MATIU 4:23 - Yataa 'a Dɔbɛnɛ Nama

²³ Chisɔsi ben ben‑da wan Kadidi chɛnyɛ gbɛɛ ɔ, ɛ ta‑a mɔɛ n kan‑da Chu mɔɛ n 'na samun chɛ chenɛ n na. A ni sakana bai chɛndɛ chɛ ɔ yian fan to mɔɛ n na, a si Yataa 'a mansaya ma, mbɛ a‑a mɔɛ n baun an 'na gbandi kan kɔ kan dɔ, miin ni an ma.

MATIU 4:23 ပူးပေါင်းရင်းမြစ်များ

MATIU 11:5

Wo a fɔ a ye, wo ta yiima ɔ, mbɛ ya te tɔɛ nu, an‑na kaina ɔ yen, wo ɔ, namaa an sɔ‑a. Wo a fɔ to, wo ta yiima ɔ, wo ɔ, gbandi yama ni miin gboo ma, an baun‑da, wo ɔ, too gbee tɔɛ nu, an‑na koe a min, wo ɔ, miin faen ni, an‑na fɔɛ ma sɔn to, wo ɔ, yɔn tɔɛ n bɛɛ, an‑na sakana bai chɛndɛ chɛ a min.

MATIU 12:9

Chisɔsi ka‑a nɔ, mbɛ a ta‑a bɛnɛ ɔ samun chɛ chenɛ a.

MATIU 13:19

Mɔɛ dɔ n mbe wan yɔ chia kuu a duu gboo chɛ, chin fen kuu n bea‑a min ma. Ni an‑na Yataa 'a sakana bai a min, a si a 'a mansaya ma, an mbe ee a ɔ gbɛ chɛndɛ chɛ. Mbɛ an nyina yama chɛ, Sitana, a na‑a a ya kɔɔɛ a, a‑a bai chɛ bɔ an yiima ɔ.

MATIU 13:54

Mbɛ a yɛ‑a a waa duu ɔ. A yɛ‑a kɛn, a bun‑da mɔɛ n kan‑da an 'na samun chɛ chenɛ a. A 'a kan chɛ buɛ‑a mɔɛ n da a fa wan. Mbɛ an bun‑da a fɔ‑a, an dɔ, “Kamin chɛ ɛ ka kamaya ko bonda miin ma‑a, a basan yiimatɛ bonda chɛ a ɔ, kɔndɔfii mu a a.

MATIU 14:14

Chisɔsi puin‑da a bɔ dɛndɛ chɛ ɔ, mbɛ a‑a mɔ fanka wa chɛ yen, miin‑na a sɔ ka a fɛ. Mbɛ an ma chinchinɛ‑a a bia, a‑a an gbɛɛ baun miin gbandien ni ka.

MATIU 24:14

Mbɛ a sin, sakana bai chɛndɛ chɛ, a si Yataa 'a mansaya ma, mɔɛ n mbe a ɔ yian‑da wan mɔɛ gbɛɛ a dunya gbɛɛ ɔ. Chɛ ɛ a ma‑a wan, mɔɛ n ni sakana bai chɛndɛ chɛ a min chɛnyɛ koɛ kan kɔ kan dɔ. A sin, a tima a mu dechee, dunya ɛ danka‑a.”

MATIU 3:2

A ɔ, “Wo wo kan kɔ sɔ wo 'a ko yama n na, wo ni wo ya a mun Yataa ma. A mu min na, Yataa 'a mansaya ɔ yian tima, ɛ gbɛ mmɔ ma chenɛ da a wan.”

MATIU 9:35

Chɛ gbakɔ, Chisɔsi ben ben‑da wan konko n dɔ, a basan duu wa n na, an chɛnyɛ chɛ gbɛɛ ɔ. Ɛ ta‑a mɔɛ n kan‑da Chu mɔɛ n 'na samun chɛ chenɛ n na. A ni sakana bai chɛndɛ chɛ ɔ yian fan to mɔɛ n na, a si Yataa 'a mansaya ma. A yɛ to, a‑a mɔɛ n baun fan an 'na gbandi kan kɔ kan dɔ, miin ni an ma.

