MATIU 26:41 - Yataa 'a Dɔbɛnɛ Nama

⁴¹ Wo wo kɔɔ sɔ, wo ma chinɔ. Wo samunɛ ma ti bia, Sitana ma na a ma, wo ni wo kan kɔ sɔ Yataa a. Wo toen mu wo ni Yataa faa ma koe n ma, chɛɛ a gbasaya ee wo boo ɔ an ma koe a.”

MATIU 26:41 ပူးပေါင်းရင်းမြစ်များ

MATIU 24:42

“Chɛ an‑na a fɔ, wo wo kun ma fɛn, a mu min na, wo ma tee sɔn, tee min na, wo 'a mansa ɛ na‑a.

MATIU 25:13

Mbɛ Chisɔsi ɔ te gbɛ, “Chɛ an‑na a fɔ, wo wo kun ma fɛn. Koe min na mu, n fan, Mɔ Gbu 'a Denɛ, wo ma tee chɛ sɔn, n mbe na‑a min ma, n mbe ee baa tima chɛ ma, n mbe na‑a min kɔɔ.”

MATIU 26:38

Mbɛ a ɔ, “Faayɔnɛ min mbe n ma, a da a koo. A toen mu, a ni ta n na faa. Wo ma chinɔ nɛ, mmɔ ma kɔnɛ chɛ, mmɔ bɛ.”

MATIU 6:13

I ma dɔn ko ɔ ko ni a ma, nn ni ko yama ma. Chɛɛ i ni nn tanka Sitana ma, nyina yama.’ ”

MAKI 14:38

Wo wo kɔɔ sɔ, wo ma chinɔ. Wo samunɛ ma ti bia, Sitana ma na a ma, wo ni wo kan kɔ sɔ Yataa a. Wo toen mu wo ni Yataa faa ma koe n ma, chɛɛ a gbasaya ee wo boo ɔ an ma koe a.”

DUKU 11:4

I boo bɔ nn 'na ko yama n dɔ, a mu min na, miin mbe ko yama n ma nn na, nn bɛɛ nn mbe nn boo bɔ wan an 'na ko yama n dɔ. I ma dɔn ko ɔ ko ni a ma, nn ni ko yama ma.’ ”

DUKU 21:36

Chɛ an‑na a fɔ, wo wo kun ma fɛn, a yɛ to, wo samunɛ chɛ tee ɔ tee a. Wo samunɛ chɛ, wo ni gbasaya ma sɔn koe chɛ n gbɛɛ ɔ bia koe a, miin mbe na tena wo tan‑da, mbɛ wo‑a an dɔ tandin. A yɛ to, wo samunɛ chɛ, wo ni che sɔ‑a n chen kɔɔ, wo kunɛ kɔɔ sɔenɛ a, n fan, Mɔ Gbu 'a Denɛ, n mbe na‑a tima min na.”

DUKU 22:40

An che‑a kɛn nɔ, a‑a a fɔ an ye, a ɔ, “Wo samunɛ ma ti bia, Sitana ma na a ma, wo ni wo kan kɔ sɔ Yataa a.”

DUKU 22:46

Mbɛ a‑a an na kunɛ, a ɔ, “Wo e ka sa ɔ chinɔɛ an dɔ? Wo wo kɔɔ sɔ, wo ni samunɛ ma ti bia, ko ɔ ko ma na wo yiima ɔ chɛ chɛ a si Yataa ma.”

DUKU 8:13

Mɔɛ dɔ n sin mbe wan yɔ faa gban duu gboo chɛ, chin fen kuu n bea‑a min ma. Ni an‑na sakana bai chɛndɛ chɛ a min, an mbe an boo si wan a kɔɔ, buɔdia wandi gbu a. Chɛɛ Yataa 'a bai chɛ ee sa an yiima ɔ chɛndɛ chɛ, a ni tima ɔ yansama ya nɔ. An mbe dan dechee a a tima ɛnden fan ko a, chɛɛ ni koe ɔ gbɛa‑a an ma, mbɛ an‑na an boo bɔ a kɔɔ.

GBOO DOMI KO A 8:3

Mmɔ ɛ koe miin ma, mɔgbuya ɔ min ma nyin, an na‑a a ma wan, sawa chɛ ma kun ni mmɔ kun ka‑a. Chɛɛ Yataa na‑a dɔbɛn dɔ gbɛɛ chɛ wan, mmɔ kun ka koe a. A na‑a a 'a denɛ a na wan dunya chɛ ɔ, mɔgbuya ɔ. A na‑a a 'a den chɛ ma wan yasi a mmɔ 'a ko yama n ko a. A na‑a chɛ ma, kaa an na tɛ koe a, a si mmɔ 'a ko yama n ma.

