MATIU 3:11 - Yataa 'a Dɔbɛnɛ Nama

¹¹ N fan, n mbe yii an chɛ wo kunɛ ɔ, min mbe a ɔ yian, mbɛ wo‑a wo kan kɔ sɔ wo 'a ko yama n na. Chɛɛ mɔ dɔndɔ ɛ na tena n gbaa, a benden mu n ma kaka. N gbu sin mbe ee che a 'a kɔɔwa wɛɛ bia koe a. A tana, ɛ Yataa Nyina a na‑a wan ma koe a wo fɛ, wo wɛn mbe wo kan kɔ sɔ‑a wo 'a ko yama n na. Chɛɛ wo wɛn mbe ee wo kan kɔ sɔ‑a wo 'a ko yama n na, ɛ wo a ta‑a wan ta ɔ.

MATIU 3:11 ပူးပေါင်းရင်းမြစ်များ

MATIU 3:6

An dɔn‑da an 'na ko yama n ma, fanka ɔ den. Mbɛ Chɔn‑na yii chɛ an kunɛ ɔ, Yataa chia a, Chɔdan yii ɔ.

MAKI 1:4

Chɛ ko a, mɔɛ na‑a wan fuinɛ ma, min tɔ ni Chɔn. A bun‑da yii chɛ‑a mɔɛ n kunɛ ɔ, Yataa chia a. A ni yɛ wan to, a ɛ Yataa bai ɔ yian mɔɛ n na. A ɔ, an ni an kan kɔ sɔ an 'na ko yama n na, a ɔ, mbɛ a‑a yii chɛ an kunɛ ɔ, Yataa ni a boo bɔ an 'na ko yama n dɔ.

DUKU 1:17

Yataa Nyina ɛ gbasaya be‑a wan a ma, yɔ a‑a a be buɛ min dɔ Idaicha ma, min ni a 'a gbonka chɛ mɔɛ a suun. Ɛ na‑a wan Mansa Yataa ya ɔ, mɔ sɛsɛ n sɔ koe a chia ma. Ɛ a ma‑a wan, denɛ n ni na kuiɛ a kanɛ ɔ, an bɛ an fa n na. Ɛ a ma‑a wan to, tooɔgbɛa tɔɛ n bɛɛ ni bea tea fɛ, yɔ mɔ tandenɛ nu.”

DUKU 3:16

Mbɛ Chɔn‑na a fɔ an gbɛɛ ye, a ɔ, “N fan, n mbe yii an chɛ wo kunɛ ɔ, chɛɛ mɔ dɔndɔ ɛ na tena n gbaa, a benden mu n ma kaka. N gbu sin mbe ee che a 'a kɔɔwa yuu wɛɛ fuin koe a. A tana, ɛ Yataa Nyina a na‑a wan ma koe a wo fɛ, wo wɛn mbe wo kan kɔ sɔ‑a wo 'a ko yama n na. Chɛɛ wo wɛn mbe ee wo kan kɔ sɔ‑a wo 'a ko yama n na, ɛ wo a ta‑a wan ta ɔ.

DUKU 3:3

Yataa koɔ‑a kɛn Chɔn tena, a ta‑a wan tanda n dɔ, Chɔdan yii a sanɛ gbɛɛ. Ɛ ta‑a Yataa 'a sakana bai ɔ yian‑da mɔɛ n na, a ɔ, mɔɛ n ni an kan kɔ sɔ an 'na ko yama a. A ɔ, mbɛ a‑a yii chɛ an kunɛ ɔ, Yataa chia a, a ɔ, min mbe a ma, Yataa ni a boo bɔ an 'na ko yama ɔ.

CHƆN 1:15

Chɔn na‑a bai sa wan gbankon, a si a ma, a ɔ, “Mɔɛ chɛ mu, n‑na min na koe fɔ wo ye, n dɔ, ‘Mɔɛ min mbe na tena, n gbaa chia a, a gbasayaen mu a ni ben n ma.’ N dɔ, ‘Koe min na mu, a ni wan fɔɛ ɔ, n nii ma suun nin bɛ tima min na.’ ”

CHƆN 1:30

Mɔɛ chɛ mu, n‑na min na koe fɔ wo ye, n dɔ, ‘Mɔɛ min mbe na tena, n gbaa chia a, a gbasayaen mu a ni ben n ma.’ N dɔ, ‘Koe min na mu, a ni wan fɔɛ ɔ, n nii ma suun nin bɛ tima min na.’

