MATIU 26:10 - Yataa 'a Dɔbɛnɛ Nama

¹⁰ Chɛɛ Chisɔsi na‑a a ɔ sɔn fan, mbɛ an faa tɛen fan ni. Mbɛ a‑a a fɔ an ye, a ɔ, “Wo wo boo ka musu chɛ a. Fen ko a mu, wo e a ma bɔ tena? A‑a ko ma kawaen ba an ma ka n tena.

MATIU 26:10 ပူးပေါင်းရင်းမြစ်များ

MATIU 26:11

A mu min na, yɔn tɔɛ n mbe ma‑a wan wo tɛ ɔ. Chɛɛ n tana, n mbe ee ma‑a wo tɛ ɔ tima ɔ tima ko a.

MATIU 26:9

Koe min na mu, a ni a ma tachɛ wan bɛɛ kɔpɔ sɛmbɛnden na, mbɛ a‑a a be yɔn tɔɛ n ma.”

MAKI 14:6

Chɛɛ Chisɔsi ɔ, “Wo a to nɔ dechee. Fen ko a, wo e a ma nyin tena? A‑a koe min ma ka n na, a ma kawaen mu.

DUKU 8:49

Chisɔsi to‑a koɔ tena wan musu chɛ tena, mbɛ sɔ mɔɛ na‑a a ka Chayɔsi 'a chenɛ a. Mbɛ a ɔ, a 'a den musuenɛ gbu fa‑a, a ma na sɔ to ticha tɔɔya‑a ta koe a nɔ.

GBOO FEAN BƆƐ KƆYINDI KO A 9:8

A sin, Yataa kundenɛ mu, a ni mɔɛ kɔ boo fen chɛndɛ a, a ɔ benden ba a. Chɛ ni a ma, a mɔɛ chɛ toen mu fenɛ min na tima ɔ tima ko a, a ni ma a boo ɔ. A sin gbu, fenɛ ɛ ma‑a wan a boo ɔ, ko kan kɔ kan ma koe a, min nyin a ma koe a.

Gboo Kadesia Ko A 1:7

N mbe ee a gbu fɔ tena, mbɛ sakana bai chɛndɛ dɔ mende an mbe to nɔ. Chɛɛ mɔɛ dɔ n fan mbe nɔ, miin mbe wo tɔɔ tena. An toen mu, an ni sakana bai chɛndɛ chɛ, a si Chisɔsi ma, a ka a chia ma.

Gboo Kadesia Ko A 5:12

Ɛ wan n yii ma, mbɛ mɔɛ miin mbe ka wo yiima ɔ basan basan tena, an mbe an fandi ma‑a wan kai busi a.

Gboo Kadesia Ko A 6:17

A ka gbɛ sanche ma, aan a ta, mɔ ɔ mɔ ma n ya kɔɔ tawa. Koe min na mu, paa, an mbe n gboo ma, min mbe a ɔ yian, mbɛ Chisɔsi 'a yɔnɛ mu n na.

Gboo Ɛfisɔsi Ko A 2:10

Koe min na mu, Yataa boo gba mu mmɔ a. A‑a mmɔ a dan, koe min na mu, mɔ dɔndɔɛ mu mmɔ a, mmɔ bɛ Chisɔsi a, mmɔ chɛ chɛ wai chɛndɛ ko a. Mmɔ chɛ chɛ wai chɛ nu, Yataa‑a miin to mmɔ ya ɔ, mmɔ ni tachɛ an chia chɛ n na.

Gboo Kɔdɔsai Ko A 1:10

Chɛ ɛ a ma‑a wan, wo ni kosan tachɛ‑a fɔɛ ɔ, min mbe nyan Mansa Chisɔsi tena, a faa ni chima a da faenɛ ɔ. Tima ɔ tima, wo e ko chɛndɛ sɛsɛ ma‑a wan. Wo 'a yiimatɛ ma ni mun‑da a si Yataa wakoe ma.

