MATIU 24:27 - Yataa 'a Dɔbɛnɛ Nama

²⁷ Koe min na mu, n fan, Mɔ Gbu 'a Denɛ, n mbe na‑a wan mɔ ɔ mɔ ni n yen, yɔ mɔ ɔ mɔ ɛ banda manɛ yen buɛ min dɔ, ni a man‑da mia banda a.

MATIU 24:27 ပူးပေါင်းရင်းမြစ်များ

MATIU 16:27

Chɛ an fɛ mu, wo ma ka n fɛ. Koe min na mu, n fan, Mɔ Gbu 'a Denɛ, n mbe na‑a wan to dunya chɛ ɔ, nn bɛ n 'na maeka n na. Ni nn sin ma‑a na‑a, nn mbe ma‑a wan man‑da Fa Yataa 'a manɛ a. An tima chɛ a, n mbe mɔ ɔ mɔ pawa‑a wan a 'a wai ko a, ɛ min chɛ‑a.

MATIU 16:28

N ni a ma din wo tena, mbɛ mɔɛ dɔ nu nɛ sɔ ɔ sanche, an mbe ma‑a wan fɔɛ ɔ aan an ni chɛ ɔ yen. An mbe a ɔ yen‑da wan n fan, Mɔ Gbu 'a Denɛ, n mbe na‑a tima min na n 'na mansaya ɔ.”

MATIU 24:26

“Chɛ an fɛ mu, ni mɔɛ n n‑na a fɔ wo ye, an dɔ, wo ni wo ya a ta, wo ni kunka mansa yen fuinɛ ma, wo ma ta nɔ. Ni an‑na a fɔ, an dɔ, a yen ko nun dɔ dumu chɛ ɔ, wo ma dan a wɛɛ a.

MATIU 24:3

Chɛ gbakɔ, Chisɔsi ni wan si ɔ Wodifi kɔnkɔɛ kun ma, mbɛ a fɛ denɛ n na‑a a tena. Mbɛ an dechee a nɔ, an dɔ, “I‑a bai miin fɔ ka, a ɔ yian nn na, ni sɔyɔ mu koe chɛ n mbe ma‑a. Nn mbe a ɔ sɔn‑da ka ma, mbɛ dunya danka che‑a, i na koe a? A tɔmɔsi ɛ ma‑a fen na?”

MATIU 24:37

Tima min na, n fan, Mɔ Gbu 'a Denɛ, n mbe yɛ‑a dunya chɛ ɔ to, koe n mbe ma‑a ka wan, yɔ an ni buɛ min dɔ Nowa 'a tima a.

MATIU 24:39

A sin, mɔɛ chɛ n nii ma ko ɔ ko ɔ sɔn ni, aan yii‑a dunya gbɛɛ a tunɛ, mbɛ a‑a an gbɛɛ fa. Ɛ ma‑a ka wan to an tee chɛ ma, tee min ma, n fan, Mɔ Gbu 'a Denɛ, n mbe na‑a tee min na.

MATIU 24:44

Chɛ an‑na a fɔ, wo ma bɛndenɛ ni ma tima ɔ tima ko a. A mu min na, wo ee na‑a tee sɔn‑da, n fan, Mɔ Gbu 'a Denɛ, n mbe na‑a tee min ma.”

MATIU 8:20

Mbɛ Chisɔsi ɔ, “Sonɛ n mbe fia ɔ, soe n boo ɔ, a sin konde n bɛɛ nyanɛ n mbe. Chɛɛ kaina kan kɔ kan mbe ee n boo ɔ, n fan, Mɔ Gbu 'a Denɛ, n mbe n gbɛnku kaina n ni n suin.”

CHIMISI 5:8

A nyin wo wɛɛ, wo ni wo faa bia. Wo faa n ma yɔn, a mu min na, mmɔ 'a mansa Chisɔsi Chasi na tima ɔ ma yansan to.

2 PITA 3:4

An mbe a fɔ‑a wan, an dɔ, Chasi na koe min mbe a ɔ, an dɔ, an gbu ee a yen. An dɔ, chɛ an to‑a ka ɔ aan, an dɔ, an bemba n ta bemba n ka‑a banda kun ma. An dɔ, chɛɛ ko ɔ ko ma ka ni a gba kun ma, an dɔ, kɛn dunya a dan tima ma.