MATIU 24:25 - Yataa 'a Dɔbɛnɛ Nama

²⁵ Wo‑a ɔ yen gbɛ, mbɛ koe miin mbe na tena ma‑a, n ban‑da an dɔ yian‑da wo a.

MATIU 24:25 ပူးပေါင်းရင်းမြစ်များ

MATIU 10:16

Chisɔsi‑a a fɔ a 'a sɔ mɔɛ n ye, a ɔ, “N yen ko wo a ta‑a, wo e ma‑a wan nɔ yɔ ni sa bɔ‑a kui n tɛ. Chɛ an‑na a fɔ, wo yiima a ni sɛn. A yɛ to, wo ni tea a tachɛ ko ɔ ko ɔ, wo e min ma‑a.

MATIU 24:24

A mu min na, fania kunka mansa an mbe na‑a wan, an basan fania fɔ mɔɛ n na, miin mbe an fandi ya Yataa 'a gbonka chɛ mɔɛ n na. An mbe kamaya koe n ma‑a wan, an ni koe tɔmɔsi n yian, mɔɛ n woo koe a. Ni an mbe kun fan, an mbe mɔɛ chɛ n bɛɛ woo‑a wan, Yataa‑a a boo sɔ miin ma, ma koe a a 'a mɔɛ n na.

MATIU 24:26

“Chɛ an fɛ mu, ni mɔɛ n n‑na a fɔ wo ye, an dɔ, wo ni wo ya a ta, wo ni kunka mansa yen fuinɛ ma, wo ma ta nɔ. Ni an‑na a fɔ, an dɔ, a yen ko nun dɔ dumu chɛ ɔ, wo ma dan a wɛɛ a.

DUKU 21:13

Chɛɛ chɛ an mbe ma‑a tima a wo ko a, wo ni Yataa 'a sakana bai chɛndɛ ɔ yian mɔɛ chɛ n na.

CHƆN 16:1

“N mbe chɛ gbɛɛ ɔ yian tena wo a, min mbe a ma, wo ma na sɛmbɛ wo kai fa koe a n na.

GBOO FEAN BƆƐ KƆYINDI KO A 13:2

N‑na wo a si wan, n 'na gba fean bɔɛ ɔ, wo kɔndɔn‑da. N‑na wo a si wan, wo wɛn na‑a ko yama ma, a kɔma a, a basan mɔɛ tɔɛ n gbɛɛ a. Chɛɛ n mbe a fɔ‑a wan to sanche, mbɛ n mbe ee ka buɛ min dɔ wo tɛ ɔ, mbɛ n mbe na‑a to tima min na, mɔ ɔ mɔ kun mbe ee bɔ‑a tɔɔya ɔ.