GBOO FEAN BƆƐ TƐSADONIKA KO A 2:17

A ni wo faa ma nande, wo ɔ ni gbɛa. Chɛ ni a ma, tima ɔ tima ko a, wo ni bai sa min nyin, a yɛ to, wo ni koe ma min nyin.

1 TIMOTI 3:1

Tea bai yen ko, ni mɔɛ toen mu ya ɔ sɔ ya a chɔchi ɔ, a‑a wai chɛndɛ an ya ka.

1 TIMOTI 5:10

Mɔɛ n sin mbe a bai wan a 'a ko chɛndɛ maenɛ wɛɛ ko a, min ni a ɔ. Mbɛ musu mu a a, min‑na a 'a denɛ n bɔ a ɔ chɛndɛ chɛ, a‑a a boo si sonda n kɔɔ a 'a chenɛ a, a‑a ko chɛndɛ sɛsɛ ma Chisianɛ n na. Mɔɛ miin bɛ ni yakɔɔtawa ɔ, a‑a an deman, a sin‑na a wandi be ko chɛndɛ ma a a.

2 TIMOTI 2:21

A chia dɔndɔ gbe chɛ a, mɔɛ min mbe a wandi boo a ko‑a ko yama ma a, baa ɛ ma‑a wan a ma Yataa tena. A mu min na, ɛ tenchen a kun ti an ko a, a sin ma gbɔsɔɛ ɛ wan a ma. A mɔɛ tana, a ma bɛnden fan mu wai chɛndɛ chɛ koe a.

TAITƆSI 1:16

An‑na Yataa sɔnɛ ɛ an da ɔ wan, chɛɛ a ee an sɔnɛ ɔ. An ma nyin, an mbe ee Yataa 'a sawa ya, an sin ma nyin fen kɔ fen ko a.

TAITƆSI 2:14

A wɛn‑na a wandi be mmɔ ko a, mmɔ bɔ koe a ko yama n dɔ, mmɔ ni ma mɔ ma koenɛ n na. Mmɔ ni ma a ta mɔɛ n na tenchen, mmɔ ma bɛndenɛ ni ma ko chɛndɛ ma koe a.

TAITƆSI 3:1

A fɔ to an ye an ni don mansa n kɔɔ, a basan ya ɔ sɔɛ n na, an ni kooya be an ma, an ni an ma bɛn ko chɛndɛ ma koe a chia ɔ chia a.

TAITƆSI 3:14

A yɛ to, mmɔ 'a mɔɛ n ni an mayan ko chɛndɛ ma bia koe a an boo fea a, min mbe a ma, an ni che an fandi deman‑da ko gbɛa tima a, an ma na ma tataya tɔɛ n na.

TAITƆSI 3:8

Tea bai an nɛ, n mbe ka min fɔ tena. N toen mu i ni koe chɛ n ma i ma gbɔsɔɛ a, min mbe a ma, mɔɛ miin kai faen mu Yataa a, an ni tachɛ gbee chɛ a. Chɛ ɛ a ma‑a wan, an ni ko chɛndɛ ma bia an boo fea a, min nyin. A sin, tɔnɔnɛ ɛ wan a ɔ, mɔ ɔ mɔ ko a.

GBOO IBU MƆƐ N KO A 13:21

a ni basan wo ma chia ɔ chia a, wo toen mu min na, a faa ma koe ma koe a. A sin ni a ma, Chisɔsi Chasi 'a gbasaya ɔ, mmɔ ni ko ɔ ko ma, min mbe a faa chima. A sin, tando ni ma Chasi tɔɛ ma, kuɔ fɔ ni kuɔ fɔ ko a. A ni ma ka.

1 PITA 2:12

Wo sɔnɛ n ma ni kawa mɔɛ chɛ n tɛ ɔ, miin ma Yataa sɔn. An mbe a ma‑a, ni mɔɛ n‑na wo chee wɛɛ ko yama ma mɔɛ n na, an mbe wo sɔn chɛndɛ chɛ yen‑da wan. Chɛ an mbe a ma‑a an ni tando be Yataa ma, a na tee ma.