MATIU 26:53 - Yataa 'a Dɔbɛnɛ Nama

⁵³ A ni ma wo yii ma, mbɛ n mbe kun fan n ni Fa Yataa ɔ tisa, basan koe a n ma. A sin, a ɛ maeka wu sɛsɛ a na‑a wan, an ni butuinɛ chɛ n ko a.

MATIU 26:53 ပူးပေါင်းရင်းမြစ်များ

MATIU 25:31

Chisɔsi ɔ, “N fan, Mɔ Gbu 'a Denɛ, n mbe na‑a wan to dunya chɛ ɔ, nn bɛ maeka n gbɛɛ a. Ni n sin ma‑a na‑a, n mbe ma‑a wan man‑da, mbɛ n si‑a n 'na mansa sea chɛ a, Yataa 'a manɛ ɔ.

MATIU 4:11

Mbɛ Sitana gbu ka‑a Chisɔsi fɛ, a ta‑a. A yen ko, mbɛ maeka n na‑a, an‑na a deman.

MAKI 5:15

A sin, an che‑a kɛn, nyina yama chɛ n ni ka kaminɛ min fɛ, an‑na a tan fan, ɛ si ɔ nɔ. A ma chiienɛ ɛ, a sin, a yiima tɛenɛ ɛ. Chɛ‑a a ma wan, an gbɛɛ chian‑da.

MAKI 5:9

Mbɛ Chisɔsi ɔ, “I tɔɛ?” Mbɛ a ɔ, “N tɔ mu Fanka Wa. Koe min na mu, nn kɔkoo kaka.”

DUKU 8:30

Mbɛ Chisɔsi ɔ, “I tɔɛ?” Mbɛ a ɔ, “N tɔ mu Fanka Wa.” A‑a chɛ fɔ, a mu min na, nyina yama sɛsɛ ni wan a fɛ.

CHƆN 10:18

Mɔ ɔ mɔ ee kun a ni n fɔɛ ya n sun da a. Chɛɛ n fandi gbu, n fan mbe n fɔɛ be‑a. Gbasaya been mu n fandi an ma, n fandi fɔɛ be koe a, an ni n fa. A gbasaya chɛ ɛ to n fandi an boo ɔ, a ma koe a to, n ni yɛ fɔɛ ɔ. Fa na‑a a fɔ ka wan n ye, a ma koe a.”

CHƆN 18:36

Mbɛ Chisɔsi ɔ, “Dunya chɛ ɔ mansa ma n na. Ni a ni n na, mbɛ n fɛ mɔɛ n ni butuinɛ chɛ‑a wan n ko a, mɔɛ n nii n be‑a ya ɔ sɔɛ chɛ n ma. A an, n 'na mansaya gbasaya ma bɔ ni dunya chɛ an dɔ.”

GBOO FEAN BƆƐ TƐSADONIKA KO A 1:7

Mbɛ wo wɛn sin na‑a an ko yawaen chɛ ɔ bia, Yataa ɛ bauncha be‑a wan wo ma. Ɛ a be‑a wan n bɛɛ ma, a basan nn bɔɛ n bɛɛ a. Ɛ chɛ ma‑a wan, tima min na Yataa ɛ Mansa Chisɔsi yian‑da, a ka banda bu ɔ, an bɛ a 'a maeka wa n na.

CHUDA 1:14

Adami mama denɛ ta mama denɛ ta mama n denɛ dɔndɔ ni wan nɔ, min tɔ ni Ɛnoku. A na‑a bai sa wan suun, a si an mɔ bonda chɛ n ma. A ɔ, a yen ko, mbɛ Mansa Chisɔsi ɛ na‑a wan, a ɔ, an bɛ a 'a maeka wu sɛsɛ sɛsɛ n na.