MAKI 1:14

Mbɛ an‑na Chɔn sa pimbi chenɛ a. Chɛ gbakɔ, Chisɔsi ta‑a Kadidi chɛnyɛ ɔ, Yataa 'a sakana bai chɛndɛ sa koe a mɔɛ n tena.

MAKI 1:21

Mbɛ Chisɔsi na‑a Kapanaun duu ɔ, an bɛ a fɛ denɛ n na. A sin, Chu n 'na suin tee che‑a kɛn, Chisɔsi ta‑a wan an 'na samun chɛ chenɛ a. Mbɛ a bun‑da mɔɛ n kan‑da nɔ, Yataa koe ma.

MAKI 1:39

Mbɛ an ben ben‑da Kadidi chɛnyɛ gbɛɛ ɔ, ɛ ta‑a Yataa 'a bai sa‑a Chu n 'na samun chɛ chenɛ n na, a basan nyina yama n gbainɛ a, mɔɛ n fɛ.

MAKI 3:10

A mu min na, a na‑a mɔ sɛsɛ n baun fan an 'na gbandi n dɔ. Chɛ na‑a a ma wan gbɛ, gbandi mɔɛ tɔɛ n gbɛɛ, an ni wan gbɛ an fandi fɔkɔ fɔkɔ‑a, fanka chɛ ɔ, tu koe a Chisɔsi a.

MAKI 6:2

Chu n 'na suin tee ma, Chisɔsi‑a mɔɛ n kan fan an 'na samun chɛ chenɛ a. Mɔɛ n ni kɔkoo wan nɔ, a ni kanɛ chɛ tena tima min na. An sin, kɛn an ban‑da a da a kuiɛ a min‑da, a 'a kan chɛ buɛ‑a an da a fa wan. An dɔ, “A e na ka mende kan chɛ buɛ bonda chɛ a? Yiimatɛ chɛ sima, min been mu ka a ma, kɔndɔfii mu. Mɔ ma a ɔ sɔn, ɛ kamaya ko wa chɛ n ma buɛ min dɔ.”

MAKI 6:6

A ɔ sɔn koe Chisɔsi boo ɔ, mbɛ a 'a mɔɛ n ma dan ni a a podon, tɛnɛ ko wa ni. Mbɛ Chisɔsi ta‑a duu n dɔ, nɔ a a tindanɛ. A ta‑a mɔɛ n kan koe a, a si Yataa ma.

DUKU 10:9

Wo gbandi mɔɛ n baun an duu chɛ ɔ, mbɛ wo a fɔ an ye, wo ɔ, ɛnden fan to‑a gbɛ, wo ɔ, mɔɛ n ni don Yataa 'a mansaya kɔɔ.

DUKU 13:10

Chu n 'na suin tee dɔndɔ ma, Chisɔsi ni wan kan chɛ tena an 'na samun chɛ chenɛ a.

DUKU 16:16

“Yataa‑a sawa miin be Mosisi ma, a basan da a bai chɛ n na, Yataa 'a gbonka chɛ mɔɛ chɛ n‑na miin nyɛn, an ni wan nɔ gbau gbau a. Mɔɛ n ni wan an kɔɔ aan Chɔn na‑a tima min na, min ni yii chɛ mɔɛ n kunɛ ɔ, Yataa chia a. A ka gbɛ a tima chɛ ma, sakana bai chɛndɛ a si Yataa 'a mansaya ma, an mbe gbɛ fɔ tena mɔɛ n ye, mbɛ a sin, mɔ ɔ mɔ ɛ gbɛ butuinɛ an chɛ tena don koe a an mansaya chɛ kɔɔ.

DUKU 20:1

Tee dɔndɔ a, Chisɔsi ni wan mɔɛ n kan‑da Yataa 'a kata ɔ, ɛ ta‑a Yataa 'a sakana bai chɛndɛ ɔ yian‑da an na. Mbɛ mɔɛ miin ni Chu n tɛ ɔ Yataa a, an 'na mansa nu, an na‑a a tena, an bɛ Chu n 'na sawa kan mɔɛ n na, a basan Chu gbakoo n na.

