MATIU 26:18 - Yataa 'a Dɔbɛnɛ Nama

¹⁸ Mbɛ Chisɔsi‑a a fɔ an ye, a ɔ, “Wo ta kamin chɛ tena duu ɔ. Ni wo ta‑a, wo a fɔ a ye, wo ɔ, n dɔ te, n 'na tima che‑a. Mbɛ a sin, n mbe kun bɔ a ɔ daunɛ chɛ tena nɔ wan a waa chenɛ a, mmɔ bɛ wo a.”

MATIU 26:18 ပူးပေါင်းရင်းမြစ်များ

MATIU 21:3

Ni mɔ ɔ mɔ‑a wo ɔ tisa, wo a fɔ a ye, wo ɔ, mansa an mbe a ma gbɔsɔɛ bɔ tena a a. Wo ɔ, ni n ban‑da dechee, n mbe an na yɛ‑a wan dɔndɔ gbe.”

MATIU 23:10

Wo ma a ma mɔ ɔ mɔ ni wo chee, kun ti a. A mu min na, mɔ dɔndɔ gbe an mbe nɔ, min mu wo kun ti a. An nɛ n na, n fan, kunka mansa.

MATIU 23:8

Chɛɛ wo dɔndɔ wɛɛ ma dɔn mɔɛ n ni wo chee, kan mɔ, koe min na mu, wo gbɛɛ mu mɔ dɔndɔɛ n fan na. A sin, kan mɔ dɔndɔ gbe an mbe wo ko a.

MATIU 26:19

Chisɔsi fɛ den chɛ n ta‑a wan, mbɛ an‑na a ma, yɔ a‑a min fɔ an ye a ma koe a. Mbɛ an‑na daun fen chɛ gbu ɔ bɛn, kun bɔ a ɔ bɛn chɛ ko a.

MATIU 26:2

“Wo‑a a ɔ sɔn fan, mbɛ a to‑a bi tee fea, mbɛ kun bɔ a ɔ bɛnɛ tima chɛ che‑a. A tima chɛ a, n fan, Mɔ Gbu 'a Denɛ, an mbe n be‑a wan mɔɛ chɛ n ma, miin mbe n fa‑a kɔn gbengbandenɛ ma.”

MATIU 26:49

Chɛ an‑na a ma, Chudasi‑a a fo kɛn, mbɛ a ta‑a Chisɔsi tan a ya kɔɔɛ a. Mbɛ a‑a a fɔ, a ɔ, “Kan mɔ, en wua,” mbɛ a‑a a kɔndɔn.

MAKI 5:35

Chisɔsi to‑a koɔ tena wan musu chɛ tena, mbɛ sɔ mɔɛ na‑a, a ka Chayɔsi 'a chenɛ a. Mbɛ a ɔ, a 'a den musuenɛ gbu fa‑a, a ma na sɔ to ticha tɔɔya‑a ta koe a nɔ.

DUKU 22:53

Mmɔ‑a tee sɛsɛ wa chɛ gbɛɛ ban Yataa 'a kata ɔ, wo ma n bia ni. Chɛɛ wo ta tima an che‑a ka wo faa ma koe ma koe a, tima min na Sitana 'a gbasaya ɛ wɛ dunya chɛ kun ma.”

CHƆN 11:28

Bai chɛ n fɔenɛ gbakɔ, mbɛ Mata yɛ‑a, a‑a a dɔ Mɛi chee. Mbɛ an fea gbe tɛ ɔ, a ɔ, “Mmɔ 'a ticha na‑a, a sin, a toen mu a ni i yen.”

CHƆN 12:23

Mbɛ Chisɔsi ɔ, “Tima che‑a gbɛ sanche, Yataa ni a ɔ yian, n fan, Mɔ Gbu 'a Denɛ, n kamayaen mu buɛ min dɔ.

CHƆN 13:1

Tima ni gbɛ che koe an na, kun bɔ a ɔ bɛn chɛ kuu sɔ koe a. Chisɔsi na‑a a ɔ sɔn fan, mbɛ tima an ni ka gbɛ che‑a, a ni dunya chɛ to, a ni yɛ a fa tena. Mɔɛ miin ni a fɛ dunya chɛ ɔ, a na‑a to wan an na tima ɔ tima ko a. A sin, mmɔ ɛ na tena a ɔ yen‑da, a to‑a buɛ min dɔ an na, a da faenɛ ɔ gban.

CHƆN 17:1

Chisɔsi ban‑da kɛn bai chɛ n fɔ‑a a fɛ denɛ n ye, mbɛ a‑a a ya a si banda a, a‑a samunɛ chɛ, a ɔ, “Fa, tima gbu che‑a. A ma mɔɛ n ni a ɔ yen, n kamayaen mu buɛ min dɔ, mbɛ n bɛɛ, n‑na a ma, mɔɛ n‑na i ta kamaya wɛɛ ɔ yen.

CHƆN 20:16

Mbɛ Chisɔsi‑a a chee a tɔɛ ma, a ɔ, “Mɛi.” Mbɛ Mɛi‑a a kunɛ kɔɔ sɔ a tena, mbɛ a ɔ, “Ticha.”

CHƆN 7:30

Chisɔsi kuiɛ chɛ gbakɔ, mɔɛ chɛ dɔ n toen ni an ni a bia fɔin. Chɛɛ mɔ ɔ mɔ ma a boo tu ni a a. Koe min na mu chɛ ma‑a, tima nii ma chɛ a, tima min yianden ni a 'a fɔɛ ɔ, a bia koe a.

CHƆN 7:6

Mbɛ Chisɔsi ɔ an ma, a ɔ, “Wo tana tima ee wo ko a, tima min kɔ min nyin fan, wo ta koe a. Chɛɛ n tana, tima gbu ma che nin bɛ n ko a, n ta ta koe a.

CHƆN 7:8

Wo e ka wɛ ta‑a Chuusaɛn bɛn chɛ ɔ. N mbe ee ta tena wɛ, koe min na mu, n ta tima gbu ma che nin bɛ, ta koe a.”