MATIU 27:1 - Yataa 'a Dɔbɛnɛ Nama

¹ A banda ka sayi ma, Chu n tɛ mɔɛ nu Yataa a, an 'na mansa n bɛn‑da an bɛ Chu gbakoo n na. Mbɛ an gbɛɛ kuiɛ bɛn‑da kaina dɔndɔɛ, mbɛ an mbe Chisɔsi fa wan.

MATIU 27:1 ပူးပေါင်းရင်းမြစ်များ

MATIU 23:13

Mbɛ Chisɔsi‑a a fɔ, a ɔ, “Wo wan sawa kan mɔɛ chɛ nu, wo wan Fayisii nu, koe min mbe wo tan‑da, a yau gba wo ko a. Nɛnɛn fea ti mu wo a. Koe min na mu, wo ban‑da don koe a Yataa 'a mansaya kɔɔ, mbɛ wo‑a chia tɛ wo bɔ n bɛɛ ya ɔ don koe a nɔ.

MAKI 15:1

A sau sau chɛ ma, Chu n tɛ mɔɛ nu Yataa a, an 'na mansa nu, ni Chu gbakoo nu, a basan Chu n 'na sawa kan mɔɛ n na, an bɛ Chu kuti wa ɔ mɔɛ n gbɛɛ a, an bɛn‑da kun puinɛ ɔ. Mbɛ an‑na Chisɔsi chii fɔin, an ta‑a a a, mbɛ an‑na a konan Kɔfana Padeti ma.

DUKU 13:1

A tima dɔndɔ gbe chɛ a ni, mbɛ mɔɛ dɔ nu, miin bɛ ni Chisɔsi a, an‑na ko yama wa ɔ yian a a. Ko yama wa chɛ na‑a ma mɔɛ dɔ n fan na, miin na‑a ka Kadidi chɛnyɛ ɔ. An na‑a na Yataa 'a kata ɔ wan, min mbe a ma, an ni soe n minda, a be koe a Yataa ma an 'na yasi a. An to‑a yasi chɛ n fan bɔ‑a Yataa 'a kata chɛ ɔ, mbɛ Kɔfana Padeti‑a a ma, an‑na an fa. An faen chɛ a, an wii ɔ basan‑da wan soe chɛ n wii a, an na‑a miin bɔ ka yasi a.

DUKU 22:66

Banda ɔ ka‑a kɛn, mbɛ Chu gbakoo n bɛn‑da kaina dɔndɔ. Chu n tɛ mɔɛ nu Yataa a, an 'na mansa n bɛɛ ni wan an bɛn chɛ ɔ, a basan Chu n 'na sawa kan mɔɛ n na. Mbɛ an gbɛɛ‑a a ma, an na‑a Chisɔsi a an chen kɔɔ.

CHƆN 18:28

Sau sau ma ni, mbɛ an bɔ‑a Chisɔsi a Kayafasi chen kɔɔ, an ta‑a a a. Mbɛ an na‑a Domi kun ti chen kɔɔ, min ni kɔfana a Chudia chɛnyɛ ɔ. Mɔ fanka min na‑a ka Chisɔsi a, an nii ma don ni kata chɛ ɔ, an to‑a a baa ma wan. Chu sawa ta fɛ chia a, an toen ni an ni an fandi bia chɛndɛ chɛ. Chɛ an mbe a ma, an ni daunɛ chɛ, kun bɔ a ɔ bɛnɛ chɛ kun ma, aan an ni ban.

CHISƆSI 'A SƆ MƆƐ NU 5:21

Chisɔsi 'a sɔ mɔɛ chɛ n bɛɛ ma maeka chɛ da a kuiɛ yɔn ni. Mbɛ sau sau ma, an don‑da wan Yataa 'a kata chɛ ɔ, mbɛ an‑na a kuu sɔ mɔɛ n kan‑da. Mbɛ Chu n tɛ mɔ wa Yataa a, an bɛ a bɔɛ n na, an‑na Chu kuti wa si kaina dɔndɔ, min mbe a ma, an ni bɛn ba bia. Mbɛ an bɛn‑da kɛn, an‑na mɔɛ a ta wan pimbi chen chɛ a, min mbe a ma, an ni na Chisɔsi 'a sɔ mɔɛ chɛ n na an chen kɔɔ.