MATIU 27:54 - Yataa 'a Dɔbɛnɛ Nama

⁵⁴ Domi soya gbakoo chɛ, min ni Chisɔsi a tɛ tena, a‑a a ɔ yen min ma‑a. A 'a soya n bɛɛ, an‑na a ɔ yen fan. An‑na a ɔ yen kɛn duu gboo samba‑a, a basan koe chɛ n gbɛɛ a miin ma‑a, chiandia‑a an gboo fa wan. Mbɛ an dɔ, “Kamin chɛ ni Yataa 'a denɛ chɛndɛ chɛndɛ gbu an na.”

MATIU 27:54 ပူးပေါင်းရင်းမြစ်များ

MATIU 26:63

Chɛɛ Chisɔsi ma bai ɔ bai fɔ ni, a‑a a ma maun fan. Mbɛ tɛ mɔ wa chɛ ɔ, “Tea fɔ nn ye, Yataa ko a, ni i wan mu Chasi a, kunka mansa chɛ a, Yataa 'a denɛ chɛ.”

MATIU 27:36

An na‑a a gbangban kɔn chɛ ma kaina dɔndɔ wan, an bɛ kanka fea chɛ n na. Dɔndɔɛ ni a boo nyima ɔ wan, dɔndɔɛ ɛ a manɛ ɔ. An‑na a nyɛn fan kɔn dɛnfɛ ma, an dɔ, Chu mɔɛ n 'na mansa an nɛ, Chisɔsi. Mbɛ an‑na a gbangban a kun ma chia a, kɔn gbengbanden chɛ ma. Yiima chɛ an na‑a a ma, an‑na Chisɔsi fa. Chɛ gbakɔ mbɛ an si‑a gbɛ, an bun‑da Chisɔsi a tɛ‑a.

MATIU 27:40

an dɔ, “Wua. O, i wɛn‑na a fɔ, i ɔ, e Yataa 'a chenɛ te wan, mbɛ i‑a a sɔ tee sawa tɛ. Ni Yataa 'a denɛ mu i a, puin bɛ kɔn gbengbanden chɛ ma, mbɛ i‑a i wandi kun bɔ saya yuu chɛ ɔ.”

MATIU 27:43

A danden fan mu a a, mbɛ Yataa ɛ wan a fɛ tima ɔ tima ko a. Mbɛ Yataa ni a wan Chisɔsi baun bɛ sanche, sanche, ni a toen fan mu a a. Koe min na mu, a ɔ, Yataa 'a denɛ mu an na.”

MATIU 27:51

Tɛndi ni wan dɛn dɔ Yataa 'a chen chɛ bu ɔ. Mbɛ a yen ko, chɛ ma‑a kɛn, mbɛ tɛndi chɛ tɛka‑a fea a, a ka a kandɔɛ, aan a yii denka ɔ. Mbɛ duu gboo wɛɛ samba‑a, mbɛ faa gbanɛ n tɛka tɛka‑a.

MATIU 4:3

Mbɛ yiimayan chɛ na‑a a tena, a ɔ, “Ni Yataa 'a denɛ gbu mu i a, a ma wɛ senɛ chɛ n ni mun biidi a.”

MATIU 8:5

Mbɛ Chisɔsi ta‑a Kapanaun duu ɔ. Soya gbakoo dɔndɔ ni wan nɔ, min ka‑a Domi chɛnyɛ ɔ. Soya chɛmɛ dɔndɔ an fan ni a kɔɔ. Chisɔsi ni kɛn don‑da nɔ, a na‑a wan Chisɔsi tena, disa ɔ.

MAKI 15:39

Mbɛ Domi soya gbakoo chɛ, min ni sɔ ɔ nɔ Chisɔsi ya kɔɔɛ, a‑a a ɔ yen kɛn, mbɛ Chisɔsi fa‑a, a‑a a fɔ wan, a ɔ, “Kamin chɛ ni Yataa 'a denɛ chɛndɛ chɛndɛ gbu an na.”

DUKU 22:70

Mbɛ an gbɛɛ‑a a fɔ, an dɔ, “Mbɛ i wan mu Yataa 'a denɛ a?” Mbɛ a ɔ, “Wo‑a an fɔ ka.”

CHƆN 19:7

Chɛɛ mɔ fanka chɛ ɔ, “Nn 'na sawa ɛ wan nɔ, min‑na a fɔ, mbɛ mɔna chɛ ɛ fa wan. Koe min na mu, a ɔ, Yataa 'a denɛ mu a a.”

