MATIU 4:17 - Yataa 'a Dɔbɛnɛ Nama17 A ka gbɛ a tima chɛ ma, Chisɔsi‑a a kuu sɔ wan Yataa 'a bai sa‑a. A ɔ, “Wo wo kan kɔ sɔ wo 'a ko yama n na, wo ni wo ya a mun Yataa ma. A mu min na, Yataa 'a mansaya ɔ yian tima, ɛ gbɛ mmɔ ma chenɛ da a wan.” အခန်းကိုကြည့်ပါ။ |
Chɛ an fɛ mu, mɔɛ miin mu mɔ tandenɛ n na Yataa tena, n ma na ni an fan ko a. Chɛɛ mɔɛ miin mbe ee sɔ ɔ Yataa 'a chia ma, n na‑a an fan ko a. Yataa‑a a fɔ wan a 'a gboo ɔ, a ɔ, wo e na to yasi bɔ‑a a tena, a ɔ, wo ni chinchimaya an yian dechee wo nyɔn na. Wo a ma, wo ni a ɔ gbɛ, bai chɛ ɛ fen fɔ tena.”
A chia dɔndɔ gbe chɛ a, n ni a ma din wo tena, mbɛ ni mɔ dɔndɔ gbe, min mbe ee sɔ ɔ Yataa 'a chia ma, ni a‑a a kan kɔ sɔ a 'a ko yama an na, buɔdia chenama ɛ ma‑a wan banda bu ɔ. An buɔdia chɛ sin gbu benden mu buɔdia chɛ ma, min sien mu mɔ bi kɔnɔntɔ kun ma kɔnɔntɔɛ chɛ n ma, miin‑na an yii na chii an fandi a, mbɛ mɔ tandenɛ mu an na. Mbɛ an sin kan kɔ sɔ ee to an ma.”
N‑na a ɔ yian Damasikɔsi pɛn, mbɛ n‑na a ɔ yian Chuusaɛn duu ɔ wɛɛ. A yɛ to, n‑na a ɔ yian Chudia chɛnyɛ gbɛɛ ɔ, ni mɔɛ chɛ n tena, miin nii ma Chu mɔɛ n na. N‑na a ɔ yian fan an gbɛɛ a, mbɛ an ni an kan kɔ sɔ an 'na ko yama n na, an ni an ya a mun Yataa ma. A sin, an ni koe n ma, yɔ mɔɛ nu, miin‑na an kan kɔ sɔ an 'na ko yama n na.
Chɛ an fɛ mu, mmɔ koe chɛ n to, Chasi ni mmɔ kan miin na, yɔ den mɛsɛ nu. Mmɔ a kuu sɔ gbɛ mmɔ yii na chii‑a yɔ mɔɛ miin yii kɔɔen mu. Mmɔ sɛmbɛ mmɔ gba ɔ tɛn tɛn koe a, ko mɛsɛ chɛ n kan koe a, a si Chisɔsi ma. Koe chɛ nu, miin mbe a ma, an ni an mun, an ni sɛmbɛ ko yama chɛ n ma‑a, miin mbe a ma, an ni saya ma sɔn. Mmɔ yɛ to, mmɔ ni a ɔ yen, an ni an kai fa Yataa a.