MATIU 26:28 - Yataa 'a Dɔbɛnɛ Nama

²⁸ A mu min na, n wii an nɛ, n mbe na tena min na bɔn‑da mɔ gbu gbɛɛ ko a, min mbe a ma, Yataa ni a boo bɔ wo 'a ko yama n dɔ. N wii chɛ, Yataa ɛ an ya tena, mbɛ a‑a dɔbɛn nama chɛ a 'a mɔɛ n na.

MATIU 26:28 ပူးပေါင်းရင်းမြစ်များ

MATIU 20:28

Koe min na mu, n fan, Mɔ Gbu 'a Denɛ wɛɛ, n ma na ni, mɔɛ n ni wai chɛ n ko a. Chɛɛ n na‑a, min mbe a ma, n ni mɔɛ n ma wai n chɛ. A yɛ to, n ni yɛ, n ni n fɔɛ be mɔ gbu n kun ka koe a.”

MATIU 26:27

Mbɛ a‑a kɔpu ya, gbɛ ni min dɔ. Mbɛ a‑a Yataa wai bɔ, a‑a a be an ma, ɛ ta‑a a fɔ‑a, a ɔ, “Wo gbɛɛ, wo chɛ sima kai a a dɔndɔ dɔndɔɛ a.

MATIU 26:29

Ka wɛ, n ni a ma din wo tena. N mbe ee gbɛ chɛ min‑da to, mɔɔ dechee tima chɛ a, tima min na Fa Yataa ɛ a 'a mansaya ɔ yian‑da. A tima an na mu, n mbe gbɛ nama min‑da, mmɔ bɛ.”

MATIU 6:12

I boo bɔ nn 'na ko yama n dɔ, yɔ nn bɛɛ, nn mbe nn boo bɔ buɛ min dɔ ko yama n dɔ, an mbe miin ma nn na.

MAKI 1:4

Chɛ ko a, mɔɛ na‑a wan fuinɛ ma, min tɔ ni Chɔn. A bun‑da yii chɛ‑a mɔɛ n kunɛ ɔ, Yataa chia a. A ni yɛ wan to, a ɛ Yataa bai ɔ yian mɔɛ n na. A ɔ, an ni an kan kɔ sɔ an 'na ko yama n na, a ɔ, mbɛ a‑a yii chɛ an kunɛ ɔ, Yataa ni a boo bɔ an 'na ko yama n dɔ.

DUKU 22:19

Mbɛ a‑a biidi chɛ dɔndɔ ya. Mbɛ a‑a Yataa wai bɔ, mbɛ a‑a a ɔ kai kai, mbɛ a‑a a du du an ma, a ɔ, “N gboo an nɛ, n mbe min be tena wo ko a. Wo chɛ ma tima ɔ tima, wo yii na chii koe a n na.”

DUKU 22:20

An ban‑da kɛn kun bɔ a ɔ daunɛ chɛ‑a, a‑a an ko dɔndɔ gbe chɛ an ma kɔpu wɛɛ a. A‑a a ya wan, mbɛ a ɔ, “N wii an nɛ, n mbe min na bɔn tena wo ko a. Yataa ɛ an ya tena, mbɛ a‑a dɔbɛn nama chɛ a 'a mɔɛ n na.

GBOO DOMI KO A 5:15

Chɛɛ mɔ fea chɛ n ni dama. Koe min na mu, Yataa 'a koadia demanɛ, a ee ka yɔ Adami 'a ko yama maenɛ. Tea gbu mu a a, mbɛ mɔ sɛsɛ faen mu mɔ dɔndɔ gbe chɛ 'a ko yama maenɛ ko a. Chɛɛ Yataa ɛ a 'a koadia demanɛ chɛ chia min na a koo kaka. A sin chia chɛ a mu, a 'a ko chɛndɛ chɛen mu mɔ gbu gbɛɛ ko a, gbama gbama a. Chɛ maen mu mɔ dɔndɔ gbe a ko chɛndɛ ma an dɔ, Chisɔsi Chasi.

GBOO DOMI KO A 5:19

Adami dɔndɔ gbe na‑a Yataa da a kuiɛ bɔ wan a ɔ, min na‑a a ma, mɔ sɛsɛ ma‑a ko yama ma mɔɛ n na. A ma‑a ka wan to, Chisɔsi dɔndɔ gbe dechee, an‑na Yataa da a kuiɛ a min, min‑na a ma, Yataa ɛ a a tun‑da wan mɔ sɛsɛ ya koe a mɔ tandenɛ n na.

GBOO SAA KƆYINDI KO A 11:25

A chia dɔndɔ gbe chɛ a to, an ban‑da kɛn kun bɔ a ɔ daunɛ chɛ‑a, a‑a an ko dɔndɔ gbe chɛ an ma kɔpu wɛɛ a. A‑a a ya wan, mbɛ a ɔ, “N wii an nɛ. Yataa ɛ an ya tena, mbɛ a‑a dɔbɛn nama chɛ a 'a mɔɛ n na. Tima ɔ tima ko a, wo ni ma chɛ min‑da, wo yii na chii koe a n na.”

