MATIU 24:14 - Yataa 'a Dɔbɛnɛ Nama

¹⁴ Mbɛ a sin, sakana bai chɛndɛ chɛ, a si Yataa 'a mansaya ma, mɔɛ n mbe a ɔ yian‑da wan mɔɛ gbɛɛ a dunya gbɛɛ ɔ. Chɛ ɛ a ma‑a wan, mɔɛ n ni sakana bai chɛndɛ chɛ a min chɛnyɛ koɛ kan kɔ kan dɔ. A sin, a tima a mu dechee, dunya ɛ danka‑a.”

MATIU 24:14 ပူးပေါင်းရင်းမြစ်များ

MATIU 10:7

Wo ta Chu mɔɛ n fan tena, mbɛ wo‑a a fɔ an ye, mbɛ Yataa‑a a kuu sɔ a 'a mansa wai chɛ‑a dunya ɔ.

MATIU 18:19

“N ni a ma din to wo tena. Ni wo mɔ fea gbe wɛɛ dɔn‑da nɛ dunya chɛ ɔ ko dɔndɔɛ ma koe a, mbɛ wo‑a Fa Yataa ɔ tisa an koe chɛ ko a, ɛ a ma‑a wan wo ye.

MATIU 24:3

Chɛ gbakɔ, Chisɔsi ni wan si ɔ Wodifi kɔnkɔɛ kun ma, mbɛ a fɛ denɛ n na‑a a tena. Mbɛ an dechee a nɔ, an dɔ, “I‑a bai miin fɔ ka, a ɔ yian nn na, ni sɔyɔ mu koe chɛ n mbe ma‑a. Nn mbe a ɔ sɔn‑da ka ma, mbɛ dunya danka che‑a, i na koe a? A tɔmɔsi ɛ ma‑a fen na?”

MATIU 24:6

Wo e chɛɛ ma tɔɛ a min‑da wan wo a tindanɛ, wo ni chɛɛ ma tɔɛ a min pɔɔ. Koe chɛ n mbe ma‑a wan, chɛɛ wo ma chian. Chɛ ni ma wɛɛ, a ee a ɔ yian, mbɛ tima che‑a dunya ban koe a.

MATIU 4:23

Chisɔsi ben ben‑da wan Kadidi chɛnyɛ gbɛɛ ɔ, ɛ ta‑a mɔɛ n kan‑da Chu mɔɛ n 'na samun chɛ chenɛ n na. A ni sakana bai chɛndɛ chɛ ɔ yian fan to mɔɛ n na, a si Yataa 'a mansaya ma, mbɛ a‑a mɔɛ n baun an 'na gbandi kan kɔ kan dɔ, miin ni an ma.

MATIU 9:35

Chɛ gbakɔ, Chisɔsi ben ben‑da wan konko n dɔ, a basan duu wa n na, an chɛnyɛ chɛ gbɛɛ ɔ. Ɛ ta‑a mɔɛ n kan‑da Chu mɔɛ n 'na samun chɛ chenɛ n na. A ni sakana bai chɛndɛ chɛ ɔ yian fan to mɔɛ n na, a si Yataa 'a mansaya ma. A yɛ to, a‑a mɔɛ n baun fan an 'na gbandi kan kɔ kan dɔ, miin ni an ma.

MAKI 13:10

Chɛ n mbe e na to ma‑a, sakana bai chɛndɛ chɛ pɛn mbe fɔ‑a, mɔɛ n ye chɛnyɛ gbɛɛ ɔ.

DUKU 2:1

A tima chɛ a, Domi kun ti wa ni wan nɔ, min tɔ ni Ɔkɔsɔsi. An ni mansa a Domi chɛnyɛ wa kun ma. A na‑a sawa a ben fan, mbɛ mɔɛ miin gbɛɛ mbe a 'a gbasaya kɔɔ, an ni an tɔɛ n be an dan koe a.

