MATIU 3:2 - Yataa 'a Dɔbɛnɛ Nama

² A ɔ, “Wo wo kan kɔ sɔ wo 'a ko yama n na, wo ni wo ya a mun Yataa ma. A mu min na, Yataa 'a mansaya ɔ yian tima, ɛ gbɛ mmɔ ma chenɛ da a wan.”

MATIU 3:2 ပူးပေါင်းရင်းမြစ်များ

MATIU 10:7

Wo ta Chu mɔɛ n fan tena, mbɛ wo‑a a fɔ an ye, mbɛ Yataa‑a a kuu sɔ a 'a mansa wai chɛ‑a dunya ɔ.

MATIU 11:20

Chisɔsi na‑a kamaya koe n ma wan duu sawa n dɔ. Chɛɛ mɔɛ chɛ nu an duu chɛ n dɔ, an nii ma an kan kɔ sɔ ni an 'na ko yama n na. Chɛ‑a Chisɔsi faa yɔn fan, min‑na a ma, a‑a a fɔ an ye, a ɔ,

MATIU 12:41

A sin tee min na Yataa ɛ ma‑a dunya gbɛmbo‑a, Ninifɛ mɔɛ n bɛɛ mbe an kɔɔ sɔ‑a wan a ka saya ɔ, an bɛ wo mɔ bonda chɛ sima n na. Mbɛ an‑na wo yɛi siiya bɔ Yataa tena. A mu min na, an‑na an kan kɔ sɔ wan an 'na ko yama n na, kɛn Chona‑a Yataa bai sa an tena. Mɔɛ yen ko wo tɛ gbɛ, min benden mu Chona ma, chɛɛ wo bandenɛ ɛ wo boo bɔ koe a wo 'a ko yama n dɔ.

MATIU 13:11

Mbɛ Chisɔsi ɔ, “Mɔɛ gbɛɛ nii ma min dɔ sɔn tee a si Yataa 'a mansaya ma, a‑a an dɔ yian wo a. Chɛɛ a nunden fan mu mɔɛ tɔɛ n ma sanche wɛɛ.

MATIU 13:24

Mbɛ Chisɔsi‑a tai dɔ mende tɛ to an tena, a ɔ, “Yataa 'a mansaya maen fan mu yɔ min ma‑a tai chɛ ɔ. Kamin dɔndɔ na‑a sɛnɛ sa wan, mbɛ a‑a chin fen suu chɛndɛ fɛn a ma.

MATIU 13:31

Chisɔsi‑a tai dɔ mende tɛ wan to an tena, a ɔ, “Yataa 'a mansaya maen fan mu yɔ min ma‑a tai chɛ ɔ. Kamin dɔndɔ na‑a chin fen kuu dɔɔma ɛndenɛ ya wan, mbɛ a‑a a chin a 'a yadi ɔ.

MATIU 13:33

Chisɔsi‑a tai chɛ wɛɛ tɛ wan to an tena, a ɔ, “Yataa 'a mansaya maen fan mu yɔ min ma‑a tai chɛ ɔ. Musu dɔndɔ‑a yisin denɛ ya wan, mbɛ a‑a a chɛ feawa funku wa ɔ, konko pani ɔ biidi nyan koe a. Yisin chɛ kun‑da wan feawa funku chɛ gbɛɛ ɔ, mbɛ feawa chɛ sɛ‑a.”

MATIU 13:47

Chisɔsi ɔ te to, “Yataa 'a mansaya maen fan mu to yɔ min ma‑a tai chɛ ɔ. Nyɛ gbain yaa, ɛ nyɛ n kondo wan yii wa ɔ, mbɛ a na‑a an na tindi ma. Nyɛ kan kɔ kan mbe ma wan a ɔ.

MATIU 13:52

Mbɛ a ɔ, “Chɛ ma yau. Koe min na mu, ni mɔ ɔ mɔ‑a Yataa 'a sawa sɔn, ni mɔ ɔ mɔ‑a n 'na kanɛ sɔn, a si Yataa 'a mansaya ma, ɛ wan yɔ chen ti. Ni a boo fenɛ ma gbɔsɔɛ‑a a bia, ɛ a bɔ wan a ka a sa tena ɔ bɛn tena, a boo fenɛ kɔma basan a nama a.”

