MATIU 26:24 - Yataa 'a Dɔbɛnɛ Nama

²⁴ N fan, Mɔ Gbu 'a Denɛ, n mbe na tena wan fa‑a, yɔ a nyɛnden mu buɛ min dɔ Yataa 'a gboo ɔ, a si n ma. Chɛɛ ɛ yaua‑a gba mɔɛ chɛ ko a, min mbe n ma tachɛ‑a. Ni a nii ma suun ni, a ni nyan‑da wan a ko a.”

MATIU 26:24 ပူးပေါင်းရင်းမြစ်များ

MATIU 18:7

A yau gba mɔɛ n ko a dunya ɔ, a mu min na, koe n mbe wan nɔ, miin mbe an na dɛ‑a ko yama ma ɔ. Ko yama gbu n mbe ma wan, chɛɛ a yau gba mɔɛ chɛ ko a, min mbe a bɔ mɔ gbu a dɛ‑a ko yama ma ɔ.

MATIU 26:31

An che‑a kɛn Wodifi kɔnkɔɛ ɔ, mbɛ Chisɔsi ɔ, “Wo gbɛɛ, wo e na tena wan ka‑a n fɛ su chɛ ɔ. Koe min na mu, a nyɛnden fan mu Yataa 'a gboo ɔ, mbɛ ni Yataa‑a sa kun ma fɛn mɔɛ ya, mbɛ sa n dɔ ɛ fasan fan.

MATIU 26:54

Chɛɛ ni Yataa‑a chɛ ma, mbɛ a 'a gboo‑a min fɔ, mbɛ koe chɛ n mbe n tan‑da wan, a ee na‑a bɔ a a.”

MATIU 26:56

Chɛɛ chɛ gbɛɛ ɛ ma tena, min mbe a ma, Yataa 'a gbonka chɛ mɔɛ n na‑a miin nyɛn Yataa 'a gboo ɔ, an ni bɔ a a.” Mbɛ Chisɔsi fɛ denɛ n gbɛɛ, an‑na a dɔndɔ gbe to, mbɛ an ben‑da bui‑a.

MAKI 14:21

Koe min na mu, n fan, Mɔ Gbu 'a Denɛ, n mbe na tena wan fa‑a, yɔ a nyɛnden mu buɛ min dɔ Yataa 'a gboo ɔ, a si n ma. Chɛɛ ɛ yaua‑a gba mɔɛ chɛ ko a, min mbe n ma tachɛ‑a. Ni a nii ma suun ni, a ni nyan‑da wan a ko a.”

MAKI 9:12

Mbɛ Chisɔsi ɔ, “Tea gbu mu, Idaicha an mu ya ɔ sɔɛ a. An mbe ko ɔ ko sɔ‑a a chia ma. Chɛɛ a nyɛnden fan mu gbɛ Yataa 'a gboo ɔ, mbɛ n fan, Mɔ Gbu 'a Denɛ, n mbe mɔnɛ sɛsɛ ɔ bia‑a wan, mbɛ an ban‑da n dɔ. Fen ko a mu chɛ ɛ ma?

DUKU 22:22

N fan, Mɔ Gbu 'a Denɛ, n mbe na tena wan fa‑a, yɔ Yataa‑a a ɔ bɛn buɛ min dɔ. Chɛɛ koe chɛ miin mbe mɔɛ chɛ tan‑da, a yau gba a ko a, mɔɛ min mbe n ma tachɛ‑a.”

DUKU 24:46

Mbɛ a ɔ, “Chɛ an nyɛnden mu Yataa 'a gboo ɔ. Mbɛ n fan, kunka mansa, mbɛ n mbe tɔɔya ɔ bia‑a pɛn, mbɛ n‑na n kɔɔ sɔ gbɛ a ka saya ɔ, tee fea a sawan bɔɛ ma.

CHƆN 17:12

Tima min na nn bɛ ni an na, n na‑a an kun ma fɛn fan chɛndɛ chɛ. N na‑a chɛ ma i 'a gbasaya ɔ wan, i na‑a gbasaya min be n ma. A sin, n ma fo nin bɛ an dɔndɔ wɛɛ a. Chɛɛ an dɔndɔ mu dechee, i na‑a min bakoe fɔ, mbɛ a tana ɛ na‑a wan a wandi nimisa‑a. Chɛ ɛ ma‑a wan, min mbe a ma, min nyɛnden mu i 'a gboo ɔ, a ni bɔ a a.

CHƆN 19:24

A nɛnɛ wakoe, an nyɔn tɛ ɔ, an dɔ, “Mmɔ ma a a panda. Mmɔ chɛ fenɛ chɛ a ko a, mmɔ ni a ɔ yen mɔɛ min mbe a ma sɔn‑da.” An sin na‑a a ma ka wan. Chɛ ma‑a, min mbe a ma, Yataa 'a gboo na‑a bai min fɔ, a si Chisɔsi ma, a ni bɔ a a. Yataa 'a gboo‑a a fɔ wan, a ɔ, “An‑na n 'na koa n du wan an nyɔn tɛ ɔ, mbɛ an‑na chɛ fenɛ chɛ n 'na gbansanɛ sin ko a.”

CHƆN 19:28

Chisɔsi na‑a a ɔ sɔn fan, mbɛ tima chɛ a gbɛ, a ban‑da a 'a wai gbɛɛ chɛ‑a, a ni min chɛ. A sin, min mbe a ma Yataa 'a gboo‑a bai min fɔ, a ni bɔ a a, mbɛ a ɔ, “N kanɛ a gbaa‑a.”

CHISƆSI 'A SƆ MƆƐ NU 2:23

Chɛ e na to ma‑a, Yataa wandi gbu na‑a a ɔ bɛn fan gbae a faa gbɛɛ a, mbɛ tima ɛ che‑a wan Chisɔsi ni be wo ma. A sin, wo e a ma‑a wan, mɔɛ miin mbe ee don Yataa 'a sawa kɔɔ, an ni a gbangban kɔn gbengbandenɛ ma, a ni fa nɔ.

CHISƆSI 'A SƆ MƆƐ NU 28:23

Mbɛ an‑na tee yian Pɔɔ a, an mbe bɛn tee min ma, a yia chenɛ a. An tee chɛ che‑a kɛn, an na‑a wan a tena, an da a koaen ba. Mbɛ a ka sau ma ma, aan yɛɛ ma tee a, Pɔɔ si‑a wan ko ɔ ko ma, a‑a a ɔ yian mɔɛ chɛ n na. Pɔɔ‑a bai ɔ yian fan, a si Yataa 'a mansaya ma, an yiima mun koe a Chisɔsi tena. A‑a bai chɛ bɔ sawa chɛ an dɔ, Yataa‑a miin be Mosisi ma, a basan gboo chɛ ɔ a, Yataa 'a gbonka chɛ mɔɛ n 'na gboo chɛ.

CHISƆSI 'A SƆ MƆƐ NU 4:28

An na kan‑da wan kaina dɔndɔ, min mbe a ma, an ni koe chɛ n dɔ bɛn, miin dɔ bɛnden ni gbɛ i boo ɔ, yɔ i toen ni a a buɛ min dɔ.

GBOO SAA KƆYINDI KO A 15:3

A nyɛnden mu buɛ min dɔ Yataa 'a gboo ɔ, n‑na a a ben ka wan wo tena. Chɛ an mu koe chenama saa saa a, a ɔ gbɛ koe a. Mbɛ Chasi fa‑a mmɔ 'a ko yama n fan ko a.