MATIU 27:19 - Yataa 'a Dɔbɛnɛ Nama

¹⁹ Kɔfana Padeti to‑a si ɔ tongbo kɔɔ wan bai chɛ kun ma, mbɛ a 'a musu‑a sakana a na a tena, a si Chisɔsi ma. Musu chɛ‑a a fɔ wan sakana chɛ ɔ, mbɛ Kɔfana Padeti ma a boo kan kɔ kan chɛ Chisɔsi fa koe ɔ. A ɔ, Chisɔsi mu mɔ tanden ba an na, min ma ko yama kan kɔ kan ma ni. A ɔ, a faa gbaaen ba mu, a si cho ma, a‑a min chɛ an su chɛ ɔ, a si Chisɔsi ma.

MATIU 27:19 ပူးပေါင်းရင်းမြစ်များ

MATIU 1:20

Chɛɛ ɛ kɛn an yiinachii chɛ ɔ, a yen ko, Mansa Yataa 'a maeka na‑a a tena cho ɔ. Mbɛ a ɔ, “Chosɛfi, Mansa Defidi 'a dambi ɔ nyɔɛ, i ma sika Mɛi si koe a i 'a musu a. Koe min na mu, a‑a bu min ya ka, Yataa Nyina an‑na a be a ma.

MATIU 2:19

Mbɛ Mansa Ɛdɔdi fa‑a. A faenɛ gbakɔ, mbɛ Mansa Yataa 'a maeka na‑a Chosɛfi tena cho ɔ Ichipi chɛnyɛ ɔ.

MATIU 2:22

Chɛɛ a‑a a a min kɛn, mbɛ Akɛdaɔsi an yɛ‑a a fa Ɛdɔdi gbaa mansaya ɔ, Chudia chɛnyɛ ɔ, a chian‑da ta koe a nɔ. A sin, a na‑a dasi ma sɔn fan cho ɔ, min‑na a ma, a ta‑a Kadidi chɛnyɛ ɔ.

MATIU 27:18

Kɔfana Padeti‑a tisa chɛ chɛ, koe min na mu, a na‑a a ɔ sɔn fan, mbɛ toomaya an na‑a a ma, Chu n kun ti n na‑a Chisɔsi a a chen kɔɔ.

MATIU 27:24

Kɔfana Padeti‑a a ɔ yen, mbɛ a boo ee kun bai chɛ ma. A sin, ni a chii‑a a boo ka koe ma Chisɔsi a, mbɛ gbunɛ an mbe bɔ‑a a ɔ. A‑a chɛ ɔ yen kɛn, mbɛ a‑a yii ya, mbɛ a‑a a boo a ko, an gbɛɛ ya kɔɔ, ɛ ta‑a a fɔ‑a, a ɔ, “N boo ee kamin chɛ fa koe ɔ. Wo wan mbe a nɛnɛ ma yɛman‑da.”

MATIU 27:4

Ɛ kɔpɔɛ chɛ a yɛ‑a kɛn an ma, a ɔ, “N‑na ko yama an ma ka. N‑na kamin chɛ min ma tachɛ ka, a ma ko yama kan kɔ kan man ni, ɛ ka na tena fa‑a fuu.” Chɛɛ an dɔ, “I ta ɔ wan nɛ chɛ nɛnɛ a. Nn ma to ni nn ni a ɔ sɔn ɛnden bɛɛ a.”

DUKU 23:41

A sin, an teayaen fan mu, an ni ko yawaenɛ sa mɔ ma, koe min na mu, mɔ tana, mɔ ɛ ka nɛ mɔ sɔn yama an ko a. Chɛɛ a tana, a ma ko yama kan kɔ kan ma ni.”

DUKU 23:47

Domi soya gbakoo chɛ, min ni ka Chisɔsi ma fɛn‑da, a‑a a ɔ yen min ma‑a. Mbɛ a‑a tando be Yataa ma, a ɔ, “Tea gbu ko a, mɔ tandenɛ ni kamin chɛ a.”

CHƆN 19:13

Kɔfana Padeti‑a an da a bai chɛ n na min kɛn, mbɛ a‑a a ma an bɔ‑a Chisɔsi a. Mbɛ a si‑a a 'a kaa tɛ sea a. Sea chɛ ni kaina min, a tɔ ni kaina min nyanden mu senɛ a. Chu mɔɛ n ni nɔ chee, an dɔ, Kabata.

CHISƆSI 'A SƆ MƆƐ NU 12:21

Tee chɛ ma, Mansa Ɛdɔdi‑a min yian ka an tɛ ɔ bai sa koe a, an bɛ an na, a‑a a ma chii wan a 'a mansa ma chii a. Mbɛ a si‑a, a 'a mansa sea a, koɔ koe a an tena, a ma kawaen ba ɔ.

CHISƆSI 'A SƆ MƆƐ NU 18:12

Chɛɛ an‑na Kadio ma tima min na kɔfana a, Akaya chɛnyɛ kun ma, Chu n‑na kuiɛ a kanɛ chɛ Pɔɔ ma, mbɛ an‑na a bia, an na‑a a a kɔfana chɛ 'a kuti ɔ.

CHISƆSI 'A SƆ MƆƐ NU 18:16

Mbɛ a‑a an gbain, an kuti gbu ɔ.

CHISƆSI 'A SƆ MƆƐ NU 18:17

Mbɛ an gbɛɛ bea‑a Sositɛnesi ma gbasi a, min ni ya ɔ sɔɛ a, Chu n 'na samun chɛ chenɛ kun ma. An‑na a gbasi wan, kuti chenɛ gbu ya kɔɔ. Chɛɛ Kadio‑a a ka wan a too kɔ.

CHISƆSI 'A SƆ MƆƐ NU 25:10

Chɛɛ Pɔɔ ɔ te, “N mbe ka sɔ ɔ, Domi kun ti wa ta kuti tongbo gbu an kɔɔ ka, n 'na bai chɛ ɛ sa kaina. I wandi gbu ban‑da a ɔ yen‑da, mbɛ n ma ko yama kan kɔ kan ma ni, Chu mɔɛ n na.

CHISƆSI 'A SƆ MƆƐ NU 25:17

An na‑a kɛn nɛ, n nii ma tima kan kɔ kan yayi ni. Chɛɛ tee dɔndɔɛ ma, n‑na kuti si wan, n dɔ, an ni na Pɔɔ a, n chen kɔɔ, an bai chɛ sa koe a.

CHISƆSI 'A SƆ MƆƐ NU 25:6

Kɔfana Fesɔsi‑a tee sɛin ya wan Chuusaɛn duu ɔ, chɛ ma, tee tan nyɔn sima, a e na to yii‑a Sisayea duu ɔ. A che‑a tee min na, a banda ɔ ka da ma, a si‑a wan kuti ɔ, mbɛ a‑a a fɔ, a ɔ, an ni na Pɔɔ a, a chen kɔɔ.

1 PITA 2:22

A nii ma ko yama kan kɔ kan ma ni. A sin, fania bai nii ma bɔ ni a da ɔ tee dɔndɔ wɛɛ.

1 CHƆN 2:1

N 'na denɛ nu, n mbe gboo chɛ nyɛn tena wo tena, min mbe a ma, wo ma na dɛ ko yama ɔ. Chɛɛ ni mmɔ dɔndɔ wɛɛ dɛen fan mu gbɛ ko yama ɔ, mɔɛ ɛ wan mmɔ boo ɔ, min mbe koɔ mmɔ Fa Yataa tena mmɔ ko a. A mɔɛ chɛ mu Chisɔsi Chasi an na, a wɛn tanden mu Yataa tena gbeden.