MATIU 4:10 - Yataa 'a Dɔbɛnɛ Nama

¹⁰ Chɛɛ Chisɔsi‑a a fɔ a ma, a ɔ, “Ka n fɛ, Sitana, ta. Koe min na mu, Yataa 'a gboo ɔ te, ‘Mɔɛ e i 'a mansa Yataa dɔndɔ gbe an fai dechee, mbɛ i yɛ‑a, i‑a a ma wai chɛ.’ ”

MATIU 4:10 ပူးပေါင်းရင်းမြစ်များ

MATIU 16:23

Chɛɛ Chisɔsi‑a a ya a mun, a ɔ Pita ma, “Ka n fɛ, e ka Sitana 'a wai an chɛ tena. E ee ka basan tena wan n ma. Koe min na mu, mɔ gbu yiinachii an mbe ka i ɔ. Yataa ta yiinachii ma chɛ a.”

MAKI 1:13

Chisɔsi ni nɔ wan, tee bi naanin ko a, Sitana ɛ a yiima yan‑da, ni ɛ ko yama ma‑a wan. Chisɔsi ni nɔ soe yama n fan tɛ, maeka n mbe basan‑da a ma.

DUKU 10:18

Mbɛ Chisɔsi ɔ, “N‑na Sitana yen fan bea‑a a ka banda bu ɔ, yɔ banda manɛ.

DUKU 11:18

A chia dɔndɔ gbe chɛ a, ni Sitana 'a wai chɛ mɔɛ n ma‑a butuinɛ chɛ‑a an nyɔn na, a 'a mansaya ee ta ya ɔ ma. N mbe chɛ fɔ tena, a mu min na, wo ɔ, mbɛ nyina yama n 'na mansa, min tɔ mu Bɛɛsɛbu, an mbe gbasaya be tena n ma, nyina yama n gbain koe a mɔɛ n fɛ.

DUKU 13:16

Mbɛ sanche gbɛ wo a yen ko, mmɔ suun ma nyɔɛ dɔndɔ an nɛ musu chɛ a, mmɔ gbɛɛ bɔ‑a Ebeami 'a dambi dɔndɔ gbe chɛ an dɔ. Sitana‑a a chii wan, ɛ tɔɔya ɔ san tan kun ma sɛi ko a. Chia ɔ chia a, fɔ ni a fuin‑da wan, a ni ma suin tee wɛɛ ma a.”

DUKU 22:3

Mbɛ Chisɔsi fɛ den tan kun ma fea chɛ n tɛ ɔ, dɔndɔ ni wan nɔ, min tɔ ni Chudasi. A tɔɛ ma sien fan ni to, an dɔ, Isikayɔti. Sitana bea‑a wan an Chudasi chɛ fɛ.

DUKU 22:31

Mbɛ Chisɔsi‑a a fɔ Pita ye, a ɔ, “Saimɔn, a yen ko, Yataa dɔn‑da Sitana ye, a ni wo gbɛɛ ɔ siman, yɔ sɛnɛ sa mɔɛ ɛ chin fenɛ ɔ fɛ buɛ min dɔ.

DUKU 4:8

Chɛɛ Chisɔsi ɔ, “Yataa 'a gboo ɔ te, ‘Mɔ ɛ i 'a mansa Yataa dɔndɔ gbe an fai dechee, mbɛ i yɛ‑a, i‑a a ma wai chɛ.’ ”

CHƆN 13:27

Chudasi ɛ biidi chɛ bia‑a dechee, mbɛ Sitana bea‑a a fɛ. Mbɛ Chisɔsi ɔ a ma, a ɔ, “I 'a wai i boo ɔ, a chɛ, a a gbandia.”

CHISƆSI 'A SƆ MƆƐ NU 26:18

i ni an ya a ka, i ni an bɔ pimbi ɔ, a na manɛ ɔ, i ni an bɔ Sitana boo ɔ, an ni ma Yataa 'a gbasaya kɔɔ. Chɛ ni a ma, Yataa ni a boo bɔ an 'na ko yama n dɔ, mbɛ an‑na an si tena ma sɔn, Yataa 'a mɔɛ n tɛ ɔ. Mɔɛ chɛ nu, Yataa ɛ a ma, miin mbe ma tenchen a ko a, koe min na mu, an‑na an kai fa n na.’

CHISƆSI 'A SƆ MƆƐ NU 5:3

Mbɛ Pita‑a a fɔ a ye, a ɔ, “Ananiyasi, fen‑na a ma i dɔn‑da Sitana kun‑da i yii ma, fania fɔ koe a Yataa Nyina ye? I 'a duu gboo sɔnkɔɛ gbɛɛ ma chɛ a, i‑a dɔ nun.

GBOO SAA KƆYINDI KO A 5:5

Wo an mɔ bonda ya, wo ni a be Sitana ma, a ni tɔɔya. Chɛ ɛ a ma‑a wan, mbɛ a wandi‑a bauncha ma sɔn, mmɔ 'a mansa Chisɔsi ɛ na‑a to tima min na.

GBOO SAA KƆYINDI KO A 7:5

Wo ma ban waa ma basan koe a, wo nyɔn na. Fɔ ni a ma‑a wo 'a dɔbɛnɛ an na, a ma koe a ka, tima kundu ɛnden ko a. Chɛ ni a ma, wo ni tima ya samun chɛ koe a. Chɛɛ chɛ gbakɔ wɛɛ, wo yɛ to wo gba ɔ, fuu ta chia a. Ni wo‑a chɛ ma, wo e na‑a bɔ‑a wan Sitana 'a dɔsimanɛ boo ɔ. Koe min na mu, wo ee na‑a kun‑da wo ni wo wandi kun ma fɛn.

GBOO FEAN BƆƐ KƆYINDI KO A 11:14

Chɛɛ tɛnɛ ko ma chɛ nɛnɛ a. Sitana wandi gbu wɛɛ, ɛ kun fan, a ni a wandi ma yɔ maeka, min mbe man taun Yataa 'a manɛ a.

GBOO FEAN BƆƐ KƆYINDI KO A 12:7

A sin to, Yataa nii ma to ni n kunɛ ni koa, yonka a, a si ko ɔ nunden chɛ n ma, miin dɔ yian‑da n na. Yataa‑a mɔnɛ ma koe si wan n na. An koe chɛ ma‑a wan Sitana 'a bosa a, n gbasi koe a, n kunɛ ma na koa n na.

GBOO FEAN BƆƐ KƆYINDI KO A 2:11

Chɛ ni a ma, Sitana ma na mmɔ bɔ yaa a. Koe min na mu, mmɔ‑a a ɔ sɔn fan a yiima ɛ buɛ min dɔ.

CHIMISI 4:7

Chɛ an‑na a fɔ, wo kooya be Yataa ma. Wo ma dɔn Sitana ni kun wo ma. Ni wo‑a chɛ ma, ɛ a bui‑a wan, a ni ka wo fɛ.

1 PITA 5:9

Wo sɔ chidi wo 'a danaya ɔ, Chasi a. Sitana ma kun wo ma. Koe min na mu, wo‑a a ɔ sɔn fan, mbɛ wo bɔɛ miin bɛɛ kai faen mu Chasi a dunya gbɛɛ ɔ, an mbe ko yawaen dɔndɔ gbe chɛ an dɔ bia tena.