MATIU 3:7 - Yataa 'a Dɔbɛnɛ Nama

⁷ Chɔn‑na a ɔ yen, mbɛ Chu mɔ kuun chɛ nu, an ni miin chee Fayisii nu, a basan chɛ n na, miin ni Sadusii a, an na‑a a tena. An dɔ, a ni yii chɛ an kunɛ ɔ, Yataa chia a. Chɛɛ a ɔ, “Wo yauaen ba chɛ nu, yɔ ka. Wo ee che wo nun‑da Yataa 'a mɔnɛ ma, min mbe wo ko a.

MATIU 3:7 ပူးပေါင်းရင်းမြစ်များ

MATIU 12:24

Chɛɛ Chu mɔɛ chɛ nu, miin mu Fayisii a, an‑na koe chɛ a min fan. Mbɛ an‑na a fɔ wan, an dɔ, “Nyina yama n 'na mansa chɛ, min tɔ mu Bɛɛsɛbu, an mbe ka gbasaya chɛ be tena a ma, nyina yama n gbain koe a mɔɛ n fɛ.”

MATIU 12:34

Wo yauaen ba chɛ nu yɔ ka. Bai chɛndɛ kan kɔ kan mbe ee che bɔ‑a wo da ɔ. A mu min na, mɔ gbu ɛ bai min sa, ɛ ka a faa ɔ wan.

MATIU 15:12

Mbɛ a fɛ denɛ n gbɛn‑da a ma, mbɛ an dɔ, “I‑a ɔ sɔn fan, mbɛ i‑a bai min fɔ ka, a don‑da wan Fayisii mɔɛ chɛ n ma kaka?”

MATIU 16:1

Tima ɛnden gbakɔ, Chu mɔɛ nu, miin ni Fayisii n na, an bɛ chɛ n na, miin ni Sadusii n na, an na‑a wan Chisɔsi tena. An toen ni an ni a bia a chen kɔ. Chɛ‑a a ma wan, an‑na a ɔ tisa, an dɔ, a ni kamaya koe ma an ye, min mbe a ɔ yian, mbɛ a 'a gbasaya kaen ni Yataa an tena.

MATIU 16:6

Mbɛ Chisɔsi ɔ an nu ma, “Yisinɛ min mbe mmɔ 'a mɔɛ chɛ n boo ɔ, miin mu Fayisii n na, an bɛ Sadusii n na, wo wo kun ma fɛn a boo ɔ.”

MATIU 22:15

Tima ɛnden gbakɔ, mbɛ Chu mɔɛ dɔ nu, miin ni Fayisii n na, an bɛn‑da wan, an kun puin koe a kaina dɔndɔ. An toen ni, an ni Chisɔsi ɔ chɛ tisa chɛ a a, mbɛ an‑na a bia.

MATIU 22:23

A tee dɔndɔ gbe chɛ a, Chu mɔɛ chɛ dɔ nu, miin ni Sadusii n na, an na‑a wan Chisɔsi tena. Sadusii chɛ n nii ma dan ni a a, mbɛ mɔ gbu ɛ a kɔɔ sɔ wan a ka saya ɔ. Mbɛ an‑na a fɔ a ye,

MATIU 22:34

Chisɔsi 'a tisa gbɛmbo buɛ‑a a ma wan, tisa ban‑da a ko a, Chu mɔɛ chɛ n da ɔ, miin ni Sadusii n na. Chu mɔɛ chɛ n bɛɛ, miin ni Fayisii n na, an‑na chɛ a min kɛn, a ma an to ni. Mbɛ an bɛɛ‑a an kun puin kaina dɔndɔɛ, mbɛ an na‑a a tena.

MATIU 23:33

Wo yauaen ba chɛ nu yɔ ka. Wo ee kun wo ni wo kunɛ bɔ Yataa 'a mɔnɛ kɔɔ min mbe wo ko a. Yataa ɛ wo a ta‑a wan ta ɔ.

MATIU 5:20

N mbe a fɔ tena wo ye, mbɛ wo ee don‑da Yataa 'a mansaya kɔɔ, mɔɔ ni wo‑a wo sɔɛ don Yataa faa ma koe ma koe a, a ben Chu n 'na sawa kan mɔɛ chɛ n ma, an bɛ Fayisii n na.”

