MATIU 23:8 - Yataa 'a Dɔbɛnɛ Nama

⁸ Chɛɛ wo dɔndɔ wɛɛ ma dɔn mɔɛ n ni wo chee, kan mɔ, koe min na mu, wo gbɛɛ mu mɔ dɔndɔɛ n fan na. A sin, kan mɔ dɔndɔ gbe an mbe wo ko a.

MATIU 23:8 ပူးပေါင်းရင်းမြစ်များ

MATIU 10:25

An mbe kan chɛ mɔɛ bia buɛ min dɔ, an mbe a 'a kan denɛ wɛɛ bia ka wan. Bɔi denɛ wɛɛ, an mbe a ti bia buɛ min dɔ, an mbe a wɛɛ bia ka wan. An‑na suun ya ɔ sɔɛ chee ka buɛ min dɔ, an dɔ, Bɛɛsɛbu, an mbe sika a to nyɔn chee koe a tɔ dɔ mende a suun chɛ ɔ?

MATIU 17:5

Pita to‑a koɔ tena wan Chisɔsi tena, mbɛ dingbii gbɛenɛ fo fo yii‑a an kun na, mbɛ Yataa koɔ‑a an dingbii chɛ ɔ, a ɔ, “N 'na denɛ an nɛ, a ko a di n ye kaka. N faa chimaen mu a ko a. Wo a da a kuiɛ a min.”

MATIU 23:10

Wo ma a ma mɔ ɔ mɔ ni wo chee, kun ti a. A mu min na, mɔ dɔndɔ gbe an mbe nɔ, min mu wo kun ti a. An nɛ n na, n fan, kunka mansa.

MATIU 23:7

Ni an ta‑a machiti an dɔ, an toen mu mɔɛ n ni basɔmaya kɔndɔnɛ chɛ an na. An toen mu mɔɛ n ni an chee, an dɔ, kan mɔ.

MATIU 26:25

Mbɛ Chudasi, min dɔn‑da Chisɔsi ma tachɛ koe a, a koɔ‑a, a ɔ, “Kan mɔ, n gbee ma chɛ a, ae?” Chisɔsi ɔ, “I wandi da an‑na a fɔ ka.”

MATIU 26:49

Chɛ an‑na a ma, Chudasi‑a a fo kɛn, mbɛ a ta‑a Chisɔsi tan a ya kɔɔɛ a. Mbɛ a‑a a fɔ, a ɔ, “Kan mɔ, en wua,” mbɛ a‑a a kɔndɔn.

MAKI 10:51

Mbɛ Chisɔsi ɔ, “I toen mu n ni fen ko chɛ i ye?” Mbɛ ya te tɔɛ chɛ ɔ, “Kan mɔ, a ma n ya a ni ka.”

MAKI 11:21

Mbɛ Pita‑a a yii na chii, mbɛ a ɔ Chisɔsi ma, “Kan mɔ, a yen bɛ, i na‑a kɔnɛ min danka ka, a gbaa‑a pɔɛ.”

MAKI 14:45

Mbɛ an‑na a fo kɛn, Chudasi ta‑a Chisɔsi tan a ya kɔɔɛ a, mbɛ a ɔ, “Kan mɔ,” mbɛ a‑a a kɔndɔn.

MAKI 9:5

Mbɛ Pita‑a a fɔ, a ɔ, “Kan mɔ, a nyan‑da wan mmɔ ɛ nɛ chɛ. Ka nn mbe ku sawa bun. Ku dɔndɔ i ko a, dɔndɔ kai Mosisi ko a, mbɛ dɔndɔɛ ma‑a kai Idaicha ko a.”

DUKU 22:32

Saimɔn, chɛɛ n‑na samunɛ chɛ i ko a, i chenɛ ni sɔ gban i 'a danaya ɔ n na. A sin, ni i‑a i ya a yɛ to n ma, a ma i bɔɛ n bɛɛ, an chenɛ ni sɔ gban an 'na danaya ɔ n na.”

CHƆN 1:38

Mbɛ Chisɔsi‑a a ya a mun, a‑a an yen, an beaenɛ ɛ a fɛ. Mbɛ a ɔ, “Wo wan, wo e fen yan tena?” Mbɛ an dɔ, “Kan mɔ, i yia tena ɛ mende?”

CHƆN 1:49

Natanɛɛ ɔ, “Kan mɔ,” a ɔ, “Yataa 'a denɛ chɛndɛ chɛndɛ mu i a,” a ɔ, “Isɔɛɛ mɔɛ n 'na mansa mu i a.”

CHƆN 11:8

Mbɛ an dɔ, “Kan mɔ, mmɔ ka kundu chɛ ɔ nɔ, mɔɛ chɛ n toen ni an ni i ma bon bon senɛ a, i ni fa. I toen mu to, mmɔ ni yɛ nɔ wan ka to?”

CHƆN 20:16

Mbɛ Chisɔsi‑a a chee a tɔɛ ma, a ɔ, “Mɛi.” Mbɛ Mɛi‑a a kunɛ kɔɔ sɔ a tena, mbɛ a ɔ, “Ticha.”

CHƆN 3:2

Yɛɛ dɔndɔ ma, kamin chɛ na‑a wan Chisɔsi tena, mbɛ a ɔ, “Kan mɔ, nn‑na a ɔ sɔn, mbɛ i ta tichaya, Yataa an‑na i a na. Mɔ ɔ mɔ ee che kamaya koe chɛ n ma‑a, e miin ma ka, mɔɔ ni Yataa ma‑a an mɔɛ chɛ kɔ.”

