MATIU 4:13 - Yataa 'a Dɔbɛnɛ Nama

¹³ Chɛɛ a nii ma dɔn ni si koe a Nasaɛti duu ɔ. A na‑a ben fan, a ta Kapanaun. Kapanaun ni duu an na Kadidi yii daa baima, a sin, a ni Sɛbudɔn ni Nafadi tanda n tɛtɛ ma wan.

MATIU 4:13 ပူးပေါင်းရင်းမြစ်များ

MATIU 11:23

Wo wɛn sin mbe ka Kapanaun duu ɔ, wo‑a wo wandi a sɛ banda a, chɛɛ Yataa ɛ wo a yii‑a wan duu ma. N‑na kamaya koe miin ma ka wo 'a duu chɛ ɔ, ni Sɔdɔn mɔɛ n na‑a an dɔ yen fan, Sɔdɔn nii ma‑a duu tombo a bi tee chɛ a.

MATIU 17:24

Mbɛ Chisɔsi na‑a Kapanaun duu ɔ, an bɛ a fɛ denɛ n na. Mɔɛ miin ni pawa bia Yataa 'a kata ko a, an na‑a Pita tena, mbɛ an dɔ, “Wo 'a ticha chɛ, ɛ pawa chɛ wan Yataa 'a kata ko a, ae?”

MATIU 4:14

Chɛ ma‑a, min mbe a ma, Yataa 'a gbonka chɛ mɔɛ Aisaya na‑a bai min fɔ suun, a ni bɔ a a. A na‑a a fɔ wan, a ɔ,

MATIU 4:15

“Kadidi chɛnyɛ ɔ, Sɛbudɔn tanda ɔ, Nafadi tanda ɔ, min mbe yii wa fɛ, Chɔdan yii a sanɛ, mɔɛ n baa, miin ma Chu mɔ a.

MATIU 9:1

Chɛ gbakɔ, Chisɔsi sɛ‑a wan dɛndɛ ɔ, mbɛ a‑a yii wa chɛ tɛ, a yɛ‑a duu chɛ ɔ, a ni kaina si ɔ.

MAKI 1:21

Mbɛ Chisɔsi na‑a Kapanaun duu ɔ, an bɛ a fɛ denɛ n na. A sin, Chu n 'na suin tee che‑a kɛn, Chisɔsi ta‑a wan an 'na samun chɛ chenɛ a. Mbɛ a bun‑da mɔɛ n kan‑da nɔ, Yataa koe ma.

MAKI 2:1

Tee kuunden gbakɔ, Chisɔsi yɛ‑a to Kapanaun duu ɔ. Mbɛ sakana kuiɛ a fasan‑da a ɔ gbɛɛ ɛ, mbɛ ɛ chenɛ a.

DUKU 10:15

Wo wɛn sin mbe ka Kapanaun duu ɔ, wo‑a wo wandi a sɛ banda a, chɛɛ Yataa ɛ wo a yii‑a wan duu ma.”

DUKU 4:23

Mbɛ Chisɔsi ɔ, “N danden fan mu a a, mbɛ wo e tai chɛ tɛ‑a wan a si n ma, min‑na a fɔ, a ɔ, ‘Danda chɛ mɔɛ, i wandi baun.’ Wo e a fɔ‑a wan to n ye, wo ɔ, wo‑a a a min fan, n‑na min ma Kapanaun duu ɔ, wo ɔ, n ni a nyɔn sima ma wɛ nɛ wɛɛ, n ta suun duu gbu ɔ.

CHƆN 2:12

Chɛ gbakɔ, Chisɔsi yii‑a Kapanaun duu ɔ. An fea ni a de a, a basan a suun ma nyɔɛ kaima n na, ni a fɛ denɛ nu. An‑na tee kuunden ben fan nɔ.

CHƆN 4:46

Mbɛ Chisɔsi che‑a Kana duu ɔ, Kadidi chɛnyɛ chɛ ɔ, a na‑a yii ma fan kaina min gbɛ a. Duu dɔndɔ ɔ, min tɔ ni Kapanaun, kɔmende mɔ dɔndɔ 'a den kaienɛ gbandienɛ ni wan nɔ.

CHƆN 6:17

Fitii che‑a ka wan aan, Chisɔsi nii ma na nin bɛ an tena. Mbɛ an sɛ‑a dɛndɛ ɔ, an bun‑da yii chɛ tɛ‑a, an mbe yɛ‑a Kapanaun teen na.

CHƆN 6:24

Mɔ fanka wa chɛ‑a a ɔ yen fan, mbɛ Chisɔsi nii nɔ, n mbe ee baa a fɛ denɛ n ma. Mbɛ mɔɛ chɛ n sɛ‑a dɛndɛ chɛ n dɔ, nɔ tindi chɛ ma, mbɛ an ta‑a Kapanaun, an mbe an ya a kan‑da Chisɔsi a.

CHƆN 6:59

Chisɔsi na‑a chɛ fɔ tima min na, a ni kan chɛ tena Kapanaun duu ɔ wan, Chu n 'na samun chɛ chenɛ a.