MAKI 12:13

Mbɛ an‑na Fayisii dɔ n sɔ, an bɛ Mansa Ɛdɔdi fɛ mɔɛ dɔ n na, Chisɔsi tena. An toen ni, an ni a ɔ chɛ tisa chɛ a a, mbɛ an‑na a bia a chen kɔ, a da a bai ɔ.

MAKI 12:18

Mbɛ Chu mɔɛ dɔ nu, miin ni Sadusii n na, miin nii ma dan ni mɔɛ kɔɔ sɔ koe a a ka saya ɔ, an bɛɛ na‑a Chisɔsi tena. Mbɛ an‑na a ɔ tisa, an dɔ,

MAKI 8:15

Mbɛ Chisɔsi‑a an na si, a ɔ, “Yisinɛ min mbe Chu mɔɛ chɛ n boo ɔ, miin mu ka Fayisii n na, ni Mansa Ɛdɔdi 'a yisinɛ, wo wo kun ma fɛn a boo ɔ.”

DUKU 16:14

Chu mɔɛ chɛ nu, miin ni Fayisii n na, an‑na Chisɔsi da a bai chɛ n na min kɛn, an‑na an pɔsɛ a di wan a ma, a mu min na, an kɔpɔ koen ni kaka.

DUKU 18:11

“Fayisii chɛ ka‑a wan mɔɛ tɔɛ chɛ n baima, mbɛ a ta‑a a sɔ‑a a dɔndɔ gbe a, mbɛ a‑a a kuu sɔ samunɛ chɛ‑a. A ɔ, ‘Yataa, en wai, n ta n mbe ee ka yɔ mɔ dɔ gbɛɛ nu. N ta, n ma bɛnchɛ, n sin ma kafa tɔ a. A yɛ to, n mbe ee waa ma basan musu a, n ma miin fuu ni. Mɔɛ dɔ n mbe ka wan, chɛɛ n ta, n mbe ee ka. En wai, a mu min na, n mbe ee ka yɔ pawa kain mɔɛ chɛ wɛɛ pande sɔ ɔ.

DUKU 7:30

Chɛɛ Chu mɔɛ chɛ nu miin ni Fayisii n na, an bɛ Chu n n 'na sawa kan mɔɛ n na, an ban‑da bɔ koe a chia chɛ a, Yataa toen ni an ni bɔ min na. Koe min na mu, an ban‑da Chɔn ye yii chɛ koe a an kunɛ ɔ, Yataa chia a.

CHƆN 1:24

Chu mɔɛ chɛ dɔ nu, an na‑a miin sɔ, Fayisii n ni an na.

CHƆN 8:44

Sitana wandi gbu, an mu wo fa a. A sin, wo e bea tena koe chɛ n fan fɛ, wo fa toen mu miin na. Suun gba wɛ, mɔ fa mɔɛ mu a a, a sin tima ee a boo ɔ tea ko a. Koe min na mu, tea ma bɔ nin bɛ a da ɔ tee dɔndɔɛ wɛɛ. Ni a ma‑a fania fɔ‑a tima ɔ tima, ɛ ma ka dɔn‑da a tɔɛ gbu an ma. Koe min na mu, fania fɔ mɔ dechee ma a a, chɛɛ fania fa mu a a.

CHƆN 9:40

A ni chɛ fɔ tena tima min na, Fayisii chɛ n dɔ n ni wan nɔ. Mbɛ an dɔ, “I ɔ fen? Nn ma dan ni a a, mbɛ i toen mu i ni a fɔ, mbɛ nn bɛɛ, nn fionden fan mu.”

CHISƆSI 'A SƆ MƆƐ NU 15:5

Chɛɛ mɔɛ miin kai faen ni ka Chisɔsi a, Chu mɔɛ dɔ n ni wan an tɛ ɔ, miin ni dɔbɛn chɛ ɔ, an ni min chee, an dɔ, Fayisii dɔbɛnɛ. An‑na an kɔɔ sɔ wan, mbɛ an dɔ, “A nyin fan mmɔ ni an na kamincha. A sin to, mmɔ ni a din an ma, an ni a sɔ sawa chɛ n gbɛɛ fɛ, Yataa‑a miin be Mosisi ma.”

