MATIU 22:9 - Yataa 'a Dɔbɛnɛ Nama

⁹ Chɛ an fɛ mu, wo ta dani n ma, mbɛ ni wo‑a mɔ ɔ mɔ yen nɔ, an ni na bɛn chɛ ɔ.’

MATIU 22:9 ပူးပေါင်းရင်းမြစ်များ

MATIU 20:7

Mbɛ an dɔ, ‘Chɛɛ mɔ ɔ mɔ ma nn ya ni wai chɛ ko a, nn ni ban.’ Mbɛ kamin chɛ ɔ, ‘Wo na, wo ni ta wai chɛ n 'na yadi ɔ.’ Mbɛ an bɛɛ ta‑a.

MATIU 22:10

Mbɛ bɔi den chɛ n ta‑a dani n ma, mbɛ an‑na mɔ sɛsɛ n na sɔn, an boo kun‑da miin ma, na koe a an na bɛn chɛ ɔ. Mɔ yama an basan a chɛndɛ n na, an na‑a wan an gbɛɛ a. Mbɛ an‑na chen chɛ a fa gban, bɛn chɛ ni bia tena kaina.

MATIU 22:8

Mbɛ mansa chɛ‑a bɔi den dɔ mende n chee, a ɔ, ‘N 'na denɛ 'a musu si bɛnɛ gbu che‑a a ma. Chɛɛ n na‑a mɔɛ miin chee bɛn chɛ ɔ, an ma mɔ a tenden na.

DUKU 24:47

Yataa 'a gboo‑a a fɔ wan to, mbɛ a 'a sakana bai chɛ ɛ che‑a wan mɔɛ n ma dunya chɛ gbɛɛ ɔ n tɔɛ ɔ. Mbɛ mɔɛ n ni an kan kɔ sɔ an 'na ko yama n na, min mbe a ma, Yataa ni a boo bɔ an 'na ko yama n dɔ. A ɔ, an ni sakana bai chɛ ɔ yian Chuusaɛn duu pɛn dɔ.

CHISƆSI 'A SƆ MƆƐ NU 13:47

Koe min na mu, Mansa Yataa‑a a fɔ ka wan nn ye, a ma koe a. A‑a a fɔ wan a 'a gboo ɔ, a ɔ, ‘N‑na wo ma manɛ a, chɛ n ko a, miin ma Chu mɔ a. Chɛ ni a ma, wo ni na bauncha a dunya tɔnkɔnɛ gbɛɛ ɔ.’ ”

Gboo Ɛfisɔsi Ko A 3:8

N fan, n fɛn ma wɛɛ ka mɔ a tenden na, Yataa 'a mɔɛ n gbɛɛ tɛ ɔ, chɛ gbɛɛ ɔ, a‑a koadia deman chɛ chɛ n fan na. A ɔ, Chisɔsi na‑a ko chɛndɛ miin ma, n ni a ɔ yian chɛ n na, miin ma Chu mɔ a. An ko chɛndɛ chɛ nu, koe n fan nɛ, miin nyin a danka ee.

KO Ɔ NUNDENƐ 22:17

Yataa Nyina an fea sa tɔngbɔɛ 'a sɛnama a, an dɔ, “Mansa Chisɔsi, na fo.” Chɛ a min mɔɛ wɛɛ, a ni a fɔ, a ɔ, “Mansa Chisɔsi, na fo.” Mɔ ɔ mɔ min kanɛ a gbaaen mu, a ni na wɛ. Mɔ ɔ mɔ min toen mu na koe a, fɔɛ be yii chɛ min koe a, a ee ka na‑a, a sɔnkɔ be ee a ma.