MATIU 26:27 - Yataa 'a Dɔbɛnɛ Nama

²⁷ Mbɛ a‑a kɔpu ya, gbɛ ni min dɔ. Mbɛ a‑a Yataa wai bɔ, a‑a a be an ma, ɛ ta‑a a fɔ‑a, a ɔ, “Wo gbɛɛ, wo chɛ sima kai a a dɔndɔ dɔndɔɛ a.

MATIU 26:27 ပူးပေါင်းရင်းမြစ်များ

MATIU 15:36

An si‑a kɛn, a‑a biidi wɔnfea chɛ ya, a basan nyɛ mɛsɛ ɛnden chɛ a, mbɛ a‑a Yataa wai bɔ daun fen chɛ ko a. Mbɛ a‑a a ɔ kai kai, biidi chɛ basan nyɛ a, mbɛ a‑a a be a fɛ denɛ n ma, mbɛ an bɛɛ‑a a du du mɔɛ chɛ n gbɛɛ tɛtɛ ma.

MATIU 26:26

An mbe kɛn daun chɛ chɛ‑a, Chisɔsi‑a biidi dɔndɔ ya. Mbɛ a‑a Yataa ɔ tisa, a ni biidi chɛ dua. Mbɛ a‑a a ɔ kai kai, mbɛ a‑a a du du an ma, ɛ ta‑a a fɔ‑a, a ɔ, “N fandi gbu, n gboo an nɛ. Wo a bia, wo ni a daun.”

MATIU 26:28

A mu min na, n wii an nɛ, n mbe na tena min na bɔn‑da mɔ gbu gbɛɛ ko a, min mbe a ma, Yataa ni a boo bɔ wo 'a ko yama n dɔ. N wii chɛ, Yataa ɛ an ya tena, mbɛ a‑a dɔbɛn nama chɛ a 'a mɔɛ n na.

DUKU 22:20

An ban‑da kɛn kun bɔ a ɔ daunɛ chɛ‑a, a‑a an ko dɔndɔ gbe chɛ an ma kɔpu wɛɛ a. A‑a a ya wan, mbɛ a ɔ, “N wii an nɛ, n mbe min na bɔn tena wo ko a. Yataa ɛ an ya tena, mbɛ a‑a dɔbɛn nama chɛ a 'a mɔɛ n na.

GBOO SAA KƆYINDI KO A 10:16

Ni mmɔ ma‑a Mansa Chisɔsi 'a tebu chɛ ma, a yɛ to, ni mmɔ ma‑a gbɛ min‑da kɔpu chɛ ɔ, mmɔ‑a Yataa fai min dua koe a, mmɔ ɛ ma ka Chasi wii an ma sɔn‑da kuiɛ dɔndɔya ɔ. A sin to, ni mmɔ‑a biidi ɔ kai, mmɔ ni a daun, mmɔ ɛ ma‑a ka Chasi gboo an ma sɔn‑da kuiɛ dɔndɔya ɔ.

GBOO SAA KƆYINDI KO A 11:28

Chɛ an fɛ mu, mɔ ɔ mɔ ni a wandi faa ma mɛn pɛn, a e na to biidi chɛ daun‑da, a basan gbɛ chɛ min koe a.