MATIU 27:24 - Yataa 'a Dɔbɛnɛ Nama

²⁴ Kɔfana Padeti‑a a ɔ yen, mbɛ a boo ee kun bai chɛ ma. A sin, ni a chii‑a a boo ka koe ma Chisɔsi a, mbɛ gbunɛ an mbe bɔ‑a a ɔ. A‑a chɛ ɔ yen kɛn, mbɛ a‑a yii ya, mbɛ a‑a a boo a ko, an gbɛɛ ya kɔɔ, ɛ ta‑a a fɔ‑a, a ɔ, “N boo ee kamin chɛ fa koe ɔ. Wo wan mbe a nɛnɛ ma yɛman‑da.”

MATIU 27:24 ပူးပေါင်းရင်းမြစ်များ

MATIU 26:5

Chɛɛ an‑na a fɔ wan an nyɔn ye, an dɔ, “Mmɔ ma a ma bɛn chɛ kun ma, an ma na gbunɛ a bea.”

MATIU 27:19

Kɔfana Padeti to‑a si ɔ tongbo kɔɔ wan bai chɛ kun ma, mbɛ a 'a musu‑a sakana a na a tena, a si Chisɔsi ma. Musu chɛ‑a a fɔ wan sakana chɛ ɔ, mbɛ Kɔfana Padeti ma a boo kan kɔ kan chɛ Chisɔsi fa koe ɔ. A ɔ, Chisɔsi mu mɔ tanden ba an na, min ma ko yama kan kɔ kan ma ni. A ɔ, a faa gbaaen ba mu, a si cho ma, a‑a min chɛ an su chɛ ɔ, a si Chisɔsi ma.

MATIU 27:23

Chɛɛ Kɔfana Padeti ɔ, “Fen ko a chɛ ɛ ma? Kamin chɛ gbu, a‑a fen ko yama ma?” Mbɛ an gbu‑a yee ma munda tɛ, an dɔ, “A ma an ni kamin chɛ gbangban kɔn gbengbandenɛ ma, a ni fa nɔ.”

MATIU 27:4

Ɛ kɔpɔɛ chɛ a yɛ‑a kɛn an ma, a ɔ, “N‑na ko yama an ma ka. N‑na kamin chɛ min ma tachɛ ka, a ma ko yama kan kɔ kan man ni, ɛ ka na tena fa‑a fuu.” Chɛɛ an dɔ, “I ta ɔ wan nɛ chɛ nɛnɛ a. Nn ma to ni nn ni a ɔ sɔn ɛnden bɛɛ a.”

MATIU 27:54

Domi soya gbakoo chɛ, min ni Chisɔsi a tɛ tena, a‑a a ɔ yen min ma‑a. A 'a soya n bɛɛ, an‑na a ɔ yen fan. An‑na a ɔ yen kɛn duu gboo samba‑a, a basan koe chɛ n gbɛɛ a miin ma‑a, chiandia‑a an gboo fa wan. Mbɛ an dɔ, “Kamin chɛ ni Yataa 'a denɛ chɛndɛ chɛndɛ gbu an na.”

MATIU 27:9

Koe chɛ n gbɛɛ ma‑a, min mbe a ma, Yataa 'a gbonka chɛ mɔɛ Chɛyimaya na‑a bai miin fɔ, an ni bɔ a a. A na‑a a fɔ wan, a ɔ, “An kuiɛ ɛ bɛn‑da kain gbɛnsɛn bi sawa an ma, Chu mɔɛ dɔ n mbe na‑a a baa min tɛ‑a.

CHƆN 13:9

Mbɛ Saimɔn Pita ɔ te gbɛ, a ɔ, “Mansa, mbɛ i ma n chen dechee ma ko, chɛɛ n boo n bɛɛ ma ko, mbɛ i‑a n kunɛ wɛɛ ɔ ko.”

CHƆN 19:4

Mbɛ Kɔfana Padeti bɔ‑a to baa ma, mbɛ a‑a a fɔ mɔ fanka chɛ ye, a ɔ, “Wo wo too ma sɔ, n mbe a ma‑a wan, an ni bɔ a a nɛ wo wandi tena. An mbe a ma‑a, wo ni a ɔ yen, mbɛ n ma chia kan kɔ kan yen ni, kaa a tɛ koe a a fa koe ma.”

CHISƆSI 'A SƆ MƆƐ NU 3:14

A ni tenchen Yataa 'a wai an ko a, a sin, a tanden fan ni Yataa tena. Chɛɛ chɛ gbɛɛ ɔ, wo ban‑da wan a ɔ, mbɛ wo‑a Kɔfana Padeti disa, wo ɔ, a ni a boo ka mɔ fa mɔɛ a wo ye.

GBOO FEAN BƆƐ KƆYINDI KO A 5:21

Mmɔ ko a ni, Yataa‑a ko yama gbɛɛ si Chasi kun ma. Chɛɛ Chasi chɛ nii ma ko yama kan kɔ kan ma ni. Yataa‑a chɛ ma, min mbe a ma, mmɔ ni ma mɔ tandenɛ a a chen kɔɔ. Koe min na mu, mmɔ ma‑a mmɔ dɔndɔɛ a Chasi a.

1 PITA 3:18

An na‑a a ma, Chasi wɛn nii ma ko yama kan ko kan ma ni, a na‑a tɔɔya ɔ bia wan mmɔ ko a. A wɛn ni ka mɔ chɛndɛ wa a, a na‑a saya dɔndɔɛ chɛ chɛ wan. A sin mbe ee ma‑a to, mmɔ mɔ yama chɛ n 'na ko yama n ko a. A na‑a chɛ ma, mmɔ ma sawan koe an na Yataa tena. Mɔɛ n na‑a a fa wan kɔn gbengbandenɛ ma, a gboo ɔ, chɛɛ a yɛ‑a wan fɔɛ ɔ, Yataa Nyina ta fɛ chia a.