MATIU 18:23

A mu min na, Yataa 'a mansaya maen fan mu yɔ min ma‑a tai chɛ ɔ. Mansa dɔndɔ toen ni a ni a ɔ sɔn, ni a 'a kuiɛ min nyɔn sima ni a 'a wai chɛ mɔ kan kɔ kan ma.

MATIU 20:1

Chisɔsi ɔ, “N‑na chɛ fɔ koe min na, Yataa 'a mansaya maen fan mu yɔ min ma‑a tai chɛ ɔ. Kamin dɔndɔ ni wan nɔ, yadi ni min boo ɔ. Mbɛ tee dɔndɔ a, a‑a a kɔɔ sɔ sau sau ma, mbɛ a ta‑a wan wai chɛ mɔ yan tena. A toen ni mɔɛ n fan na, miin mbe wai chɛ a 'a yadi chɛ ɔ, ɛ miin pawa tee ma.

MATIU 22:2

“Yataa 'a mansaya maen fan mu yɔ min ma‑a tai chɛ ɔ. Mansa dɔndɔ ni wan nɔ, min 'na denɛ ni musu si tena. Mansa chɛ na‑a mɔ sɛsɛ chee wan, na koe a bɛn‑da an musu si chɛ ɔ. A sin‑na daun fen ba ɔ bɛn ka wan an ko a.

MATIU 23:13

Mbɛ Chisɔsi‑a a fɔ, a ɔ, “Wo wan sawa kan mɔɛ chɛ nu, wo wan Fayisii nu, koe min mbe wo tan‑da, a yau gba wo ko a. Nɛnɛn fea ti mu wo a. Koe min na mu, wo ban‑da don koe a Yataa 'a mansaya kɔɔ, mbɛ wo‑a chia tɛ wo bɔ n bɛɛ ya ɔ don koe a nɔ.

MATIU 25:1

Chisɔsi ɔ, “Yataa 'a mansaya ɔ yian tima, ɛ ma‑a ka wan, yɔ koe min ma‑a sunkun tɔngbɔ tanɛ n na. Yɛɛ dɔndɔ ma, an‑na dambo ya wan, ta koe a mɔ kaima chɛ tan‑da, min ni na tena musu si tena.

MATIU 25:14

Chisɔsi ɔ te to, “Tima min na Yataa ɛ ma‑a a 'a mansaya ɔ yian‑da, ɛ ma‑a ka wan, yɔ min ma‑a tai chɛ ɔ. Kun ti dɔndɔ ni wan nɔ, min toen ni a ni ta tachɛ ɔ yansama ɔ. Mbɛ a‑a a 'a sɛn dɔ kamin sawa an chee, a ɔ, an ni to a boo fenɛ gbɛɛ kun ma.

MATIU 4:17

A ka gbɛ a tima chɛ ma, Chisɔsi‑a a kuu sɔ wan Yataa 'a bai sa‑a. A ɔ, “Wo wo kan kɔ sɔ wo 'a ko yama n na, wo ni wo ya a mun Yataa ma. A mu min na, Yataa 'a mansaya ɔ yian tima, ɛ gbɛ mmɔ ma chenɛ da a wan.”

MATIU 4:23

Chisɔsi ben ben‑da wan Kadidi chɛnyɛ gbɛɛ ɔ, ɛ ta‑a mɔɛ n kan‑da Chu mɔɛ n 'na samun chɛ chenɛ n na. A ni sakana bai chɛndɛ chɛ ɔ yian fan to mɔɛ n na, a si Yataa 'a mansaya ma, mbɛ a‑a mɔɛ n baun an 'na gbandi kan kɔ kan dɔ, miin ni an ma.

MATIU 5:10

“Mɔɛ miin mbe ko yawaenɛ ɔ yen‑da, Yataa faa ma koe ma koe a, an duaen mu. Yataa an mbe ma‑a an 'na mansa a.