Gboo Ɛfisɔsi Ko A 1:7

Mmɔ mu mɔ dɔndɔɛ a, mmɔ bɛ Chasi chɛ an na. A na‑a mmɔ kun ka wan, a wii chɛ a min bɔ‑a, a fa tima a. Yataa‑a a boo bɔ wan mmɔ 'a ko yama n dɔ. Yataa 'a koadia demanɛ da a ko gba.

Gboo Kɔdɔsai Ko A 1:14

Mmɔ‑a kunka ma sɔn, mmɔ bɔ‑a mmɔ 'a ko yama n dɔ, koe min na mu, a 'a den chɛ, mɔ dɔndɔɛ mu gbɛ mmɔ a.

Gboo Kɔdɔsai Ko A 1:20

Yataa‑a a ɔ bɛn fan to, fen kɔ fen dunya chɛ ɔ, ni banda bu ɔ, Chisɔsi‑a a ma, an ma‑a a wan Yataa dia nyɔɛ n na. Yataa‑a chɛ ma wii chɛ an dɔ, Chisɔsi‑a min na bɔn kɔn gbengbandenɛ ma.

GBOO IBU MƆƐ N KO A 10:29

Ni tea mu chɛ a, fen koe ɛ na‑a ma‑a gbɛ mɔɛ chɛ a, min mbe ee a gbɔsɔ‑a Yataa 'a denɛ ko a? Yataa 'a dɔbɛn nama chɛ, Chisɔsi wii min bɔn‑da mmɔ 'a ko yama n ko a, mɔɛ min mbe ee a ya‑a fen kɔ fen na. Fen mbe ma‑a an mɔɛ chɛ a? Yataa Nyina, min mbe koadia demanɛ chɛ, mɔɛ min mbe a main. Fen mbe ma‑a an mɔɛ a? Wo wo yii na chii wɛ, ko yawaen chɛ a, Yataa ɛ min si‑a an mɔɛ chɛ a.

GBOO IBU MƆƐ N KO A 13:20

Yataa‑a a ma wan, mmɔ 'a mansa Chisɔsi‑a a kɔɔ sɔ, a ka saya ɔ. Mmɔ ɛ wan gbɛ yɔ sa nu, Chisɔsi ɛ miin kun ma fɛn. A‑a a wandi wii a bɔn fan, mmɔ ko a. Chɛ sin ma‑a wan dɔbɛn nama a, min mbe ma‑a kuɔ fɔ ko a. Chisɔsi wii chɛ 'a gbasaya ɔ, Yataa min mbe faa chima be,

GBOO IBU MƆƐ N KO A 9:28

A chia dɔndɔ gbe chɛ a mu, Chasi wɛɛ na‑a a wandi be gba dɔndɔ gbe wan, mmɔ 'a ko yama n ko a. Chɛɛ Chasi ɛ bɔ‑a wan to a a dunya chɛ ɔ, a gba fean bɔɛ ko a. A sin, a nɛnɛ ee ma‑a ko yama n fan bakoe a. Chɛɛ mɔɛ chɛ n fan kun ka koe mu, miin mbe a ma kɔn tena, an faa gbɛɛ a.

1 CHƆN 2:2

Chisɔsi chɛ an ma‑a yasi a mmɔ 'a ko yama n ko a. A sin, mmɔ 'a ko yama n dechee ko a ma, chɛɛ dunya gbɛɛ 'a ko yama n ko a.

KO Ɔ NUNDENƐ 7:14

Mbɛ n dɔ, “Kai, n ma ko ɔ sɔn chɛ ma. N mbe i wan dɔ tisa chɛ a.” Mbɛ a ɔ n ma, “Mɔɛ chɛ nu miin kun bɔ‑a ko gbɛama wa chɛ ɔ, an fan nɛ ka. An fan‑na an 'na koa n ko, an‑na an gbɛ fo, sa tɔngbɔɛ chɛ wii a.

KO Ɔ NUNDENƐ 7:9

Chɛ gbakɔ, mbɛ n‑na n ya a ta to, a yen ko, n‑na mɔ fanka wa yen, mɔ ee che an dan‑da. Mɔɛ chɛ n bɔ‑a wan chɛnyɛ kun kan kɔ kan dɔ, an bɔ‑a chɛnyɛ koɛ kan kɔ kan dɔ, ni dambi kan kɔ kan, a basan mɔ gbu kan kɔ kan na. An gbɛɛ ni wan sɔ ɔ, an ya a mundenɛ ɛ mansa sea chɛ ma, an ya a mundenɛ ɛ sa tɔngbɔɛ chɛ ma. An gbɛɛ ni koa gbɛ an dɔ, gbɛ nyanda bianɛ ɛ an boo a, buɔdia bɔɛ a.