MATIU 26:52 - Yataa 'a Dɔbɛnɛ Nama

⁵² Mbɛ Chisɔsi ɔ, “I 'a mɛ a yɛ a sa ɔ. Mɔɛ min mbe mɛ ya butuin chɛ koe a, an mbe a wɛɛ fa‑a mɛ an na.

MATIU 26:52 ပူးပေါင်းရင်းမြစ်များ

MATIU 5:39

Chɛɛ n mbe gbɛ sanche a fɔ tena wo ye, wo ma wo ta ɔ nyɔn mɔ ɔ mɔ ma, min mbe ko yama ma‑a wo a. Ni mɔ ɔ mɔ‑a wo boo nyima ɔ gbanɛ ɔ gbasi, wo wo man dɔ gbanɛ wɛɛ a mun, a ni a wɛɛ ɔ gbasi.

GBOO DOMI KO A 12:19

N dia nyɔɛ nu, ni mɔɛ n‑na ko yama ma wo a, wo ma wo ta a yɛ an ma. Chɛɛ wo e min ma, wo an to nɔ, Yataa wandi ni kaa a tɛ. Koe min na mu, a nyɛnden fan mu a 'a gboo ɔ, mbɛ a wan Yataa ɛ ta ɔ nyɔnɛ chɛ‑a wan, ko yama chɛ n ko a, an‑na miin ma.

Gboo Saa Tɛsadonika Ko A 5:15

Wo a ɔ yen, mbɛ wo dɔndɔ wɛɛ ma ko yama a yɛ ko yama ko a. Chɛɛ wo a ma wo ma gbɔsɔɛ a, tima ɔ tima ko a, wo ni ko chɛndɛ ma wo nyɔn na, wo ni a ma mɔ dɔ gbɛɛ n bɛɛ a.

1 PITA 3:9

Wo ma ko yama a yɛ ko yama ko a. A yɛ to, wo ma mainɛ a yɛ mainɛ ko a. Chɛɛ dua an ni ma wo da ɔ. Koe min na mu, Yataa‑a wo chee tima min na, a na‑a wo too ɔ dia wan, mbɛ dua an ni ma wo ta a.

KO Ɔ NUNDENƐ 13:10

Mɔ ɔ mɔ, Yataa‑a min ma bia mɔɛ a, a mɔɛ chɛ ɛ ma‑a bia an dɔ. Mɔ ɔ mɔ, Yataa‑a min ma fa mɔɛ a, chɛɛ chɛ mɛ a, chɛɛ chɛ mɛ an mbe a mɔɛ chɛ fa‑a pɔɛ. Chɛ gbɛɛ‑a a yian fan ka, mbɛ Yataa 'a mɔɛ n danayaen fan mu, an sin mbe an faa bia wan to.

KO Ɔ NUNDENƐ 16:6

A ɔ, “I 'a mɔɛ n wii a bɔnden mu an boo ɔ, a basan i 'a gbonka chɛ mɔɛ n wii a.” A ɔ, “I wɛɛ, i‑a wii dechee be an ma, a min koe a yii a. An‑na wai chɛ chɛ an ko a.”