MATIU 5:3

“Mɔɛ miin‑na a ɔ sɔn chia ee nɔ, mɔɔ ni Yataa basan‑da an ma, an duaen mu. Yataa an mbe ma‑a an 'na mansa a.

MATIU 6:10

A ɔ ma yansan to, i ni ma mansa a dunya chɛ gbɛɛ kun ma. I faa ma koe, mɔ ɔ mɔ ni a ma dunya chɛ ɔ, yɔ ɛ buɛ min dɔ banda bu ɔ.

MATIU 6:33

Chɛɛ wo e min ma, wo a ma wo ma gbɔsɔɛ a don koe a Yataa 'a mansaya kɔɔ, wo ni a faa ma koe ma. Ni wo‑a chɛ ma, ɛ to‑a wan nɔ, a ni fen chɛ n gbɛɛ be wo ma, miin ma gbɔsɔɛ ɛ wo ma.

MAKI 1:15

A‑a a fɔ, a ɔ, “Tima gbu che‑a gbɛ. Ɛnden fan to‑a gbɛ, Yataa ni a 'a mansaya ɔ yian. Wo wo kan kɔ sɔ, wo 'a ko yama n na, wo ni dan sakana bai chɛndɛ chɛ a.”

MAKI 1:4

Chɛ ko a, mɔɛ na‑a wan fuinɛ ma, min tɔ ni Chɔn. A bun‑da yii chɛ‑a mɔɛ n kunɛ ɔ, Yataa chia a. A ni yɛ wan to, a ɛ Yataa bai ɔ yian mɔɛ n na. A ɔ, an ni an kan kɔ sɔ an 'na ko yama n na, a ɔ, mbɛ a‑a yii chɛ an kunɛ ɔ, Yataa ni a boo bɔ an 'na ko yama n dɔ.

MAKI 6:12

Mbɛ an gbɛɛ ta‑a, an‑na Yataa bai sa, an dɔ, an ni an kan kɔ sɔ an 'na ko yama n na.

DUKU 1:16

Ɛ a ma‑a wan Isɔɛɛ mɔɛ sɛsɛ n ni yɛ an 'na Mansa Yataa chen kɔɔ.

DUKU 11:20

N mbe ee nyina yama n gbain tena mɔɛ n fɛ Bɛɛsɛbu 'a gbasaya ɔ. Chɛɛ n mbe an gbain tena Yataa 'a gbasaya an dɔ. Chɛ‑a a ɔ yian fan, mbɛ Yataa 'a mansaya ɛ gbɛ wo tɛ ɔ.”

DUKU 13:3

N ni a ma din wo tena, a ee ka wan ɛnden bɛɛ a. A sin, ni wo ma wo kan kɔ sɔ ni wo 'a ko yama n na, wo wɛɛ, wo gbɛɛ ɛ kasaa‑a wan.

DUKU 13:5

N ni a ma din wo tena, mbɛ a ee ka ɛnden bɛɛ a. Ni wo sin ma wo kan kɔ sɔ ni wo 'a ko yama n na, wo wɛɛ gbɛɛ ɛ kasaa‑a wan.”

DUKU 15:10

A chia dɔndɔ gbe chɛ a, n ni a ma din wo tena, mbɛ ni mɔ dɔndɔ gbe, min mbe ee sɔ ɔ Yataa 'a chia ma, ni a‑a a kan kɔ sɔ a 'a ko yama an na, maeka n bɛɛ bu ɔ dia‑a ka wan.”

DUKU 15:7

A chia dɔndɔ gbe chɛ a, n ni a ma din wo tena, mbɛ ni mɔ dɔndɔ gbe, min mbe ee sɔ ɔ Yataa 'a chia ma, ni a‑a a kan kɔ sɔ a 'a ko yama an na, buɔdia chenama ɛ ma‑a wan banda bu ɔ. An buɔdia chɛ sin gbu benden mu buɔdia chɛ ma, min sien mu mɔ bi kɔnɔntɔ kun ma kɔnɔntɔɛ chɛ n ma, miin‑na an yii na chii an fandi a, mbɛ mɔ tandenɛ mu an na. Mbɛ an sin kan kɔ sɔ ee to an ma.”