CHISƆSI 'A SƆ MƆƐ NU 1:5

mbɛ Chɔn ni yii an chɛ wo kunɛ ɔ, Yataa chia a. Chɛɛ tee kuunden tɛ ɔ, Yataa ɛ a ma‑a wan, a Nyina ni bea wo fɛ.”

CHISƆSI 'A SƆ MƆƐ NU 19:4

Mbɛ Pɔɔ ɔ, “Chɔn ni yii min chɛ mɔɛ n kunɛ ɔ, Yataa chia a, a sien ni mɔɛ n kan kɔ sɔɛ koe an na, an 'na ko yama n na. A ni a fɔ wan to mɔɛ n ye, mbɛ an ni an kai fa mɔɛ chɛ a, min mbe na tena a gbaa chia a. A wan Chɔn chɛ sin, a ni ka bai sa‑a a si Chisɔsi an ma.”

CHISƆSI 'A SƆ MƆƐ NU 8:36

Mbɛ an mbe kɛn ta‑a chia chɛ a, an che‑a wan kaina, yii ni kaina min. Mbɛ Itiopia mɔ chenama chɛ‑a a fɔ Fiipi ye, a ɔ, “Yii yen ko nɛ. Ko ɔ ko ɛ wan nɔ, min mbe i ka‑a to yii chɛ‑a n kunɛ ɔ, Yataa chia a?”

CHISƆSI 'A SƆ MƆƐ NU 8:38

Mbɛ kamin chɛ‑a a fɔ, a ɔ, soo chɛ ni sɔ, mbɛ a sɔ‑a. Mbɛ an fea Fiipi a, an puin‑da, an yii‑a yii chɛ ɔ. Mbɛ Fiipi‑a yii chɛ mɔ chenama chɛ kunɛ ɔ, Yataa chia a.

GBOO SAA KƆYINDI KO A 12:13

A chia dɔndɔ gbe chɛ a, mmɔ wan mɔ gbu gbɛɛ, mmɔ ɛ ka wan. Mmɔ ni ma Chu mɔ a, chɛ ma, mɔɛ nu miin ma Chu mɔ a, mmɔ ni ma yɔn fan na, mmɔ ma ma yɔn na. Yii min chɛ‑a mmɔ kunɛ ɔ, Yataa chia a, a Nyina‑a mmɔ ma mɔ dɔndɔɛ a, gboo dɔndɔɛ sɛ‑a mmɔ ma. A sin, Yataa‑a an Nyina dɔndɔ gbe chɛ a na, ma koe a mmɔ fɛ.

Gboo Ɛfisɔsi Ko A 3:8

N fan, n fɛn ma wɛɛ ka mɔ a tenden na, Yataa 'a mɔɛ n gbɛɛ tɛ ɔ, chɛ gbɛɛ ɔ, a‑a koadia deman chɛ chɛ n fan na. A ɔ, Chisɔsi na‑a ko chɛndɛ miin ma, n ni a ɔ yian chɛ n na, miin ma Chu mɔ a. An ko chɛndɛ chɛ nu, koe n fan nɛ, miin nyin a danka ee.

TAITƆSI 3:5

A‑a mmɔ baun. Chɛ ma bɔ ni mmɔ sɔn chɛndɛ an dɔ, mmɔ 'a teaya ɔ ma. Chɛɛ a 'a chinchimaya ko a, a‑a mmɔ 'a ko yama n ko, a‑a fɔɛ nama be mmɔ ma, a Nyina 'a gbasaya ɔ.

1 PITA 5:5

Wo wan mɔ tɔngbɔɛ n nan sin, a chia dɔndɔ gbe chɛ a, a nyin wo ni kooya be chenanɛ n ma. Wo ma dɔpandaya bɔ, wo e ma wai chɛ‑a wo nyɔn ye. Koe min na mu, Yataa 'a gboo‑a a fɔ wan, a ɔ, “Yataa ma to ni dɔpanda tɔɛ n na, chɛɛ ɛ koadia demanɛ chɛ‑a wan chɛ n na, miin dɔ ma panda ni.”