MATIU 28:6 - Yataa 'a Dɔbɛnɛ Nama

⁶ A ee nɛ. Yataa‑a a ma, a‑a a a sɔ a ka saya ɔ, yɔ a wandi na‑a a fɔ buɛ min dɔ, mbɛ ɛ ma‑a ka wan. Wo na nɛ. Wo ni nɔ yen, a ni sa ɔ kaina min.

MATIU 28:6 ပူးပေါင်းရင်းမြစ်များ

MATIU 12:40

N fan, Mɔ Gbu 'a Denɛ, n mbe tee sawa ni pimbi sawa ya‑a wan fii chima ɔ, yɔ Chona na‑a tee sawa ni pimbi sawa ya buɛ min dɔ nyɛ wa bu ɔ.

MATIU 16:21

A ka gbɛ an tima chɛ ma, Chisɔsi‑a a kuu sɔ wan a ɔ yian‑da a fɛ denɛ n na, mbɛ Yataa ta tima ɛ na tena wan che‑a a ta koe a Chuusaɛn duu ɔ. A ɔ, a sin nɔ mu mɔɛ n mbe an kun puin‑da a ma. A ɔ, nɔ chɛnyɛ gbakoo n ni ma, ni nɔ Chu n tɛ mɔɛ nu Yataa a, an 'na mansa nu, an bɛ Chu n 'na sawa kan mɔɛ n na, an mbe a bia‑a wan. A ɔ, mbɛ an‑na a a tɔɔya, mbɛ an yɛ‑a, an‑na a be a fa mɔɛ n ma. A ɔ, chɛɛ ni an‑na a fa, an ni a tɔn, a ɔ, tee fea a sawan bɔɛ ma, Yataa ɛ a kɔɔ sɔ‑a wan a ka saya ɔ.

MATIU 17:23

An mbe n fa‑a wan, chɛɛ tee fea ni a sawan bɔɛ gbakɔ, n mbe n kɔɔ sɔ‑a wan a ka saya ɔ.” A‑a bai chɛ fɔ kɛn, a fɛ denɛ n faa yɔn‑da wan kaka.

MATIU 17:9

Mbɛ an‑na a kuu sɔ kɔnkɔɛ yii‑a. An mbe yii tena kɔnkɔɛ chɛ an na, mbɛ Chisɔsi‑a a fɔ, a ɔ, “Wo‑a koe min dɔ yen ka, wo ma a ɔ yian mɔ dɔ mende kan kɔ kan na. Wo a sa wo yii ma, aan n 'na tee ni che, tee min ma, Yataa ɛ n na sɔ‑a a ka saya ɔ, n fan, Mɔ Gbu 'a Denɛ.”

MATIU 20:19

mbɛ an‑na n be mɔɛ chɛ n ma, miin ma Chu mɔ n na. An mbe n ma yɛn‑da wan, an ni n bosa, mbɛ an‑na n gbangban kɔn gbengbandenɛ ma, n mbe fa‑a kaina. Chɛɛ tee fea, a sawan bɔɛ, Yataa ɛ a ma‑a wan, n ni n kɔɔ sɔ a ka saya ɔ.”

MATIU 27:63

Mbɛ an dɔ, “Mansa, tima min na da ɔ gbaa tɔɛ chɛ ni fɔɛ ɔ, nn yii to‑a wan a ɔ, a na‑a bai min fɔ. A na‑a a fɔ wan, a ɔ, Yataa ɛ a kɔɔ sɔ‑a wan a ka saya ɔ, tee fea a sawan bɔɛ ma.

MAKI 16:6

Mbɛ a ɔ, “Wo kɔndɔ ma fii. N‑na a ɔ sɔn fan, mbɛ wo e Chisɔsi an yan tena, min ka‑a Nasaɛti duu ɔ, an‑na min gbangban kɔn gbengbandenɛ ma. A ee nɛ. Wo a yen, a ni sa ɔ kaina. Yataa‑a a kɔɔ sɔ, a ka saya ɔ.

MAKI 8:31

Mbɛ Chisɔsi‑a a kuu sɔ a fɛ denɛ n kan‑da, a ɔ, “N fan, Mɔ Gbu 'a Denɛ, n mbe tɔɔ‑a wan kaka. Mmɔ 'a chɛnyɛ gbakoo nu, an bɛ mɔɛ miin mbe Chu n tɛ ɔ Yataa a, an 'na mansa n na, an mbe an kan kɔ sɔ‑a wan n na. Mmɔ 'a sawa kan mɔɛ n bɛɛ, an mbe toa si‑a wan an kɔɔ. N mbe fa‑a wan mɔ boo ɔ. Chɛɛ n mbe n kɔɔ sɔ‑a wan a ka saya ɔ, tee fea a sawan bɔɛ ma.”

DUKU 24:12

Chɛɛ Pita‑a a kɔɔ sɔ wan, mbɛ a ta‑a bui a kamba chɛ ma. A che‑a kɛn, a‑a a ma bun fan kamba chɛ da a, chɛɛ a‑a kasanche chɛ an yen dechee, a ma fen dɔ mende kan kɔ kan yen ni to. Mbɛ a yɛ‑a duu ɔ, a kɔndɔ fiienɛ a, a si koe chɛ ma min ma‑a ka.

DUKU 24:23

chɛɛ an ma a su yen ni kamba gbu ɔ. An sin yɛ‑a wan, mbɛ an‑na a ɔ yian to nn na, mbɛ an‑na maeka dɔ n yen fan nɔ. An dɔ, maeka chɛ n dɔ, mbɛ Chisɔsi‑a a kɔɔ sɔ, a yɛ‑a fɔɛ ɔ.

DUKU 24:44

Mbɛ a ɔ, “Tima min na mmɔ bɛ ni, n na‑a a fɔ wan wo ye, mbɛ koe miin gbɛɛ nyɛndenɛ ɛ a si n ma, mbɛ an gbɛɛ ɛ bɔ‑a wan a a. Mbɛ ko ɔ ko sawa chɛ ɔ, Yataa‑a min be Mosisi ma, an bɛ Yataa 'a gbonka chɛ mɔɛ tɔɛ n na, a basan Yataa tando si gboo a, an gbɛɛ ɛ bɔ‑a wan a a.”

CHƆN 10:17

“Fa Yataa toen fan mu n na, koe min na mu, n ma bɛnden fan mu, n ni n fɔɛ be, min mbe a ma, n ni danka to ma‑a fɔɛ ɔ.

CHƆN 2:19

Mbɛ Chisɔsi ɔ, “Yataa 'a chen chɛ, wo a te wɛ. Tee sawa tɛ, n mbe a sɔ‑a wan to.”

CHISƆSI 'A SƆ MƆƐ NU 2:24

Chɛɛ Yataa‑a a bɔ wan saya 'a mɔnɛ boo ɔ, a‑a a ma, Chisɔsi chɛ‑a a kɔɔ sɔ a ka saya ɔ. Koe min na mu, saya nii che gbasaya din‑da a ma ɛnden bɛɛ a.