DUKU 4:14

Mbɛ Chisɔsi yɛ‑a Kadidi chɛnyɛ ɔ, Yataa Nyina ɛ a fɛ, gbasaya be koe a a ma. Mɔɛ n‑na a ma tɔɛ a min fan Kadidi tanda gbɛɛ ɔ.

DUKU 5:17

Tee dɔndɔ a, Chisɔsi ni kɛn kan chɛ tena, mɔɛ dɔ n ni wan nɔ si ɔ, miin ni Chu n 'na sawa kan mɔɛ n na, a basan Chu mɔɛ n na, miin ni Fayisii n na. An ka‑a wan Chuusaɛn duu ɔ, a basan Chudia chɛnyɛ gbɛɛ ɔ a. An ka‑a wan duu kan kɔ kan dɔ Kadidi chɛnyɛ wɛɛ ɔ. A tee chɛ a, Chisɔsi ni wan mɔɛ n baun‑da an 'na gbandi n dɔ, Mansa Yataa 'a gbasaya ɔ.

DUKU 6:17

Mbɛ Chisɔsi‑a kɔnkɔɛ chɛ yii, an bɛ a 'a sɔ mɔɛ tan kun ma fea chɛ n na. Mbɛ a sɔ‑a nɛngbunɛ ɔ. A fɛ denɛ sɛsɛ dɔ mende n ni wan nɔ, a basan mɔ fanka fanka a. Mɔɛ chɛ n tɛ ɔ, dɔ n ka‑a wan Chuusaɛn duu ɔ ni Chudia chɛnyɛ tɔɛ n gbɛɛ ɔ. A yɛ to, dɔ n ka‑a wan Taya ni Sidon duu ɔ, miin ni kɔ yii a sanɛ.

DUKU 6:6

Suin tee dɔ mende ma, Chisɔsi don‑da wan Chu n 'na samun chɛ chen dɔndɔ a, mbɛ a‑a mɔɛ n kan nɔ. Kamin dɔndɔ ni wan nɔ, min boo nyima faen ni a ma.

DUKU 7:21

A tima dɔndɔ gbe chɛ a, Chisɔsi ni wan mɔ sɛsɛ baun‑da an 'na gbandi n dɔ. A sin na‑a nyina yama n gbain fan mɔɛ dɔ n fɛ. A yɛ to, a‑a ya te tɔ sɛsɛ ya a ka wan.

DUKU 7:22

Mbɛ a‑a a fɔ Chɔn 'na sɔ mɔɛ chɛ n ye, a ɔ, “Wo yɛ, wo ta yiima ɔ, wo ni a ɔ yian kai Chɔn na, wo‑a koe miin dɔ yen, ni wo‑a miin na min. Wo a fɔ a ye, wo ta yiima ɔ, mbɛ ya te tɔɛ nu, an‑na kaina ɔ yen, wo ɔ, namaa an sɔ‑a. Wo a fɔ a ye to, wo ta yiima ɔ, wo ɔ, gbandi yama ni miin gboo ma, an baun‑da, wo ɔ, too gbee tɔɛ nu, an‑na koe a min, wo ɔ, miin faen ni, an‑na fɔɛ ma sɔn to, wo ɔ, yɔn tɔɛ n bɛɛ, an‑na sakana bai chɛndɛ chɛ a min.

DUKU 8:1

Tima ɛnden gbakɔ, Chisɔsi ben ben‑da wan duu n dɔ, ɛ ta‑a sakana bai chɛndɛ chɛ ɔ yian‑da mɔɛ n na, a si Yataa 'a mansaya ma. A fɛ den tan kun ma fea n bɛɛ ni wan a fɛ.

