MATIU 24:43 - Yataa 'a Dɔbɛnɛ Nama

⁴³ Ni chen ti na‑a a ɔ sɔn fan, tima min na mu, kanka ɛ na su ɔ, a nii dɔn‑da a ni chinɔ. A ni ma‑a wan a ya a aan, min ni a ma‑a, kanka chɛ nii a 'a chenɛ da yɔn, a ni don.

MATIU 24:43 ပူးပေါင်းရင်းမြစ်များ

MATIU 14:25

Mbɛ sayi ma pimbi ɔ, tɛ kɔnɛ saa n konchee tima a, Chisɔsi tachɛ‑a yii a tan den tan den, mbɛ a ta‑a a fɛ denɛ n tan.

MATIU 20:11

An‑na pawa chɛ be kɛn an ma, an gbonyɛ‑a wan kaka yadi ti chɛ a.

MATIU 24:42

“Chɛ an‑na a fɔ, wo wo kun ma fɛn, a mu min na, wo ma tee sɔn, tee min na, wo 'a mansa ɛ na‑a.

MATIU 24:44

Chɛ an‑na a fɔ, wo ma bɛndenɛ ni ma tima ɔ tima ko a. A mu min na, wo ee na‑a tee sɔn‑da, n fan, Mɔ Gbu 'a Denɛ, n mbe na‑a tee min ma.”

MATIU 25:10

Mbɛ sunkun tɔngbɔɛ chɛ nu, miin yiima nii ma tɛ ni ka, an ta‑a tu san tena. An ta‑a kɛn, mbɛ mɔ kaima min ni na tena ka musu si‑a, a na‑a an gbaa. Sunkun tɔngbɔ duu chɛ nu, miin ma bɛnden ni ka, an fan don‑da an bɛn chɛ ɔ, an bɛ kai chɛ n na. An don‑da kɛn, mbɛ an‑na chenɛ da a tɔn an gbaa chia a.

MATIU 25:13

Mbɛ Chisɔsi ɔ te gbɛ, “Chɛ an‑na a fɔ, wo wo kun ma fɛn. Koe min na mu, n fan, Mɔ Gbu 'a Denɛ, wo ma tee chɛ sɔn, n mbe na‑a min ma, n mbe ee baa tima chɛ ma, n mbe na‑a min kɔɔ.”

MAKI 13:35

Chɛ an‑na a fɔ, wo ma bɛndenɛ ni ma tima ɔ tima ko a. Koe min na mu, wo ma a ɔ sɔn, chen ti chɛ ɛ na‑a tima min na, yɛɛ ma tee a mu, chɛ ma, su tɛ, chɛ ma, tɛ kɔnɛ konchee tima a sayi ma, chɛ ma, sau ma.

MAKI 6:48

Sayi ma pimbi ɔ, tɛ kɔn saa n konchee tima a, Chisɔsi‑a a ɔ yen fan, mbɛ a fɛ denɛ n ni tɔɔya tena wan an 'na dɛndɛ wii koe a. Koe min na mu, an ni ta tena fia ya teen ma wan. Chɛ na‑a a ma wan, Chisɔsi tachɛ‑a yii chɛ a tan den tan den, a ta a fɛ den chɛ n tena. Ɛnden fan na‑a to, a ni ben an ma.

DUKU 12:38

Ni a na‑a su tɛ wɛɛ, ni a na‑a sayi ma pimbi wɛɛ ɔ a, ɛ miin tan‑da an ya a, ɛ ma‑a an ma buɔdia wa an na.

DUKU 12:39

Chɛɛ n ni a ma din wo tena, mbɛ ni chen ti ɛ a ɔ sɔn fan tima min na kanka ɛ na‑a a kanka koe a, a ee dɔn kanka ni a 'a chenɛ te, a ni don nɔ.

DUKU 21:36

Chɛ an‑na a fɔ, wo wo kun ma fɛn, a yɛ to, wo samunɛ chɛ tee ɔ tee a. Wo samunɛ chɛ, wo ni gbasaya ma sɔn koe chɛ n gbɛɛ ɔ bia koe a, miin mbe na tena wo tan‑da, mbɛ wo‑a an dɔ tandin. A yɛ to, wo samunɛ chɛ, wo ni che sɔ‑a n chen kɔɔ, wo kunɛ kɔɔ sɔenɛ a, n fan, Mɔ Gbu 'a Denɛ, n mbe na‑a tima min na.”

KO Ɔ NUNDENƐ 16:15

Chisɔsi na‑a a fɔ wan, a ɔ, “A yen ko, n mbe na‑a wo tɛnɛ‑a wan yɔ kanka. Mɔ ɔ mɔ min mbe ma‑a a ya a, ɛ a 'a koa n kun ma fɛn‑da wan. Chɛ ɛ a ma‑a wan, a ee ben‑da a ma senɛ a, a ni mau fanka ɔ den. A mɔɛ chɛ duaen mu.”

KO Ɔ NUNDENƐ 3:3

Chɛ an‑na a fɔ, wo wo yii na chii, wo kan‑da min na, a yɛ to, wo‑a min na min. Wo wo too ma sɔ a ma, wo ni wo kan kɔ sɔ wo 'a ko yama n na. Ni wo ma wo kunɛ kɔɔ sɔ ni, n mbe na‑a wo tɛnɛ‑a wan, yɔ kanka ɛ a ma buɛ min dɔ. Wo ee na‑a tima gbu wɛɛ sɔn‑da, n mbe na‑a tima min na, wo tɔɔya koe a.