CHISƆSI 'A SƆ MƆƐ NU 10:1

Kamin dɔndɔ ni wan nɔ Sisayea duu ɔ, min tɔ ni Kɔniyɔsi. A ni soya gbakoo dɔndɔ an na, Domi soya chɛmɛ dɔndɔ kun ma. Chɛ ni kaka dɔndɔ an na, soya chɛ n tɛ ɔ, an ni miin chee, an dɔ, Itadi mɔɛ n 'na soya nu.

CHISƆSI 'A SƆ MƆƐ NU 2:37

Mɔɛ chɛ n‑na bai chɛ a min kɛn, an faa mɔnɛ‑a wan. An sin‑na a fɔ wan Pita ye, an bɛ a bɔɛ sɔ mɔɛ n na, an dɔ, “Nn 'na mɔɛ nu, nn mbe fen ma gbɛ?”

CHISƆSI 'A SƆ MƆƐ NU 21:32

A ya kɔɔɛ a, a‑a soya gbakoo dɔ n ya, an bɛ soya n na, mbɛ an yii‑a butuin chɛ mɔɛ chɛ n kun ma. Mɔɛ chɛ n‑na a yen kɛn na‑a, an bɛ soya chɛ n na, an sɛmbɛ‑a wan Pɔɔ gbasi koe a.

CHISƆSI 'A SƆ MƆƐ NU 23:17

Mbɛ soya gbakoo dɔndɔ, Pɔɔ‑a a chee. Mbɛ a‑a a fɔ a ye, a ɔ, “Ta n ye kamin tɔngbɔɛ chɛ a, wo kun ti chɛ tena. Bai chenama an mbe a da a, a ɔ yian koe a a a.”

CHISƆSI 'A SƆ MƆƐ NU 23:23

Mbɛ soya n kun ti chɛ, a‑a soya gbakoo fea chee, mbɛ a‑a a fɔ an ye, a ɔ, “Wo wo ma bɛn soya mɔ chɛmɛ fea a, an ta koe a Sisayea duu ɔ, ni awa sawan bɔɛ ben‑da pimbi bundenɛ a. An bɛ ni ta soya mɔ bi wɔnfea a, miin mbe soo n kɔ, a basan an mɔ chɛmɛ fea a, miin mbe tamba a dɛ.

CHISƆSI 'A SƆ MƆƐ NU 27:1

A tima che‑a, dɔbɛnɛ chɛ‑a wan nn si koe a dɛndɛ ɔ, a ta Itadi chɛnyɛ ɔ. An‑na Pɔɔ be wan, a basan pimbi chenɛ a sa mɔɛ dɔ mende n na, Chudiɔsi dɔndɔ ma. Chudiɔsi chɛ, a ni soya gbakoo an na, soya chɛmɛ dɔndɔ ko a, an ni miin chee, an dɔ, Domi Kun Ti Wa Soya nu.

CHISƆSI 'A SƆ MƆƐ NU 27:43

Chɛɛ soya gbakoo chɛ, a nii ma to ni Pɔɔ ni fa. Mbɛ a‑a an na gban, an 'na dɔbɛn chɛ, a ta koe a ya ɔ ma. A‑a min ma dechee, a‑a a fɔ wan an gbɛɛ ye dɛndɛ chɛ ɔ, a ɔ, mɔɛ miin kosan nɔɔɛ chɛ‑a, an pɛn ni tin yii chɛ ɔ, an ni nɔɔɛ chɛ, a ta tindi ma.

GBOO DOMI KO A 1:4

Chɛɛ Yataa Nyina‑a a ɔ yian fan gbasaya wandi ɔ, mbɛ Chisɔsi mu to Yataa 'a denɛ an na. A‑a a ma wan, mmɔ 'a mansa Chisɔsi Chasi‑a a kɔɔ sɔ a ka saya ɔ.

KO Ɔ NUNDENƐ 11:13

A sin, a tima chɛ kɔɔ, duu gboo samba‑a wan, a ma chianden ba a. An duu wa duenɛ si tena tanɛ a, kaka dɔndɔɛ yɔn‑da gbae. Mɔ wu wɔnfea n (7,000) fa‑a. Mɔɛ tɔɛ n chian‑da wan, a ɔ benden ba a, mbɛ an‑na Yataa tando, banda bu ɔ mansa.