MATIU 22:30 - Yataa 'a Dɔbɛnɛ Nama

³⁰ Tima min na, mɔɛ n mbe an kɔɔ sɔ‑a a ka saya ɔ, musu si basan kai sɔnɛ a, a ee ma‑a nɔ. Mɔ gbu gbɛɛ ɛ ma‑a wan yɔ maeka nu banda bu ɔ.

MATIU 22:30 ပူးပေါင်းရင်းမြစ်များ

MATIU 13:43

Chɛɛ mɔɛ miin tanden mu Yataa tena, an mbe man‑da wan taun, yɔ tee manɛ an Fa Yataa 'a mansaya kɔɔ. Chɛ an fɛ mu, wo wɛn too ɛ koe a min, wo chɛ a min.”

MATIU 18:10

Chisɔsi ɔ te to, “Wo wo kun ma fɛn. Wo ma wo ya a yii n fɛ denɛ den tachɛen bɛɛ ma. N ni a ma din wo tena, mbɛ maeka n mbe wan an boo ɔ banda bu ɔ, tɛɛ ee miin tɛ an bɛ Fa Yataa a.

MATIU 22:31

Min sin sien mu faa mɔɛ n kɔɔ sɔ koe ma, a ka saya ɔ, ɛ wan n yii ma, mbɛ wo‑a a kan fan Yataa 'a gboo ɔ, mbɛ a‑a a fɔ wan, a ɔ,

MATIU 24:38

Mɔɛ n ni wan ko ɔ ko ma‑a Nowa 'a tima a, yɔ mɔ gbu kan kɔ kan mbe min ma. An ni daun fenɛ n daun fan, a yɛ to, an mbe an min. Mɔɛ n ni musu n fuu wan, musu n sin ni be wan kai n ma. Chɛ an ni a a, yii nii ma dunya ya ni tima min na, mbɛ Nowa sɛ‑a dɛndɛ wa dɛgbɛ ɔ.

DUKU 17:27

Mɔɛ n ni wan ko ɔ ko ma‑a Nowa 'a tima a, mɔ gbu ɛ ko ɔ ko kan kɔ kan min ma. Mɔɛ n ni daun fenɛ n daun fan, a yɛ to, an mbe an min. Mɔɛ n ni musu fuu wan, musu n sin ni be wan kai ma. Chɛ an ni a a, yii nii ma dunya ya ni tima min na, mbɛ Nowa sɛ‑a dɛndɛ wa dɛgbɛ ɔ. Mbɛ yii‑a an 'na dunya gbu gbɛɛ ya, mbɛ a‑a an gbɛɛ ban.

KO Ɔ NUNDENƐ 19:10

Mbɛ n‑na n kumbai gbangban a chen kɔɔ, a fai koe a. Chɛɛ a ɔ te n ma, a ɔ, “I ma chɛ ma. Yataa an fai. N mbe wai chɛ an ko a, yɔ wo e wai chɛ buɛ min dɔ a ko a. Wo gbɛɛ, wo wɛn kai faen mu tea chɛ a, min ka‑a Chisɔsi tena. An tea chɛ, an mbe a ma, mɔɛ n ni Yataa bai sa.” Koe min na mu, Chisɔsi‑a bai min fɔ, an mu Yataa 'a sakana bai kunɛ a mɔ gbu n tena.