MATIU 26:70 - Yataa 'a Dɔbɛnɛ Nama

⁷⁰ Chɛɛ Pita‑a kɔɔsa bia chɛ wan a ma, mɔɛ chɛ n gbɛɛ ya kɔɔɛ. A ɔ, “N ma a ɔ sɔn, e ka bai min sa tena.”

MATIU 26:70 ပူးပေါင်းရင်းမြစ်များ

MATIU 26:51

Chɛɛ Chu n 'na tɛ mɔ wa Yataa tena, a 'a bɔi denɛ, a ni wan an mɔɛ chɛ n tɛ ɔ. An‑na Chisɔsi bia kɛn, mbɛ a yen ko, a fɛ mɔɛ dɔndɔɛ, a‑a chɛɛ chɛ mɛ bɔ a a, mbɛ a‑a bɔi denɛ chɛ too tɛ a a gbeda.

MATIU 26:56

Chɛɛ chɛ gbɛɛ ɛ ma tena, min mbe a ma, Yataa 'a gbonka chɛ mɔɛ n na‑a miin nyɛn Yataa 'a gboo ɔ, an ni bɔ a a.” Mbɛ Chisɔsi fɛ denɛ n gbɛɛ, an‑na a dɔndɔ gbe to, mbɛ an ben‑da bui‑a.

MATIU 26:58

Pita‑a a sɔ Chisɔsi fɛ, chɛɛ a ma dɔn ni a ni gbɛn an ma gbɛdɛn. An ta‑a wan aan, a che an kata chɛ ɔ. Mbɛ an don‑da nɔ. Pita wɛɛ don‑da wan, mbɛ a si‑a, an bɛ kata chɛ kun ma fɛn mɔɛ chɛ n na. A toen ni a ni a ɔ sɔn ni an mbe fen ma‑a Chisɔsi a.

MATIU 26:69

Pita‑a a tun fan si koe a kata chɛ ɔ, mbɛ bɔi den musuma tɔngbɔ dɔndɔ, min ni tɛ mɔ wa chɛ 'a chenɛ a, a na‑a Pita tena. Mbɛ a ɔ, “I wɛɛ, i ni wan Chisɔsi fɛ, Kadidi mɔɛ chɛ.”

MATIU 26:71

A ta‑a to kata chɛ da wɛɛ a, mbɛ bɔi den musuma dɔndɔ‑a a yen to nɔ sɔ ɔ. Mbɛ a wɛɛ ɔ, “Kamin chɛ wɛɛ ni wan Chisɔsi chɛ fɛ, min ka‑a Nasaɛti duu ɔ.”

DUKU 22:57

Chɛɛ Pita‑a kɔɔsa bia chɛ wan bai chɛ ma, a ɔ, “N bian musu, n ma kamin chɛ sɔn.”

GBOO DOMI KO A 11:20

Tea gbu mu chɛ a. Chɛɛ an ma danɛ min chɛ ni Yataa a, an‑na a ma, an wagban‑da a ma. Wo tana sin, wo chii‑a gban a ma, koe min na mu, wo danda a a. Chɛɛ wo ma dɔpandaya bɔ, a si chɛ ma. Wo e min ma, chianɛ ni ma wo ɔ Yataa ko a.

GBOO SAA KƆYINDI KO A 10:12

Chɛ an fɛ mu, ni ɛ wan mɔ ɔ mɔ 'a yiinachii ɔ, mbɛ ɛ wan sɔ ɔ gban Yataa ko a, a mɔɛ chɛ ni a kun ma fɛn, min mbe a ma, a wɛɛ ma na bea.

KO Ɔ NUNDENƐ 21:8

Chɛɛ mɔɛ chɛ n tana, an gbɛɛ, an baa ɛ ma‑a ta man ba chɛ an na, sen gbandima chɛ ɛ ka min dɔ. Mɔɛ chɛ nu, miin mbe chian sɔ koe a gban Chisɔsi ko a, miin mbe sɛmbɛ dan koe a Chisɔsi a, a basan chɛ n na, miin mbe ko yama sɛsɛ ma. A yɛ to, mɔ fa mɔɛ chɛ nu, ko yama tɛ mɔɛ nu, sua chɛ nu, miin mbe fenɛ n fai, miin ma Yataa a, an bɛ fania fɔ mɔɛ n gbɛɛ a. An mbe ma min chɛ‑a ta chɛ ɔ, an mu an 'na saya fean bɔɛ a, a dankama.”