MATIU 3:10 - Yataa 'a Dɔbɛnɛ Nama

¹⁰ Ni kɔnɛ ma gbɔ chɛndɛ be ni, mɔɛ ɛ a tɛ wan a suu ma, mbɛ a‑a a minda. Wo gbɛɛ wo maen fan mu yɔ kɔnɛ nu. Yataa 'a yende a saen fan mu wo dɔ n tɛ koe a wo suu ma, wo wɛn mbe ee ko chɛndɛ ma‑a.

MATIU 3:10 ပူးပေါင်းရင်းမြစ်များ

MATIU 21:19

Mbɛ a‑a gbɔ kɔn dɔndɔ yen, min tɔ ni fiki, ɛ sɔ ɔ chia fɛ. Mbɛ a ta‑a kɔn chɛ tena, chɛɛ a nii ma a gbɔ kan kɔ kan tan ni a a, mɔɔ a yamba min na gbiien ni. Chɛ fɛ, a‑a a fɔ wan kɔn chɛ ma, a ɔ, “Mɔ ɔ mɔ ee i gbɔɛ daun‑da to kuɔ fɔ.” Mbɛ kɔnɛ gbu gbaa‑a a ya kɔɔɛ a.

MATIU 7:19

A chia dɔndɔ gbe chɛ a, an gbonka chɛ mɔɛ chɛ n mbe miin ma‑a, an fan mbe a ɔ yian‑da wo a, an mbe buɛ min dɔ. Chɛ an‑na a fɔ, kɔn kan kɔ kan, min ma gbɔ chɛndɛ be ni, a ɛ tɛ‑a wan, mbɛ a a dɛ‑a ta ɔ.”

DUKU 23:31

A mu min na, ni an mbe kun fan an ni n tɔɔya buɛ chɛ ɔ, n fɛn ma ko yama kan kɔ kan ma ni, wo sin gbɛ, wo wɛn yau ka, an mbe ma‑a ka ma wo a?”

DUKU 3:9

Ni kɔnɛ ma gbɔ chɛndɛ be ni, mɔɛ ɛ a tɛ wan a suu ma, mbɛ a‑a a minda. Wo gbɛɛ wo maen fan mu yɔ kɔnɛ nu. Yataa 'a yende a saen fan mu wo dɔ n tɛ koe a wo suu ma, wo wɛn mbe ee ko chɛndɛ ma‑a.”

CHƆN 15:2

N bonɛ kan kɔ kan, min mbe ee gbɔ chɛndɛ be, ɛ a ka wan a ma. N bonɛ min sin mbe ee gbɔ a tenden be, ɛ a tɛ‑a wan a a, min mbe a ma, a ni nyan chɛndɛ, mbɛ a gbɔ‑a wɔsɔkɔɔ.

CHƆN 15:6

Nn fea mɔɛ min na, nn mbe ee mɔ dɔndɔya ɔ, a mɔɛ chɛ ɛ ma‑a wan yɔ kɔnɛ bonɛ, ɛ tɛ‑a wan a a, mbɛ a gbaa‑a. Kɔn bonɛ gbaaenɛ bonda chɛ nu, mɔɛ n mbe an na sɔn‑da wan, an ni sa ta a, minda koe a sɔɛ a.

GBOO IBU MƆƐ N KO A 12:25

Wo a ma wo ma gbɔsɔɛ a, wo too ma sɔ koe a Yataa ma, ni a ma‑a koɔ‑a. Mɔɛ miin na‑a ban an too ma sɔ koe a, tima min na a ni dasi be tena an ma dunya ɔ, an na‑a tɔɔya ɔ bia wan. Ni a ma‑a koɔ‑a, a ka banda bu ɔ, mbɛ mmɔ‑a mmɔ kan kɔ sɔ, mmɔ wɛɛ ɛ tɔɔya ɔ yen‑da wan.

GBOO IBU MƆƐ N KO A 6:8

Chɛɛ ni an duu gboo chɛ, wai nyan‑da a ma, a basan binɛ a, duu gboo a tenden ma. A to‑a ɛnden fan na, Yataa ni a danka, a sin, ta an mbe a kasaa‑a.