MATIU 24:21 - Yataa 'a Dɔbɛnɛ Nama

²¹ Koe min na mu, an tima chɛ a, ko yawaenɛ min mbe ma‑a, ɛ ben‑da wan a kɔma ma, min ma‑a a ka dunya a dan tima ma, a sɔ sanche ma. A sin a nyɔn sima ee ma‑a to kuɔ fɔ.

MATIU 24:21 ပူးပေါင်းရင်းမြစ်များ

MATIU 24:20

Wo samunɛ chɛ Yataa tena, wo ma na bui chɛ chɛ sama ɔ, ni chɛ ma, wo ma na a chɛ suin tee ma.

MATIU 24:29

“Ko yawaen tee chɛ n mbe ben‑da dechee, mbɛ tee ee na‑a man‑da, mbɛ kau wɛɛ ɛ pimbi‑a wan. Tɔmbuaka n mbe bea‑a wan a ka banda a. Fen kɔ fen min mbe banda a, Yataa ɛ a ɔ samba‑a wan a ka a gba ɔ.

MAKI 13:9

“Chɛɛ wo wo wandi kun ma fɛn. An mbe wo bia‑a wan, an ni ta wo a, gbakoo n chen kɔɔ. An mbe yɛ‑a wan to, an ni wo gbasi an 'na samun chɛ chenɛ n na. An mbe wo bia‑a wan, an ni ta wo a, chɛnyɛ ti n tena, an mbe ta‑a wan wo a, mansa wa n chen kɔɔ. An mbe chɛ gbɛɛ si‑a wan wo a, a si n bakoe ma. Chɛɛ wo e kun‑da wan Yataa 'a sakana bai chɛndɛ ɔ yian‑da an na.

DUKU 21:24

An chɛɛ ma nyɔɛ n mbe an dɔ n fa‑a wan, mbɛ an‑na an dɔ n ma yɔnɛ n na, chɛnyɛ dɔ mende tɔɛ chɛ n gbɛɛ ɔ. A sin, mɔɛ miin ma Chu mɔɛ n na, an mbe gbasaya din‑da wan Chuusaɛn mɔɛ n ma, aan an ta tima ni ban.”

Gboo Saa Tɛsadonika Ko A 2:16

Nn ni sakana bai chɛ sa wan, mɔɛ chɛ n tena, miin ma Chu mɔ a. Chɛ an ni a ma, an mbe bauncha ma sɔn Yataa a. An‑na butuin chɛ wan, min mbe a ma, nn ni sɛmbɛ chɛ ma koe a to. Chɛ gbu‑a a ma gbɛ, an 'na ko yama maenɛ da fa‑a gban. A sin, Yataa ɛ a faatɛ a bɔ tena gbɛ an ma, mbɛ a sin ɛ ko ma gbaaenɛ si‑a wan an na.

KO Ɔ NUNDENƐ 16:18

Mbɛ banda manɛ mia mia ben ben‑da, banda ɛ tu‑a diki diki, ɛ ta‑a koɔ‑a gbau gbau, mbɛ duu gboo wɛɛ samba‑a a ma chianden ba a. A ka mɔ gbu bɔ tima ma dunya chɛ ɔ, duu gboo ma samba nin bɛ, min yau kaka a ni che chɛ ɔ.

KO Ɔ NUNDENƐ 7:14

Mbɛ n dɔ, “Kai, n ma ko ɔ sɔn chɛ ma. N mbe i wan dɔ tisa chɛ a.” Mbɛ a ɔ n ma, “Mɔɛ chɛ nu miin kun bɔ‑a ko gbɛama wa chɛ ɔ, an fan nɛ ka. An fan‑na an 'na koa n ko, an‑na an gbɛ fo, sa tɔngbɔɛ chɛ wii a.