A tima chɛ a, Chɔn min ni yii chɛ mɔɛ n kunɛ ɔ, Yataa chia a, a ni wan pimbi chenɛ a. Chɛɛ a‑a Chisɔsi Chasi ma tɔɛ a min kɛn, a‑a a fɛ denɛ dɔ n na ta wan Chisɔsi tena, min mbe a ma, an ni a wakoe ɔ gbɛ.
Mansa Ɛdɔdi na‑a chɛ fɔ koe min na, a na‑a a kɔɔ kaima Fiipi 'a musu bɔ wan a boo ɔ, bɔɔɛ Ɛdɔdiyasi. Chɔn ni a fɔ wan a ye, mbɛ a‑a ko yama an ma ka. Ɛdɔdiyasi wakoe a, Mansa Ɛdɔdi‑a mɔɛ n sɔ Chɔn bia koe a. An‑na a chii, mbɛ an‑na a a dɛ pimbi chenɛ a.
Mansa Ɛdɔdi wandi gbu, an na‑a mɔɛ n sɔ Chɔn bia‑a. A sin fan‑na a fɔ, an ni a sa yɔɔɛ a, pimbi chenɛ a. Mansa Ɛdɔdi na‑a chɛ ma Ɛdɔdiyasi an fɛ, a dɔɛ Fiipi 'a musu. A na‑a chɛ ɔ sɔn bɛɛ boo ɔ boo, a‑a a ma wan a 'a musu a.
Chɛɛ tima chɛ gbu a ni, an‑na a kɔ din gbasaya wandi gbu a, an dɔ, “Ɛ kanɛ min chɛ tena, ɛ a ma tena wan gbun ba ni gbasi Chudia chɛnyɛ chɛ gbɛɛ ɔ. A‑a a kuu sɔ Kadidi chɛnyɛ ɔ wan, mbɛ sanche gbɛ a che‑a nɛ a 'a kan chɛ‑a.”
A banda ka dɔndɔɛ ma, mbɛ Chisɔsi‑a a yii na chii, mbɛ a‑a Kadidi chɛnyɛ ɔ chia bia. Mbɛ a‑a Fiipi yan, mbɛ a ɔ te a ma, a ɔ, “Na, i ni ma n fɛ denɛ a.”
Kamaya koe wa saa an nii nɛ, Chisɔsi na‑a min ma. A na‑a a ma Kana duu ɔ wan, Kadidi chɛnyɛ ɔ. A na‑a a ɔ yian nɔ wan, a kamayaen ni buɛ min dɔ, mbɛ a fɛ denɛ n‑na an kai fa a a.