MATIU 24:6 - Yataa 'a Dɔbɛnɛ Nama

⁶ Wo e chɛɛ ma tɔɛ a min‑da wan wo a tindanɛ, wo ni chɛɛ ma tɔɛ a min pɔɔ. Koe chɛ n mbe ma‑a wan, chɛɛ wo ma chian. Chɛ ni ma wɛɛ, a ee a ɔ yian, mbɛ tima che‑a dunya ban koe a.

MATIU 24:6 ပူးပေါင်းရင်းမြစ်များ

MATIU 2:3

Mansa Ɛdɔdi‑a chɛ a min kɛn, a ma‑a wan a ma faayɔn ba a, an bɛ Chuusaɛn mɔɛ n gbɛɛ a.

MATIU 24:14

Mbɛ a sin, sakana bai chɛndɛ chɛ, a si Yataa 'a mansaya ma, mɔɛ n mbe a ɔ yian‑da wan mɔɛ gbɛɛ a dunya gbɛɛ ɔ. Chɛ ɛ a ma‑a wan, mɔɛ n ni sakana bai chɛndɛ chɛ a min chɛnyɛ koɛ kan kɔ kan dɔ. A sin, a tima a mu dechee, dunya ɛ danka‑a.”

MATIU 26:54

Chɛɛ ni Yataa‑a chɛ ma, mbɛ a 'a gboo‑a min fɔ, mbɛ koe chɛ n mbe n tan‑da wan, a ee na‑a bɔ a a.”

DUKU 21:19

Ni wo sɔ‑a gban, wo e kun‑da wan wo ni kuɔ fɔ fɔɛ ma sɔn wo wandi ko a.”

DUKU 21:9

Ni wo sin‑na chɛɛ n ma tɔɛ a min, a basan butuinɛ n bɛɛ a, wo ma chian. Koe min na mu, koe chɛ n pɛn pɛn fan mbe ma‑a. Chɛɛ chɛ an mbe ee a ɔ yian‑da, mbɛ tima gbu che‑a.”

DUKU 22:37

Wo e chɛ ma‑a koe n na, Yataa 'a gboo‑a a fɔ wan, a ɔ, mɔɛ n mbe n bia‑a wan, yɔ an mbe sawa yɔn mɔ wa chɛ n bia buɛ min dɔ. N ni a ma din wo tena, mbɛ chɛ sin fan mbe ma‑a. Koe min na mu, ko ɔ ko min nyɛnden mu, a si n ma, ɛ bɔ‑a wan a a.”

CHƆN 14:1

Mbɛ Chisɔsi ɔ an ma, a ɔ, “Chɛ ma wo faa mɔnɛ. Wo a a tun wo kai fa koe a Yataa a, wo ni a a tun wo kai fa koe a n bɛɛ a.

CHƆN 14:27

“N mbe wo to tena faachima an dɔ. Faachima min nyɔn sima ɛ n dɔ, n mbe an be tena wo ma. N ta faachima, n mbe min be, a ee ka yɔ dunya chɛ ɔ nɛnɛ. Wo ma ma faamɔnɛ ɔ, a sin to, wo ma chian, a si koe chɛ n ma, miin mbe ma‑a.

GBOO FEAN BƆƐ TƐSADONIKA KO A 2:2

Nn ma to ni wo 'a fiienɛ ni ma, a si a ma. Wo ma don faagbaa ɔ, ni mɔɛ dɔ n‑na a fɔ wo ye, mbɛ Mansa Chisɔsi na tee wa gbu che‑a. Kɔkɔɛ ɛ wan an mɔɛ chɛ n yii ma, mbɛ nn na‑a chɛ fɔ wo ye chia chɛ an na. A ni ma kɔɛ tima chɛ a, nn ni bai chɛ fɔ tena tima min na, Yataa na‑a min fɔ nn ye, a fɔ koe a mɔɛ n ye. Chɛ ma, tima chɛ a, da ɔ sakana gbama mu, nn‑na min na ben gboo nyɛndenɛ ɔ.

KO Ɔ NUNDENƐ 6:4

Mbɛ soo dɔ mende bɔ‑a a a to, a yawaenɛ yɔ ta. Mɔɛ min ni si ɔ soo chɛ kun ma, gbasaya been ni an ma, na koe a chɛɛ a dunya ma. A ni a ma, mɔɛ n ni an nyɔn fa. Chɛɛ chɛ mɛ wa, an been ni a ma.