CHƆN 3:26

Mbɛ an na‑a Chɔn tena, an dɔ, “Kan mɔ, kaminɛ wɛɛ yen ko pan yii chɛ‑a mɔɛ n kunɛ ɔ, Yataa chia a. Mɔɛ n mbe nyɔndɔn tena wan gbɛ a tena. A to‑a wan i yii ma, wo fea ni kaminɛ min na Chɔdan yii kaka dɔndɔɛ ma, e min chee ka kunka mansa a, an kamin chɛ mu.”

CHƆN 4:31

Chɛ ɛ ma‑a tima min na, Chisɔsi fɛ denɛ n ni a ma nande tena wan, an dɔ, “Kan mɔ, daun fenɛ sima daun gbɛ.”

CHƆN 6:25

An‑na a yen kɛn, yii chɛ kaka dɔndɔɛ ma, an dɔ, “Kan mɔ, i‑a a fo nɛ tima minan na?”

CHƆN 9:2

Mbɛ Chisɔsi fɛ denɛ n‑na a ɔ tisa, an dɔ, “Kan mɔ, mɔ ma a ɔ sɔn, mɔɛ min 'na ko yama maenɛ‑a kamin chɛ fion buɛ chɛ ɔ. A e na ma a wandi ta an na ba, kɔ a woo mɔɛ nu?”

GBOO FEAN BƆƐ KƆYINDI KO A 1:24

Nn mbe ee a din tena wo ma fɔsɛɛ a, wo e dan koe min na. Nn‑na a ɔ sɔn fan, wo kai faen fan mu Chisɔsi a gban. Nn mbe a ma tena, tee ɔ tee a, mmɔ bɛ ɛ wai chɛ tena, wo 'a buɔdia ko a.

GBOO FEAN BƆƐ KƆYINDI KO A 4:5

Nn mbe sakana bai min dɔ yian, a ma si ni nn fandi an ma. Chɛɛ a gbu an nɛ, mbɛ Chisɔsi Chasi an mu mansa a. Nn tana sin gbɛ, nn mu wo 'a yɔnɛ n fan na, Chisɔsi ko a.

Gboo Ɛfisɔsi Ko A 3:15

Mmɔ Fa chɛ sin, dambi kan kɔ kan, banda bu ɔ, ni nɛ dunya chɛ ɔ, a wan mbe an sɔnɛ be.

FIDEMƆN 1:16

Sanche gbɛ, yɔn dechee ma a a, chɛɛ a benden mu yɔnɛ ma kaka. A mu gbɛ mɔ faa ma suun ma nyɔɛ an na. N toen mu a a kaka, chɛɛ i sin mbe to‑a wan a a, a ben n ma. I 'a yɔnɛ mu a a, a yɛ to, i suun ma nyɔɛ mu a a Mansa Chisɔsi ɔ.

CHIMISI 3:1

N suun ma nyɔɛ nu Chasi ɔ, wo sɛsɛ ma ma ticha n na, mɔɛ n kan koe a chɔchi n dɔ. Koe min na mu, mmɔ wan kan chɛ mɔɛ chɛ nu, Yataa ɛ kaa a tɛ‑a wan, a si mmɔ ma, faaakɔɔɛ wandi gbu a, a ben mɔɛ tɔɛ n ma.

1 PITA 5:3

Wo ma ma mansa n na mɔɛ chɛ n kun ma, Yataa‑a miin be wo ma an kun ma fɛn koe a. Chɛɛ wo sɔnɛ ni ma tɔmɔsi chɛndɛ a an tena, a nyin an ni bea min fɛ.

KO Ɔ NUNDENƐ 1:9

N fan mu, n fan Chɔn, wo suun ma nyɔɛ Chasi ɔ. Mmɔ gbɛɛ, mɔ dɔndɔɛ mu mmɔ a, mmɔ bɛ Chisɔsi a, an mu mmɔ 'a mansa a. A sin, mmɔ gbɛɛ, mmɔ ɛ tɔɔya dɔndɔɛ an dɔ bia tena, mmɔ ɛ mmɔ faa bia‑a, a ko a. Yataa 'a sakana bai sa koe a, a basan Chisɔsi wakoe a, n na ta‑a Patimɔsi bia ɔ an ko a, yii tinɛ ɔ duu gboo chɛ ma.

KO Ɔ NUNDENƐ 19:10

Mbɛ n‑na n kumbai gbangban a chen kɔɔ, a fai koe a. Chɛɛ a ɔ te n ma, a ɔ, “I ma chɛ ma. Yataa an fai. N mbe wai chɛ an ko a, yɔ wo e wai chɛ buɛ min dɔ a ko a. Wo gbɛɛ, wo wɛn kai faen mu tea chɛ a, min ka‑a Chisɔsi tena. An tea chɛ, an mbe a ma, mɔɛ n ni Yataa bai sa.” Koe min na mu, Chisɔsi‑a bai min fɔ, an mu Yataa 'a sakana bai kunɛ a mɔ gbu n tena.

KO Ɔ NUNDENƐ 22:9

Chɛɛ a ɔ te to n ma, “I ma chɛ ma. N bɛɛ, Yataa 'a yɔnɛ mu n na. N mbe ka wan dechee yɔ i wan, wo bɛ i suun ma nyɔnɛ n na, Yataa 'a gbonka chɛ mɔɛ nu, a basan mɔɛ chɛ n gbɛɛ a, miin too ma sɔen mu gboo chɛ ɔ bai n ma. Chɛ an fɛ mu, Yataa an fai.”