MATIU 23:4 - Yataa 'a Dɔbɛnɛ Nama

⁴ An mbe suun fanka ma si wan mɔɛ n kun ma, chɛɛ an fandi ee fen kɔ fen bia an boo wɛɛ a.

MATIU 23:4 ပူးပေါင်းရင်းမြစ်များ

MATIU 23:23

“Wo wan sawa kan mɔɛ chɛ nu, wo wan Fayisii nu, koe min mbe wo tan‑da, a yau gba wo ko a. Nɛnɛn fea ti mu wo a. Ko chɛndɛ yen ko, wo e min ma. Boo fen kan kɔ kan, wo e min sɔn, wo e a du wan si tena tanɛ a, mbɛ wo‑a si tena dɔndɔ be Yataa ma. Boo fenɛ tatayaenɛ wɛɛ, wo e Yataa kɔ wan a ɔ. Chɛɛ wo ma wo gbɔsɔ ni bea koe a a 'a sawa chenama wa an fɛ. Wo ma wo gbɔsɔ ni tea koe n ma koe a wo bɔɛ n na. Chinchimaya ee wo ɔ wo bɔɛ n ko a, mbɛ a sin to, wo ma danaya ni wo bɔɛ n tena. Koe chɛ n gbɛɛ, wo an ma. A sin to, wo a a tun wo boo fenɛ n be koe a Yataa ma.

MATIU 23:3

Chɛ an‑na a fɔ, wo kooya be an ma. A yɛ to, ni an‑na ko ɔ ko fɔ wo ye a ma koe a, wo a ma. Chɛɛ wo ma bea an chɛ chɛ wai fɛ. A mu min na, an mbe min fɔ wo ye, a si mɔɛ e Yataa 'a sawa a wai buɛ min dɔ, an fandi ee a ma ka.

DUKU 11:46

Mbɛ Chisɔsi ɔ, “Wo wan sawa kan mɔɛ chɛ n bɛɛ, koe min mbe wo tan‑da, a yau gba wo ko a. Wo e suun feanka fanka ma si wan mɔɛ n kun ma ta koe a, chɛɛ wo wandi gbu ee deman an ma ɛnden bɛɛ a.

CHISƆSI 'A SƆ MƆƐ NU 15:10

Chɛ an fɛ mu gbɛ, wo ma suun feanka si mɔɛ chɛ n kun ma, feanka min mu mmɔ bɛ mmɔ bemba n ta bemba n na, mmɔ ee che min kɔɔ. Wo e ma‑a ka Yataa an dɔ siman‑da, ni wo‑a chɛ ma.

CHISƆSI 'A SƆ MƆƐ NU 15:28

Koe min na mu, nn‑na a ɔ yen fan, mbɛ a nyin fan nn tena, ni Yataa Nyina gbu wɛɛ tena, mbɛ yakɔɔtawa dɔ mende kan kɔ kan ma si to wo kun ma. Chɛɛ wo ni bea dechee sawa chɛ n fan fɛ, miin nyin wo ko a, yɔ chɛ nu.

Gboo Kadesia Ko A 6:13

Koe min na mu, mɔɛ chɛ n bɛɛ gbu, miin na kaminchaen mu, an bɛɛ gbu ee an sawa bia tena. Chɛɛ an toen mu, wo a ni kamincha, min mbe a ma, an ni tɔmbɔɛ chɛ wo gboo a.

1 CHƆN 5:3

Mmɔ ɛ koadia yian ka wan Yataa a, ni mmɔ don‑da a da a kuiɛ kɔɔ. Chɛ sin, a ma gbɛ a a min koe a.

KO Ɔ NUNDENƐ 2:24

A ɔ, “Musu chɛ 'a kan chɛ, an mbe min chee, an dɔ, tea ɔ nunden ba a si Sitana ma, kan yama mu. Chɛɛ wo tana, wo wɛn to‑a ka nɔ chɔchi ɔ, Tiyatiya duu chɛ ɔ, wo wɛn ma bea ni a 'a kan chɛ fɛ, bai ɛ wan n da a wo ko a. N mbe a fɔ tena wo ye, mbɛ n mbe ee suun fankama dɔ gbɛɛ si tena wo kun ma.