DUKU 24:47

Yataa 'a gboo‑a a fɔ wan to, mbɛ a 'a sakana bai chɛ ɛ che‑a wan mɔɛ n ma dunya chɛ gbɛɛ ɔ n tɔɛ ɔ. Mbɛ mɔɛ n ni an kan kɔ sɔ an 'na ko yama n na, min mbe a ma, Yataa ni a boo bɔ an 'na ko yama n dɔ. A ɔ, an ni sakana bai chɛ ɔ yian Chuusaɛn duu pɛn dɔ.

DUKU 4:5

Mbɛ Sitana sɛ‑a a a kɔnkɔ wa kun tɛ, mbɛ a‑a chɛnyɛ n gbɛɛ yian a a dunya chɛ ɔ, bui chɛ bui chɛ wandi a.

CHISƆSI 'A SƆ MƆƐ NU 1:2

aan a sɔ tee chɛ a, Yataa‑a a wan Chisɔsi ya min ma, a sɛ banda bu ɔ. A e na to ya‑a, a sɛ banda bu ɔ, a 'a sɔ mɔɛ nu, a na‑a a boo sɔ miin ma, a koɔ‑a pɛn an tena, Yataa Nyina 'a gbasaya ɔ.

CHISƆSI 'A SƆ MƆƐ NU 11:28

An tɛ ɔ, mɔ dɔndɔ ni wan nɔ, min tɔ ni Akabɔsi. Yataa Nyina‑a a ma wan, Akabɔsi chɛ sin, a‑a kɔnkɔ wa na koe kɔɔ fɔ wan dunya ɔ. An kɔnkɔɛ chɛ sin na‑a Mansa Kaudiyɔsi 'a tima an na, Domi chɛnyɛ ɔ.

CHISƆSI 'A SƆ MƆƐ NU 17:31

Koe min na mu, a‑a tee yian, ɛ tea gbɛmbo chɛ‑a mɔ gbu gbɛɛ a, dunya ɔ tee min ma. Ɛ a ma‑a wan, a na‑a a boo sɔ mɔɛ min ma, a ni mɔɛ n gbɛmbo. A sin‑na yiinatɛ be wan mmɔ ma, a‑a a ma kɛn, kamin chɛ‑a a kɔɔ sɔ, a ka saya ɔ.”

CHISƆSI 'A SƆ MƆƐ NU 17:6

Chɛɛ an ma an yen ni kɛn, an bea‑a gbɛ Chason fan ma, mbɛ an‑na a konkon, a basan Chisianɛ dɔ n na. Mbɛ an na‑a an na duu ɔ gbakoo n tena, an dɔ, “Mɔɛ chɛ n fan‑na dunya gbɛɛ a mun mun ben‑da. Sanche gbɛ, an na‑a nɛ mmɔ 'a duu wɛɛ ɔ,

CHISƆSI 'A SƆ MƆƐ NU 19:27

N mbe ee bai sa tena dechee a si mmɔ 'a kɔpɔ sɔn koe an ma, ni mmɔ ɛ fo‑a buɛ min dɔ kɔpɔɛ a. Chɛɛ tima ɛ che‑a wan, mɔɛ n mbe ee na‑a baa be‑a chen chɛ ma to, mmɔ 'a musu yataa wa chɛ, a 'a chen chɛ. An gbu sin mbe na‑a wan a bɔ‑a a 'a basɔmaya chɛ ɔ, min mbe a boo ɔ. A wɛn mu ka, mɔɛ gbɛɛ Esia chɛnyɛ chɛ gbɛɛ ɔ, a basan dunya chɛ gbɛɛ a, an mbe a fai.”

CHISƆSI 'A SƆ MƆƐ NU 20:25

“A sin, a yen ko gbɛ, n‑na chɛ ɔ sɔn. Mbɛ n ben ben‑da wo wɛn gbɛɛ tɛ ɔ, n mbe ta‑a koɔ‑a wo tena, a si Yataa 'a mansaya ma, wo dɔndɔ wɛɛ ee na‑a n yen‑da to.