DUKU 16:30

Mbɛ nyan tɔɛ chɛ ɔ, ‘Fa Ebeami, chɛ ee kun a ni a ma, an ni an too ma sɔ. Chɛɛ ni mɔɛ ɛ kun fan a ni a kɔɔ sɔ a ka saya ɔ, a ni ta an tena, a tima a mu, an mbe an kan kɔ sɔ‑a an 'na ko yama n na.’

DUKU 21:31

A chia dɔndɔ gbe chɛ a mu, ni wo‑a koe chɛ n yen ma‑a, wo ni a ɔ sɔn, mbɛ tima ɔ ma yansan to, Yataa ni a 'a mansaya ɔ yian.

DUKU 24:47

Yataa 'a gboo‑a a fɔ wan to, mbɛ a 'a sakana bai chɛ ɛ che‑a wan mɔɛ n ma dunya chɛ gbɛɛ ɔ n tɔɛ ɔ. Mbɛ mɔɛ n ni an kan kɔ sɔ an 'na ko yama n na, min mbe a ma, Yataa ni a boo bɔ an 'na ko yama n dɔ. A ɔ, an ni sakana bai chɛ ɔ yian Chuusaɛn duu pɛn dɔ.

DUKU 6:20

Mbɛ Chisɔsi‑a a ya a mun a fɛ denɛ n ma, a ɔ, “Wo duaen mu, wo wɛn yɔnden mu. A mu min na, Yataa ma‑a wo 'a mansa a.

DUKU 9:2

Mbɛ a‑a an sɔ Yataa 'a mansaya ɔ yian koe a kan kɔ kan mɔɛ n na, a basan gbandi mɔɛ n baun koe a.

CHISƆSI 'A SƆ MƆƐ NU 11:18

An‑na bai chɛ a min kɛn, an sɛmbɛ‑a wan a ma nyin koe a. Mbɛ an‑na Yataa tando, an dɔ te, “Mbɛ Yataa deman‑da mɔɛ chɛ n bɛɛ ma, miin ma Chu mɔ a. A‑a chia sa wan an bɛɛ ye, an ni an kan kɔ sɔ an 'na ko yama a, mbɛ an‑na kuɔ fɔ fɔɛ ma sɔn.”

CHISƆSI 'A SƆ MƆƐ NU 17:30

Tima min na ni wo nii ma a ɔ sɔn, wo ni koe miin ma tena, Yataa‑a a ya ka a nɛnɛ a. Chɛɛ sanche gbɛ, ɛ a fɔ tena mɔ ɔ mɔ ye, dunya gbɛɛ ɔ, mbɛ an ni an kan kɔ sɔ an 'na ko yama n na.

CHISƆSI 'A SƆ MƆƐ NU 2:38

Mbɛ Pita ɔ, “Wo gbɛɛ wo wo kan kɔ sɔ wo 'a ko yama n na, mbɛ nn‑na yii chɛ wo kunɛ ɔ, Chisɔsi Chasi tɔɛ ɔ, min mbe a ma, Yataa ni a boo bɔ wo 'a ko yama n dɔ. Ni wo‑a chɛ ma, Yataa ɛ a ma‑a wan, a Nyina ni bea wo fɛ.

CHISƆSI 'A SƆ MƆƐ NU 20:21

N‑na dasi gbau gbau be wan Chu mɔɛ n ma, ni miin bɛɛ ma Chu mɔ a, a si an kan kɔ sɔ koe a, an 'na ko yama n na, an ni an ya a mun Yataa ma. A yɛ to, a si an kai fa koe ma mmɔ 'a mansa Chisɔsi a.