CHISƆSI 'A SƆ MƆƐ NU 20:31

Chɛ an fɛ mu, wo wo wandi kun ma fɛn, mɔ bonda chɛ n boo ɔ. Wo wo yii na chii, mbɛ su ɔ tee a, n ni wo a si wan. N‑na chɛ ma wan san sawa ko a, di a n ya a.

CHISƆSI 'A SƆ MƆƐ NU 26:5

Tima ɔ tima ko a, an‑na a ɔ sɔn fan, mbɛ a saa gbu a, n ni dɔbɛn chɛ an dɔ, min nii sai bɔ. An dɔbɛn chɛ, Yataa fai koe a, an ni min chee, an dɔ, Fayisii dɔbɛnɛ. Ni an mbe dɔn‑da wan, an mbe che wan siiya bɔ‑a chɛ ma.

CHISƆSI 'A SƆ MƆƐ NU 5:17

Mbɛ Chu n tɛ mɔ wa Yataa a, ni miin gbɛɛ ni a fɛ, miin ni Sadusii mɔɛ n na, an gbɛɛ too‑a wan yama yama Chisɔsi 'a sɔ mɔɛ chɛ n na. An gbɛɛ faa bɔ‑a wan.

GBOO DOMI KO A 1:18

Chɛɛ mɔɛ chɛ n gbɛɛ, miin mbe ko yama n ma, an fan mbe a ma, mɔɛ n mbe ee tea ɔ sɔn a si Yataa ma. A ka banda bu ɔ, ɛ a ɔ yian‑da wan a faa tɛen mu buɛ min dɔ.

GBOO DOMI KO A 5:9

A wii min sin bɔn‑da, an‑na mmɔ ya sanche gbɛ mɔ tandenɛ n na Yataa chen kɔɔ. Ni Chasi ɛ kun fan a ni chɛ ma mmɔ ko a, mmɔ ni dan a a, mbɛ ɛ mmɔ kun bɔ‑a wan Yataa 'a faatɛ ɔ.

Gboo Saa Tɛsadonika Ko A 1:10

A sin, a 'a denɛ na koe, a ka banda bu ɔ, wo e a ma kɔn tena wan. A 'a denɛ Chisɔsi, a‑a a ma min na a kɔɔ sɔ, a ka saya ɔ. A 'a den chɛ sin fan‑na mmɔ kun ka, Yataa ma na faatɛ a bɔ mmɔ ma ya ɔ ma.

GBOO IBU MƆƐ N KO A 11:7

Nowa na‑a a kai fa wan Yataa a, an na‑a a ma, a na‑a a too ma sɔ Yataa 'a dasi ma, a si koe n ma miin ni na tena ma‑a, a nii ma miin sima ɔ yen nin bɛ. A na‑a Yataa da a kuiɛ a min fan, mbɛ a‑a dɛndɛ nyan, min na‑a a baun, an bɛ a 'a mɔɛ n na. Yataa na‑a Nowa ya wan mɔ tandenɛ a, min mbe bɔ dechee a 'a kaifa ɔ Yataa a. An kaifa chɛ sin dɔ, Nowa na‑a koe min ma ka, a na‑a a yian fan, mbɛ dunya ma mɔɛ n yau kaka.

GBOO IBU MƆƐ N KO A 6:18

Chɛ ni a ma, mɔɛ n ni a ɔ yen, chia fea a, miin mbe ee mun, Yataa ɛ koe min ma. Yataa‑a a ɔ yian fan, mbɛ ko ee nɔ, min mbe a ma, a ni a da a kuiɛ yɔn. Chɛ ɛ a ma‑a wan, mmɔ wɛn na‑a bui‑a Chasi tena, mmɔ kun ma fɛn koe a, tooɔdia min mbe mmɔ ko a, mmɔ bu ɔ diama ɛ ma‑a wan, a bia koe a fɔin.

1 CHƆN 3:10

Yataa 'a denɛ nu, ni Sitana 'a denɛ nu, mmɔ ɛ na tena an tɛ bɔɛ sɔn‑da ka wan. Mɔɛ min mbe ee tan‑da, Yataa 'a den ma a mɔɛ chɛ a, n mbe ee baa mɔɛ chɛ ma, min ma to ni a suun ma nyɔɛ a.