GBOO DOMI KO A 10:18

Chɛɛ chɛ ɛ ma wan tea a gbau gbau, mbɛ an na‑a sakana bai chɛ a min fan. Yataa 'a gboo ɔ, a nyɛnden fan mu, mbɛ a wan Yataa 'a fenɛ miin gbɛɛ a dan, an‑na sakana bai chɛ fɔ wan. A yɛ to, an da a kuiɛ na‑a a fo wan dunya danka a.

Gboo Kɔdɔsai Ko A 1:23

Chɛɛ, chɛ ɛ ma dechee, ni wo ma sɛmbɛ ni wo kai fa koe a Chasi a. Wo ma yɛ kuu kɔ, wo sin ni sɔ gban. Wo‑a sakana bai chɛndɛ chɛ a min tima min na, wo‑a yiinatɛ min ma sɔn, wo ma dɔn mɔ dɔ gbɛɛ ni wo ka an chia chɛ ma. Yataa‑a n ma a 'a wai chɛ mɔɛ a, an sakana bai chɛ an ko a. Sakana bai chɛ, a ɔ yianden fan mu gbɛ dunya gbɛɛ ɔ.

Gboo Kɔdɔsai Ko A 1:6

Sakana bai chɛndɛ chɛ ɛ a ma tena wan, ko chɛndɛ sɛsɛ ɛ mɔɛ n tan tena tima ɔ tima ko a dunya gbɛɛ ɔ. A sin, wo wandi wɛɛ tɛ ɔ, ɛ ma tena ka wan. A bia tee saa saa chɛ ma, wo na‑a a a min kɛn, mbɛ wo dan‑da koadia demanɛ a chɛndɛ chɛ, Yataa ɛ min chɛ tea tea ɔ.

GBOO IBU MƆƐ N KO A 1:6

A yɛ to, Yataa e na to a 'a denɛ saa chɛ a na‑a dunya ɔ, a na‑a a fɔ wan a 'a gboo ɔ, a ɔ, “N fan Yataa, n 'na maeka n gbɛɛ, an ni basɔmaya be n 'na den chɛ ma.”

GBOO IBU MƆƐ N KO A 2:5

Koe min na mu, dunya chɛ min mbe ya ɔ ma, Yataa nii ma a fɔ ni, mbɛ maeka n fan mbe a kun ma. A sin, nn mbe ka koɔ tena, a si an dunya chɛ an ma.

KO Ɔ NUNDENƐ 14:6

Mbɛ n‑na maeka dɔ mende yen, ɛ ben‑da banda a yɔ konde. Sakana bai chɛndɛ ɛ a boo ɔ, sakana min mbe ee tui kuɔ fɔ. Ɛ a boo ɔ, mɔɛ n gbɛɛ ko a dunya ma. Chɛ n ko a chɛnyɛ kunɛ kan kɔ kan dɔ, chɛnyɛ koɛ n dɔ, dambi n dɔ, ni mɔ gbu kan kɔ kan ko a.

KO Ɔ NUNDENƐ 16:14

Nyina yama ni an na, miin mbe a ma, kamaya koe n mbe ma. An mbe ta wan mansa kan kɔ kan tena dunya ma, an na kan koe a kaina dɔndɔɛ. An ni chɛ ma tena, chɛɛ chɛ koe an na tee wa chɛ ma, Yataa Mansa Wa 'a tee chɛ.

KO Ɔ NUNDENƐ 3:10

Koe min na mu, wo‑a n da a kuiɛ a min, wo‑a wo faa bia. N bɛɛ, n mbe wo kun ma fɛn‑da wan tima chɛ a, tima min na dunya gbɛɛ ɛ ma‑a dɔsimanɛ kɔɔ, mɔɛ gbɛɛ ɛ ma‑a tɔɔya ɔ.