CHISƆSI 'A SƆ MƆƐ NU 26:20

N‑na a ɔ yian Damasikɔsi pɛn, mbɛ n‑na a ɔ yian Chuusaɛn duu ɔ wɛɛ. A yɛ to, n‑na a ɔ yian Chudia chɛnyɛ gbɛɛ ɔ, ni mɔɛ chɛ n tena, miin nii ma Chu mɔɛ n na. N‑na a ɔ yian fan an gbɛɛ a, mbɛ an ni an kan kɔ sɔ an 'na ko yama n na, an ni an ya a mun Yataa ma. A sin, an ni koe n ma, yɔ mɔɛ nu, miin‑na an kan kɔ sɔ an 'na ko yama n na.

CHISƆSI 'A SƆ MƆƐ NU 3:19

Chɛ an fɛ mu, wo wo kan kɔ sɔ wo 'a ko yama n na, mbɛ wo‑a wo ya a mun Yataa ma, min mbe a ma, a ni a boo bɔ wo 'a ko yama n dɔ.

GBOO FEAN BƆƐ KƆYINDI KO A 7:10

Koe min na mu, faayɔnɛ min mu Yataa 'a dɔbɛnɛ a, ɛ a ma wan mmɔ ni mmɔ kan kɔ sɔ ko yama ma a, a ni na bauncha a. A sin, n ni ma‑a a ɔ sɔn‑da ee a ɔ. Chɛɛ faayɔnɛ min mbe bɔ mɔgbuya ta chia a, ɛ na kuɔ fɔ saya an na.

Gboo Kɔdɔsai Ko A 1:13

A‑a mmɔ bɔ wan ko yama pimbi 'a gbasaya boo ɔ, mbɛ a‑a mmɔ don a faa ma denɛ 'a mansaya kɔɔ yɛdɛn.

2 TIMOTI 2:25

A mu mɔɛ an na, min mbe tima ya, a chɛɛ ma nyɔɛ n gba yama yian koe a an na, a faa chimaenɛ ɔ. Koe min na mu, kɔkɔɛ Yataa ɛ a ma‑a wan, an ni an kan kɔ sɔ an 'na ko yama a, mbɛ an‑na an ya a mun tea ma.

GBOO IBU MƆƐ N KO A 6:1

Chɛ an fɛ mu, mmɔ koe chɛ n to, Chasi ni mmɔ kan miin na, yɔ den mɛsɛ nu. Mmɔ a kuu sɔ gbɛ mmɔ yii na chii‑a yɔ mɔɛ miin yii kɔɔen mu. Mmɔ sɛmbɛ mmɔ gba ɔ tɛn tɛn koe a, ko mɛsɛ chɛ n kan koe a, a si Chisɔsi ma. Koe chɛ nu, miin mbe a ma, an ni an mun, an ni sɛmbɛ ko yama chɛ n ma‑a, miin mbe a ma, an ni saya ma sɔn. Mmɔ yɛ to, mmɔ ni a ɔ yen, an ni an kai fa Yataa a.

2 PITA 3:9

Ɛ mɔɛ dɔ n yii ma, mbɛ Mansa Yataa a nɛnchɛnden fan mu, a da a kuiɛ bɔ koe a a. Chɛɛ ɛ a faa bia wan dechee wo a, tima be koe a wo ma, wo ni wo kan kɔ sɔ wo 'a ko yama n na. Koe min na mu, a ma to ni wo dɔndɔ wɛɛ ni kasaa ma sɔn.

KO Ɔ NUNDENƐ 2:21

N‑na tima be a ma, a kan kɔ sɔ koe a, a 'a ko yama n na, chɛɛ a ma to ni a ni a boo bɔ ko tɛ chɛ ɔ.

KO Ɔ NUNDENƐ 2:5

Wo wo yii na chii, wo ni buɛ min dɔ a kɔma a, mbɛ wo‑a wo kan kɔ sɔ wo 'a ko yama n na, wo ni yɛ wo chɛ chɛ wai kɔma n dɔ. Ni chɛ ma, n mbe na‑a wan, mbɛ n‑na wo 'a dambo si fen chɛ ka a sɔ gba ɔ, n‑na a ya, wo tɔɔ koe a.