MATIU 27:4 - Yataa 'a Dɔbɛnɛ Nama

⁴ Ɛ kɔpɔɛ chɛ a yɛ‑a kɛn an ma, a ɔ, “N‑na ko yama an ma ka. N‑na kamin chɛ min ma tachɛ ka, a ma ko yama kan kɔ kan man ni, ɛ ka na tena fa‑a fuu.” Chɛɛ an dɔ, “I ta ɔ wan nɛ chɛ nɛnɛ a. Nn ma to ni nn ni a ɔ sɔn ɛnden bɛɛ a.”

MATIU 27:4 ပူးပေါင်းရင်းမြစ်များ

MATIU 27:19

Kɔfana Padeti to‑a si ɔ tongbo kɔɔ wan bai chɛ kun ma, mbɛ a 'a musu‑a sakana a na a tena, a si Chisɔsi ma. Musu chɛ‑a a fɔ wan sakana chɛ ɔ, mbɛ Kɔfana Padeti ma a boo kan kɔ kan chɛ Chisɔsi fa koe ɔ. A ɔ, Chisɔsi mu mɔ tanden ba an na, min ma ko yama kan kɔ kan ma ni. A ɔ, a faa gbaaen ba mu, a si cho ma, a‑a min chɛ an su chɛ ɔ, a si Chisɔsi ma.

MATIU 27:54

Domi soya gbakoo chɛ, min ni Chisɔsi a tɛ tena, a‑a a ɔ yen min ma‑a. A 'a soya n bɛɛ, an‑na a ɔ yen fan. An‑na a ɔ yen kɛn duu gboo samba‑a, a basan koe chɛ n gbɛɛ a miin ma‑a, chiandia‑a an gboo fa wan. Mbɛ an dɔ, “Kamin chɛ ni Yataa 'a denɛ chɛndɛ chɛndɛ gbu an na.”

DUKU 23:22

Mbɛ Kɔfana Padeti‑a a fɔ to an ye a si tena sawan bɔɛ ɔ, a ɔ, “Fen ko a chɛ ɛ ma? Kamin chɛ gbu, a‑a fen ko yama ma? N ma ko ɔ ko yen ni, a‑a min ma, ɛ saya ma sɔn min ko a. N mbe a ma‑a wan, an ni a pɛndɛn pien, mbɛ n‑na a boo ka, a ni ta.”

DUKU 23:41

A sin, an teayaen fan mu, an ni ko yawaenɛ sa mɔ ma, koe min na mu, mɔ tana, mɔ ɛ ka nɛ mɔ sɔn yama an ko a. Chɛɛ a tana, a ma ko yama kan kɔ kan ma ni.”

DUKU 23:47

Domi soya gbakoo chɛ, min ni ka Chisɔsi ma fɛn‑da, a‑a a ɔ yen min ma‑a. Mbɛ a‑a tando be Yataa ma, a ɔ, “Tea gbu ko a, mɔ tandenɛ ni kamin chɛ a.”

CHƆN 19:7

Chɛɛ mɔ fanka chɛ ɔ, “Nn 'na sawa ɛ wan nɔ, min‑na a fɔ, mbɛ mɔna chɛ ɛ fa wan. Koe min na mu, a ɔ, Yataa 'a denɛ mu a a.”

CHISƆSI 'A SƆ MƆƐ NU 13:28

An nii ma chia ɔ chia sɔn ni kaa a tɛ koe a, a fa koe ma. Chɛ gbɛɛ ɔ, an‑na Kɔfana Padeti ɔ tisa wan, a ni a ma, an ni a fa.

GBOO DOMI KO A 3:19

Mmɔ‑a a ɔ sɔn gbɛ sanche, mbɛ sawa chɛ‑a min gbɛɛ fɔ, a sien mu chɛ n fan ma, miin mbe sawa gbu kɔɔ. An mbe a ma, an mbe ee kafai kan kɔ kan be ko yama ma koe a. A sin to, ɛ a ma‑a wan Yataa ni kaa a tɛ, a si mmɔ gbɛɛ a ko yama ma.

1 TIMOTI 4:2

Kan yama bonda chɛ nu, ɛ ka fania yama kan chɛ mɔɛ n fan na. Gbasaya min mbe a ma, an ni ko chɛndɛ ya bɔ ko yama a, a ee to an dɔ. A maen mu yɔ an yiima faen fan mu an dɔ.

TAITƆSI 1:16

An‑na Yataa sɔnɛ ɛ an da ɔ wan, chɛɛ a ee an sɔnɛ ɔ. An ma nyin, an mbe ee Yataa 'a sawa ya, an sin ma nyin fen kɔ fen ko a.

GBOO IBU MƆƐ N KO A 7:26

Chɛ an fɛ mu, ko ma bɛndenɛ mu, tɛ mɔ wa chɛ, mɔ gbu n tɛ Yataa a, a sima ma sɔn koe a. A wɛn ma ko yama kan kɔ kan ma ni, ɛ tenchen Yataa ko a. A sin to, mabɔ ee a ma, an tɛ duenɛ ɛ, an bɛ ko yama ma mɔɛ n na. A ya‑a, a sɛ banda bu ɔ.

1 PITA 1:19

Chɛ ni Chisɔsi Chasi wandi ta wii gbu an na, min be‑a wo kun ka koe a. Chasi ma‑a wan yɔ sa tɔngbɔɛ yasi, tɔmbɛ nii min ma, a sin, a wakoe ɔ nii ma chɛ chɛ ni.

1 CHƆN 3:12

Mmɔ ma ma yɔ mɔna chɛ, Ken, Sitana 'a mɔɛ, min‑na a dɔ kaima fa. A‑a chɛ ma koe min na, a na‑a a ɔ yen fan, mbɛ a ta chɛ chɛ wai nii ma nyin, chɛɛ a dɔɛ tanden fan ni Yataa tena.

KO Ɔ NUNDENƐ 11:10

Dunya ɔ mɔɛ n bu ɔ dia‑a wan, a si mɔ fea chɛ n fa koe ma. An mbe buɔdia bɔ‑a wan, mbɛ an‑na samba fenɛ a ta an nyɔn tena, a mu min na, mɔ fea chɛ n na‑a wan tɔɔya an ma dunya chɛ ɔ.