DUKU 9:11

Chɛɛ mɔɛ n‑na a ta koe kɔɔ sɔn, mbɛ mɔ fanka‑a a san, mbɛ an‑na an tan. Chisɔsi bu ɔ dia‑a wan an yen koe a. A koɔ‑a wan an tena a si Yataa 'a mansaya ma, mbɛ mɔɛ miin gbandien ni an tɛ ɔ, a‑a an baun.

DUKU 9:60

Mbɛ Chisɔsi wɛɛ ɔ, “Mɔɛ miin mbe yɔ mɔ faenɛ nu, an to nɔ, an ni an 'na mɔ faenɛ n tɔn. Chɛɛ i tana, a nyin i ni ta, i ni Yataa 'a mansaya ɔ yian mɔɛ n na.”

CHƆN 18:20

Chɛɛ Chisɔsi ɔ, “N ma bai ɔ bai sa nin bɛ doee ɔ. Tima ɔ tima ko a, mɔɛ miin ni an too ma sɔ n ma, n ni koɔ wan an tena fanka ɔ den. Kanɛ gbɛɛ n ni min chɛ, n ni a chɛ wo 'a samun chɛ chenɛ n na wan, a basan Yataa 'a kata ɔ a, mɔɛ n gbɛɛ bɛn tena nu.

CHƆN 6:59

Chisɔsi na‑a chɛ fɔ tima min na, a ni kan chɛ tena Kapanaun duu ɔ wan, Chu n 'na samun chɛ chenɛ a.

CHƆN 7:1

Chɛ gbakɔ, mbɛ Chisɔsi ben ben‑da Kadidi chɛnyɛ ɔ. A nii ma to ni, a ni gbɛn Chudia chɛnyɛ ɔ ma ɛnden bɛɛ a. A mu min na, Chu n ya ɔ sɔɛ nu nɔ, an ma bɛnden fan ni a fa koe a.

CHISƆSI 'A SƆ MƆƐ NU 10:38

A yɛ to, wo‑a Chisɔsi wakoe ɔ sɔn fan, min ka‑a Nasaɛti duu ɔ. Yataa na‑a a Nyina be buɛ min dɔ a ma, a basan gbasaya a. Chisɔsi ben ben‑da wan a ɔ gbɛɛ, ɛ ta‑a ko chɛndɛ ma‑a mɔɛ n na, mbɛ a yɛ‑a, a‑a mɔɛ n gbɛɛ baun, miin ni Sitana 'a gbasaya kɔɔ. Koe min ni a ma, a ni chɛ ma, Yataa ni wan a fɛ.

CHISƆSI 'A SƆ MƆƐ NU 18:4

Suin tee kan kɔ kan ma, a ni koe tɛnsɛ wan mɔɛ chɛ n tena, Chu n 'na samun chɛ chen chɛ a. A sin, a ni butuin chɛ tena wan, Chu mɔɛ nu, an bɛ Kiisi mɔɛ n na, an yiima ni mun Chisɔsi tena.

CHISƆSI 'A SƆ MƆƐ NU 20:25

“A sin, a yen ko gbɛ, n‑na chɛ ɔ sɔn. Mbɛ n ben ben‑da wo wɛn gbɛɛ tɛ ɔ, n mbe ta‑a koɔ‑a wo tena, a si Yataa 'a mansaya ma, wo dɔndɔ wɛɛ ee na‑a n yen‑da to.

CHISƆSI 'A SƆ MƆƐ NU 28:31

A ni bai sa wan an tena, a si Yataa 'a mansaya ma. A yɛ to, a ni mɔɛ n kan fan, a si Mansa Chisɔsi Chasi ma. A nii chɛ ma nun dɔ, mɔ ɔ mɔ sin nii a a gban.

GBOO DOMI KO A 10:15

A sin to, sakana bai chɛ ɔ ee che yian‑da mɔɛ n na, ni Yataa ma mɔɛ n na fasan ni dunya ɔ, a ɔ yian koe a. A ni ma yɔ Yataa 'a gboo‑a a fɔ buɛ min dɔ, mbɛ a ma kawaen mu kaka, mbɛ mɔɛ chɛ n mbe chia a, miin mbe na tena sakana bai chɛndɛ a.