MATIU 28:12 - Yataa 'a Dɔbɛnɛ Nama

¹² An‑na bai chɛ a min, soya chɛ n‑na min dɔ yian. Mbɛ an‑na an kun puin fan kaina dɔndɔ, an bɛ Chu n 'na gbakoo n na. Mbɛ an‑na kɔpɔ sɛmbɛnden ya, mbɛ an‑na soya chɛ nu, miin ni kamba chɛ kun ma fɛn tena, an‑na an da a tɔn a a.

MATIU 28:12 ပူးပေါင်းရင်းမြစ်များ

MATIU 12:14

Mbɛ Fayisii chɛ nu, an bɔ‑a. Mbɛ an ta‑a an kun puin tena Chisɔsi ma, an mbe ma buɛ min dɔ an ni a fa.

MATIU 28:11

Musu chɛ n mbe yɛ‑a, a yen ko, mbɛ soya chɛ dɔ n bɛɛ yɛ‑a duu ɔ. Mbɛ an si‑a ko ɔ ko ma, maeka chɛ‑a min ma kamba chɛ ma, an‑na a ɔ yian Chu n tɛ mɔɛ nu Yataa a, an 'na mansa n na.

MATIU 28:13

An dɔ, “Ni mɔ ɔ mɔ‑a wo ɔ tisa, a si Chisɔsi su tuin koe ma kamba chɛ ɔ, wo‑a a fɔ dechee, mbɛ wo to‑a sa ɔ chinɔɛ ɔ wan, mbɛ a fɛ denɛ n na‑a su ɔ, mbɛ an‑na a su kanka.”

CHƆN 11:47

Chɛ ko a, Fayisii chɛ nu, an bɛ Chu n tɛ mɔɛ n na Yataa a, an 'na mansa n na, an‑na Chu kuti wa si kaina dɔndɔ. Mbɛ an dɔ, “Mmɔ ɛ fen ma tena gbɛ? Mmɔ a ɔ yen gbɛ sanche, kamin chɛ ɛ kamaya koe min gbɛɛ a tachɛ tena.

CHISƆSI 'A SƆ MƆƐ NU 5:40

Mbɛ an‑na Chisɔsi 'a sɔ mɔɛ chɛ n chee, mbɛ an‑na a ma, an‑na an boan pien. Mbɛ an‑na an na si gbau gbau, an dɔ, an ma bai ɔ bai sa to mɔɛ n tena, a si Chisɔsi ma. An‑na an na si kɛn, mbɛ an‑na an boo ka.