GBOO SAA KƆYINDI KO A 10:13

Dɔsiman kan kɔ kan mbe ee wo tan, min sima ma mɔ gbu tan nin bɛ. Chɛɛ Yataa ee a da a kuiɛ yɔn, a sin mbe ee dɔn dɔsimanɛ ni na mɔ gbu tena, i 'a danaya ɔ ma gbɛ min dɔ bia koe a. Ni dɔsimanɛ na‑a i tena tima min na, a tima dɔndɔ gbe chɛ kɔɔ, ɛ chia yian‑da wan e kun buɛ min dɔ, i ni bɔ a ɔ. Ɛ i ɔ gbɛa‑a wan a ɔ bia koe a.

GBOO SAA KƆYINDI KO A 16:13

Wo ma bɛndenɛ ni ma, tima ɔ tima. Wo sɔ gban, wo 'a danaya ɔ, Chisɔsi Chasi a, wo sin ma chian. Wo ɔ ni gbɛa gbau.

GBOO SAA KƆYINDI KO A 9:27

Chɛɛ n mbe n fandi gboo ma wan tindin, mbɛ n‑na n tachɛ buɛ ma mɛn. N mbe chɛ ma, min mbe a ma, Yataa ma na n na yɛ a boo kɔ, ni n ban‑da mɔɛ n chee‑a bui chɛ koe a.

Gboo Kadesia Ko A 5:24

Mɔɛ chɛ n sin, miin gbɛɛ, an mbe Chisɔsi Chasi ko a, an‑na chɛ an ma. Koe gbɛɛ, min ma nyin an 'na mɔgbuya ɔ, an faa ɛ miin dɔ chɛndɛ chɛ, an‑na an gbangban kɔn gbengbandenɛ ma.

Gboo Ɛfisɔsi Ko A 6:18

Wo samunɛ chɛ, tima ɔ tima ko a, Yataa Nyina ɛ wo sɔ‑a buɛ min dɔ chia ma. Wo 'a samunɛ sin gbɛɛ ɔ, wo Yataa ɔ tisa, a ni basan wo ma. Chɛ ko a, ko ɔ ko ma a ma, wo gboo ɔ ni fa. Ni wo sin ma‑a samunɛ chɛ‑a tima ɔ tima ko a, wo a chɛ Yataa 'a mɔɛ n gbɛɛ ko a.

1 PITA 4:7

A ɔ ma yansan to, mbɛ ko ɔ ko che‑a a danka a. Wo ma bɛndenɛ ni ma, wo ni kun tachɛ koe a wo wandi a chɛndɛ chɛ, wo ni kun samunɛ chɛ a, a chɛ buɛ a.

1 PITA 5:8

Wo ma bɛndenɛ ni ma tima ɔ tima ko a, wo ya a kaenɛ ɛ. Wo chɛɛ ma nyɔɛ, Sitana, ɛ ben ben tena dau‑a, yɔ yaa ɛ ma mɔɛ yan‑da a nimisa koe a.

2 PITA 2:9

Chɛɛ Mansa Yataa an kosan kɛn gbɛ mɔɛ n kun bɔ‑a ko gbɛama n dɔ, mɔɛ miin mbe a ko a. A sin fan kosan to mɔɛ n chɛ‑a tɔɔya kɔɔ, aan gbɛmbo tee ma, mɔɛ miin sɔnɛ yau.

KO Ɔ NUNDENƐ 16:15

Chisɔsi na‑a a fɔ wan, a ɔ, “A yen ko, n mbe na‑a wo tɛnɛ‑a wan yɔ kanka. Mɔ ɔ mɔ min mbe ma‑a a ya a, ɛ a 'a koa n kun ma fɛn‑da wan. Chɛ ɛ a ma‑a wan, a ee ben‑da a ma senɛ a, a ni mau fanka ɔ den. A mɔɛ chɛ duaen mu.”

KO Ɔ NUNDENƐ 3:10

Koe min na mu, wo‑a n da a kuiɛ a min, wo‑a wo faa bia. N bɛɛ, n mbe wo kun ma fɛn‑da wan tima chɛ a, tima min na dunya gbɛɛ ɛ ma‑a dɔsimanɛ kɔɔ, mɔɛ gbɛɛ ɛ ma‑a tɔɔya ɔ.