MATIU 24:44 - Yataa 'a Dɔbɛnɛ Nama

⁴⁴ Chɛ an‑na a fɔ, wo ma bɛndenɛ ni ma tima ɔ tima ko a. A mu min na, wo ee na‑a tee sɔn‑da, n fan, Mɔ Gbu 'a Denɛ, n mbe na‑a tee min ma.”

MATIU 24:44 ပူးပေါင်းရင်းမြစ်များ

MATIU 24:27

Koe min na mu, n fan, Mɔ Gbu 'a Denɛ, n mbe na‑a wan mɔ ɔ mɔ ni n yen, yɔ mɔ ɔ mɔ ɛ banda manɛ yen buɛ min dɔ, ni a man‑da mia banda a.

MATIU 24:42

“Chɛ an‑na a fɔ, wo wo kun ma fɛn, a mu min na, wo ma tee sɔn, tee min na, wo 'a mansa ɛ na‑a.

MATIU 24:43

Ni chen ti na‑a a ɔ sɔn fan, tima min na mu, kanka ɛ na su ɔ, a nii dɔn‑da a ni chinɔ. A ni ma‑a wan a ya a aan, min ni a ma‑a, kanka chɛ nii a 'a chenɛ da yɔn, a ni don.

MATIU 25:10

Mbɛ sunkun tɔngbɔɛ chɛ nu, miin yiima nii ma tɛ ni ka, an ta‑a tu san tena. An ta‑a kɛn, mbɛ mɔ kaima min ni na tena ka musu si‑a, a na‑a an gbaa. Sunkun tɔngbɔ duu chɛ nu, miin ma bɛnden ni ka, an fan don‑da an bɛn chɛ ɔ, an bɛ kai chɛ n na. An don‑da kɛn, mbɛ an‑na chenɛ da a tɔn an gbaa chia a.

MATIU 25:13

Mbɛ Chisɔsi ɔ te gbɛ, “Chɛ an‑na a fɔ, wo wo kun ma fɛn. Koe min na mu, n fan, Mɔ Gbu 'a Denɛ, wo ma tee chɛ sɔn, n mbe na‑a min ma, n mbe ee baa tima chɛ ma, n mbe na‑a min kɔɔ.”

DUKU 12:39

Chɛɛ n ni a ma din wo tena, mbɛ ni chen ti ɛ a ɔ sɔn fan tima min na kanka ɛ na‑a a kanka koe a, a ee dɔn kanka ni a 'a chenɛ te, a ni don nɔ.

DUKU 12:40

A sin wo wɛɛ, wo wo ma bɛn, koe min na mu, n fan, Mɔ Gbu 'a Denɛ, n mbe na‑a wan tima ɔ tima, wo yii n mbe ee na‑a ma‑a min dɔ n na koe a.”

DUKU 21:36

Chɛ an‑na a fɔ, wo wo kun ma fɛn, a yɛ to, wo samunɛ chɛ tee ɔ tee a. Wo samunɛ chɛ, wo ni gbasaya ma sɔn koe chɛ n gbɛɛ ɔ bia koe a, miin mbe na tena wo tan‑da, mbɛ wo‑a an dɔ tandin. A yɛ to, wo samunɛ chɛ, wo ni che sɔ‑a n chen kɔɔ, wo kunɛ kɔɔ sɔenɛ a, n fan, Mɔ Gbu 'a Denɛ, n mbe na‑a tima min na.”

Gboo Fiipai Ko A 4:5

Mansa Chisɔsi na tima ɔ ma yansan to. Wo a ma, mɔ ɔ mɔ ni a ɔ sɔn, wo faa chimaen mu buɛ min dɔ.

CHIMISI 5:9

N suun ma nyɔɛ nu, wo ma gbonyɛ wo nyɔn na. Wo ma chɛ ma, Yataa wɛɛ ma na kaa a tɛ, a si wo ma. A yen ko, kaa a tɛ mɔɛ gbu ɛ sɔ ɔ chenɛ da a.

KO Ɔ NUNDENƐ 19:7

Mmɔ bu ɔ ni dia, mmɔ ni buɔdia wa bɔ, mmɔ ni basɔmaya be a ma. Sa tɔngbɔɛ 'a musu fuu tima che‑a, a sin, a 'a sɛnama‑a a ma bɛn, a fuu koe gbu a.