MATIU 3:5 - Yataa 'a Dɔbɛnɛ Nama

⁵ Mɔɛ n na‑a wan a tena, a ka Chuusaɛn duu ɔ, ni Chudia chɛnyɛ tɔɛ n dɔ, a basan Chɔdan yii 'a sanɛ a.

MATIU 3:5 ပူးပေါင်းရင်းမြစ်များ

MATIU 2:1

Chisɔsi na‑a suun gbɛ Bɛtɛɛn duu ɔ wan, Chudia chɛnyɛ ɔ. Mansa Ɛdɔdi 'a tima kɔɔ ni. A tima chɛ a, a yen ko, yiimatɛ tɔɛ n na‑a Chuusaɛn duu ɔ, a ka tee bɔ, chɛnyɛ ɔ yansama ɔ.

MATIU 4:25

Fanka fanka bea‑a wan a fɛ, a ka Kadidi chɛnyɛ ɔ, a ka Duu Tan dɔ chɛnyɛ ɔ, a ka Chuusaɛn duu ɔ, a basan Chudia chɛnyɛ tɔɛ gbɛɛ a. Mbɛ dɔ n ka‑a tanda chɛ ɔ, Chɔdan yii gbaa chia.

MAKI 1:5

A sin, mɔɛ n gbɛɛ ni ka wan Chuusaɛn duu ɔ, an mbe ka duu tɔɛ n dɔ, Chudia chɛnyɛ ɔ. An ni na wan, mbɛ an‑na Chɔn tan. An ni dɔn fan ko yama n ma, an na‑a miin ma. Chɔn ni yii chɛ wan an kunɛ ɔ, Yataa chia a, Chɔdan yii ɔ.

DUKU 16:16

“Yataa‑a sawa miin be Mosisi ma, a basan da a bai chɛ n na, Yataa 'a gbonka chɛ mɔɛ chɛ n‑na miin nyɛn, an ni wan nɔ gbau gbau a. Mɔɛ n ni wan an kɔɔ aan Chɔn na‑a tima min na, min ni yii chɛ mɔɛ n kunɛ ɔ, Yataa chia a. A ka gbɛ a tima chɛ ma, sakana bai chɛndɛ a si Yataa 'a mansaya ma, an mbe gbɛ fɔ tena mɔɛ n ye, mbɛ a sin, mɔ ɔ mɔ ɛ gbɛ butuinɛ an chɛ tena don koe a an mansaya chɛ kɔɔ.

DUKU 3:3

Yataa koɔ‑a kɛn Chɔn tena, a ta‑a wan tanda n dɔ, Chɔdan yii a sanɛ gbɛɛ. Ɛ ta‑a Yataa 'a sakana bai ɔ yian‑da mɔɛ n na, a ɔ, mɔɛ n ni an kan kɔ sɔ an 'na ko yama a. A ɔ, mbɛ a‑a yii chɛ an kunɛ ɔ, Yataa chia a, a ɔ, min mbe a ma, Yataa ni a boo bɔ an 'na ko yama ɔ.

DUKU 3:7

Chɔn ni kɛn Chɔdan yii da a, mɔ fanka fanka ni na wan a tena, yii chɛ koe a an kunɛ ɔ, Yataa chia a. Mbɛ a ni a fɔ wan an ye, a ɔ, “Wo yauaen ba chɛ nu, yɔ ka. Wo ee che wo nun‑da Yataa 'a mɔnɛ ma, min mbe wo ko a.

CHƆN 3:23

A tima dɔndɔ gbe chɛ kɔɔ, Chɔn bɛɛ, a ni Ainon duu ɔ wan. Ainon chɛ, yii ni nɔ kaka, chɛ an fɛ ni, Chɔn na‑a nɔ, ɛ yii chɛ‑a mɔɛ n kunɛ ɔ, Yataa chia a, miin ni na an mbe a tan. A sin, Ainon chɛ tɛ ɔ nii ma yansan Sadin duu ɔ a.

CHƆN 5:35

Chɔn na‑a bai min sa, min ni yɔ manɛ wo tena, a na‑a a ma wan, wo bu ɔ dia‑a. Tima dɔ ko a, wo ma bɛnden fan ni a 'a bai a min koe a, min ni yɔ manɛ, a sin na‑a wo bu ɔ dia wan.