‑a. An ta‑a duu ɔ, mbɛ an‑na a gbɛɛ ɔ yian, min chɛ‑a a ɔ. A yɛ to, min ma‑a kamin fea chɛ n na, nyina yama ni miin fɛ.

MATIU 8:6

Mbɛ a ɔ, “Fa, n 'na bɔi denɛ yen ko sa ɔ chenɛ a, a namaaenɛ ɛ, ɛ tɔɔya‑a gbeden sofa a.”

MATIU 9:26

Mɔɛ n ta‑a wan an koe chɛ ɔ yian‑da an tanda chɛ gbɛɛ ɔ ben‑da.

MATIU 9:35

Chɛ gbakɔ, Chisɔsi ben ben‑da wan konko n dɔ, a basan duu wa n na, an chɛnyɛ chɛ gbɛɛ ɔ. Ɛ ta‑a mɔɛ n kan‑da Chu mɔɛ n 'na samun chɛ chenɛ n na. A ni sakana bai chɛndɛ chɛ ɔ yian fan to mɔɛ n na, a si Yataa 'a mansaya ma. A yɛ to, a‑a mɔɛ n baun fan an 'na gbandi kan kɔ kan dɔ, miin ni an ma.

MAKI 1:28

Mbɛ a ya kɔɔɛ a, Chisɔsi ma tɔɛ ta‑a wan kan kɔ kan Kadidi chɛnyɛ ɔ.

MAKI 1:32

A duina chɛ, tee beaenɛ gbakɔ, mɔɛ n na‑a wan gbandi mɔɛ n na Chisɔsi tena. An na‑a wan chɛ n bɛɛ a, nyina yama ni miin fɛ.

MAKI 2:3

Mbɛ mɔ kaima naaninɛ nu, an bɔ‑a a a, an mbe na‑a kaminɛ a Chisɔsi tena, a namaaenɛ ɛ.

MAKI 2:4

Chɛɛ chɛ gbɛɛ ɔ, an nii che na‑a kamin chɛ a Chisɔsi tena. Koe min na mu, mɔ fanka da a ni koo. Mbɛ an sɛ‑a chenɛ gbu kun ma, mbɛ an‑na kaina ɛnden ma ka, Chisɔsi kun ma chia a. An ban‑da kɛn chen chɛ ma ka‑a, an kaina chɛ, mbɛ an‑na kamin chɛ a yii nɔ, sa ɔ yaa ɔ, an na‑a a a min dɔ.

MAKI 2:9

A ɔ ma gbɛ a fɔ koe a namaa chɛ ye, mbɛ n‑na n boo bɔ a 'a ko yama ɔ. Chɛɛ a ɔ gbɛ wan a ma koe a, a ni a kɔɔ sɔ, a ni a 'a yaa ya, a ni tachɛ chɛ.

DUKU 2:2

Tima saa saa an nii nɛ mɔɛ n dan koe a, a sin Kuiniyɔsi an ni kɔfana a Siyia chɛnyɛ ɔ.

DUKU 4:14

Mbɛ Chisɔsi yɛ‑a Kadidi chɛnyɛ ɔ, Yataa Nyina ɛ a fɛ, gbasaya be koe a a ma. Mɔɛ n‑na a ma tɔɛ a min fan Kadidi tanda gbɛɛ ɔ.

DUKU 4:38

Mbɛ Chisɔsi bɔ‑a samun chɛ chen chɛ a, a ta‑a Saimɔn 'na chenɛ a. A‑a a tan fan, chima yama bɔndenɛ ɛ Saimɔn 'na musu de ma. Mbɛ an‑na Chisɔsi ɔ tisa a danda koe a.

DUKU 5:15

Chɛɛ Chisɔsi ma tɔɛ ta‑a wan a tima gbu a kan kɔ kan. A sin, mɔ fanka fanka ni na wan Chisɔsi kuiɛ a min koe a, a basan an baun koe a an 'na gbandi n dɔ.

DUKU 5:24

N mbe a ɔ yian‑da wan gbɛ wo a, mbɛ gbasaya ɛ wan n fan, Mɔ Gbu 'a Denɛ boo ɔ dunya chɛ ɔ, n boo bɔ koe a ko yama ɔ.” Mbɛ a‑a a fɔ namaa chɛ ma, a ɔ, “N mbe a fɔ tena gbɛ i ye, mbɛ i ni i kɔɔ sɔ, i ni i 'a yaa ya, i ni ta i waa a.”

DUKU 7:17

Chisɔsi na‑a koe min ma ka, a‑a a ma wan a ma tɔɛ ta‑a Chudia chɛnyɛ gbɛɛ ɔ, a basan chɛnyɛ chɛ n na a a tindanɛ.

CHƆN 10:21

Chɛɛ an dɔ nu, an ni wan a fɔ‑a, an dɔ, “Nyina yama ɛ ma mɔɛ min fɛ, a ee koɔ ka. Nyina yama ee che a ma‑a fion tɔɛ ya a ni ka.”

CHISƆSI 'A SƆ MƆƐ NU 10:38

A yɛ to, wo‑a Chisɔsi wakoe ɔ sɔn fan, min ka‑a Nasaɛti duu ɔ. Yataa na‑a a Nyina be buɛ min dɔ a ma, a basan gbasaya a. Chisɔsi ben ben‑da wan a ɔ gbɛɛ, ɛ ta‑a ko chɛndɛ ma‑a mɔɛ n na, mbɛ a yɛ‑a, a‑a mɔɛ n gbɛɛ baun, miin ni Sitana 'a gbasaya kɔɔ. Koe min ni a ma, a ni chɛ ma, Yataa ni wan a fɛ.

CHISƆSI 'A SƆ MƆƐ NU 15:23

An‑na gboo nyɛnden chɛ an be an ma. An‑na a nyɛn fan a ɔ, an dɔ te: Nn fan, Chisɔsi 'a sɔ mɔɛ chɛ nu, nn bɛ gbakoo n na, nn fɛn mu wo suun ma nyɔɛ n na Chasi ɔ, nn fan mbe ka gboo chɛ nyɛn tena. Nn mbe a nyɛn tena wo wan tena. Wo wan, wo wɛn ma Chu mɔ a, wo wɛn‑na wo kai fa Chisɔsi a. A yɛ to, wo wɛn mbe sanche Andiɔki duu ɔ, ni wo wɛn mbe Siyia chɛnyɛ tɔɛ ɔ, wo bɛ chɛ n na, miin mbe Sidisia chɛnyɛ ɔ. Nn‑na wo kɔndɔn.

CHISƆSI 'A SƆ MƆƐ NU 15:41

A sin ben‑da wan Siyia, an fea Sidisia chɛnyɛ ɔ a, ɛ ta‑a a ma‑a mɔɛ chɛ n dɔ ɛ gbɛa‑a chɔchi n dɔ, an 'na kaifaya ɔ.

CHISƆSI 'A SƆ MƆƐ NU 28:9

Chɛ sin ma‑a kɛn dechee, gbandi mɔɛ tɔɛ chɛ n gbɛɛ, an yii tin chɛ ɔ, an na‑a wan Pɔɔ tena, an sin baun‑da wan.

CHISƆSI 'A SƆ MƆƐ NU 8:7

Koe min na mu, Fiipi‑a a ma wan, mbɛ nyina yama n ka‑a mɔ sɛsɛ fɛ, an ni miin fɛ. A sin, an nyina yama chɛ n ni yee tɛ wan gbankon, an mbe e na to ka‑a mɔɛ chɛ n fɛ. A‑a namaa n sɛsɛ baun fan, an bɛ tamban tɔɛ n na.